هل يعتقدون ان مد الايد على الزوجه رجوله؟

[جودي 130]

بسم الله الرحمن الرحيم
السلام عليكم ورحمة الله وبركاته


اليوم حابه نناقش موضوع مهم ومنتشر بشكل كبير وهو ظاهرة ضرب الزوجات التي تعتبر
من صور العنف الأسري والتي لها أثر سلبي على
نفسية الزوجه والأطفال والمشكله الأكبر من الضرب سلبية المرأه وسكوتها على تسلط الزوج إهانته لها لأنها تحبه بصراحه حب يجي من وراه ضرب وإهانه الله الغني عنه الزواج علاقه ساميه لابد أن يسودها الإحترام المتبادل بين الزوجين
ولنفرض إنه صدر من الزوجه شي يضايقك كلم
ولي أمرها يتصرف معاها
ختاماً
لماذا يلجأ الرجل إلى ضرب المرأه ؟ هل يعتبره رجوله؟
هل سكوت المرأه على الضرب خوف من الرجل أم ماذا؟​

 

[MiSS B.K]

اسلوب الضرب هذا انا ما اعتبره رجوله

 

[JANAA]

يوجد حالات حق ضرب الزوج لزوجته :

1-يضرب زوجته حتى يعوض النقص الي عنده

2-وممكن يرجع للبيئه الي عاش فيها بمعنى انه عاش تجربة الاب يضرب الام او اي احد من العائله او تكون عادات موروثه او يسمع من الاصدقاء بان الضرب رجوله وهو عكس ذلك تماما .

3- وفي شي ثاني بعد ممكن تكون الزوجه سليطة اللسان وحاده بكلامها مع زوجها وتقذفه بكلمات جارحه فما يقدر الزوج يتمالك نفسه ويمد ايده .

طبعا يعتبر ضرب الزوج لزوجته ضعف وعدم ثقه بالنفس ويحتاج لعلاج .

 

[Nicki Minaj]

الضرب مرفوض عقليا ومنطقيا !!
حتى اذا بطلتي كتآب الله عزوجل ,, المره اذا ما قآمت تسمع الكلام الضرب الغير المبرح والهجر بالمضجع ,, وبالتفسير بالسنه النبويه إنه المره تضرب بعمامه أو بسواك .. شآيفه شلون بسآطه الأمر !! وما تضرب بويهها .. لأنه الويه حسآس !! الموضوع مو موضوع إحساس بالرجوله بس أتوقع المسأله يحس بالنشوه يعني في شي بدآخله يتشبع ومعروف هالنوع من الأشخاص بالسآديه ,, أوعنده نقص من نآحيه معينه فشوفي تآريخ طفولته وبينعرف ليش يتصرف جذي !
والمره اللي تسكت عن إهانه زوجها وضربها له .. أشوف هالنوع من الحريم إنها فاهمه كلمة أبي الستر عشاني وعشآن عيالي غلط .. الدين ما خله الريال يطق المره الا يدري بتنهدم البيوت .. واهوا هدم مبدأ ديني على شنو تبينه ؟ انا اعتبر هالنوع ما عندهم النضح الفكري

 

[iLLuMinaTion]

اكيد مو رجوله

خل يسترجل على رجال مو مره

 

[فيفي محمد]

والله الرجل اللي يضرب زوجته اسمحولي هذا مورجال هذا ينم عن شخصيتع الضعيفه ليش مايتفاهم معاها بالتي هي احسن انا عرف وحده بس زوجه عصب ومد ايده عليها بس بس بيحاول يصفعها بلغت اهلها وزفوه وادبوه ادب ليش انشاالله ماخذها من الشارع ولا انته بس ولد ناس وهي لا ليش تهينون بنات اناس
والرجل اللي يلجئ لضرب هذا ماعنده اسلوب فن الحوار وعقله في ايده موفي راسه
وانا ضد الحرمه اللي تسكت على الضرب بسسسسسسسسسس فيه حالات استثنائيه بسكوت الحرمه يمكن ضروفها الماديه ضعيفه او اعيالها كاسرين ضهرها او يهال
بس مادري انا اشوف مهما كان غلط الوحده تسكت عالضرب

 

[بنت الاحلام]

هلا وغلا حبوبه
صراحه انا م احترم الرجال الي يمد ايده علي حرمه تحت اي ضرف او اي سبب
سواء زوجته او اخته او بنت اخوه او اخته

ماحترمه ولا احس فيه رجوله لان الحرمه مهما كانت ضعيفه
ولا تقدلا تدافع عن نفسها
شنو شعوره لما يطقها واهي ماتقدر تدافع عن نفسها وين رجولته

 

[** محبوبه**]

لماذا يلجأ الرجل إلى ضرب المرأه ؟
يمكن تكون عوبه ويبي يأدبها
هل يعتبره رجوله؟
no
هل سكوت المرأه على الضرب خوف من الرجل أم ماذا؟
لا موخوف بس تلقينها تبي تعيش معاه عشان اعيالها والاشنو يسكتها وتعيش معاه على هالعيشه الااذا كانت تعشق زوجها وتعتقد الضرب وسيله عن تعبير عن حبه لها >>متخلفه

 

[ستانلي]

هلا وغلا حبوبه
صراحه انا م احترم الرجال الي يمد ايده علي حرمه تحت اي ضرف او اي سبب
سواء زوجته او اخته او بنت اخوه او اخته

ماحترمه ولا احس فيه رجوله لان الحرمه مهما كانت ضعيفه
ولا تقدلا تدافع عن نفسها
شنو شعوره لما يطقها واهي ماتقدر تدافع عن نفسها وين رجولته

معاها :rerrerek::rerrerek:

 

[حلوه ولمآحه]

صرآآحه انا مآآيد الضرب للزوجه لانه منافي للرجووله
بس والله فيه حريم ماينفع معاهم الا الضرب،،
يعني مثل الله يكرمج الحمار مايمشي الا بالضرب،،
يعني فيه حريم تعاند الريال وتطول لسانه وهو يمسك اعصابه عنها وهي الا تحارش تبيي المشاكل لين يفقد اعصابه ويطقهآ،
وبعد فيه ريايل مادري شقول استغفر الله يعرض قوته ورجولته ع مره ويتعرض عضلاته
ع ادناه الدون يضرب
والقران ذاكر الضرب ،،>>واضربوهن ضرب غير مبرح

 

[om MaRyooM]

انا اقول الريال اللي يمد ايده على زوجته فيه نقص ويحاول يعوضه بهالشي لأنه حسباله ان هذا نوع من انواع القوة والرجولة


واللي اعتبره اقوى انواع ضعف الشخصية ...

وانا مادري ليش استغرب من الزوجة اللي تسكت اذا زوجها طقها !!