هل يجوز للحامل ان تفطر برمضان ؟؟؟؟؟

[فيلا 5]

تعااااااااااااااااااااااااااااااااااااالو ياجماعه بسالكم يجوز الحامل تفطر في رمضان ؟؟؟؟

اليوم ةسالت دكتوري جان يقولي لايكون انج اتصومين !!!!!! طبعا انصدمت يقول ان صيامنا لمدة 15 ساعه واخاف يسبب جفاف للمشيمه والبيبي وموزين ياثر علينا فيقولي لما احس بعطش عادي افطر ومايكون دين لااااا يكون افطار فقير ويقولي سالي فيها اكثررر
فشرايكم بنات منو يفيدنا بالموضوع ؟؟؟؟؟؟؟؟؟؟؟؟؟؟؟:bbbiu:

 

[عتاب الاحبه]

مادري اول مره اسمع هالك لام

 

[توتا حمرا]

ليش يعني ؟!!

لما حملت ببنتي كان رمضان وعادي صمت خير شالمانع

 

[shai6ona19]

شدعووووه عاادي يبه شكثر حوامل يصومون
اذا انتي حملج مو صعب
وصحتج وصحة الجنين بخير انصحج انج تصومين لان قضا رمضان كله صعب حيييل عليج بعدين لان بتكونين بروحج صايمه
طبعآ اذا جاتج ايام حسيتي انج تعبتي فيها افطري الدين يسر مو عسر
لكن انج تفطرين رمضان كله حتى لو صحتج زينه هاذي قويه وصعبه

وتقبلي رايي حبيبتي وعسا الله يسهل عليج يارب

 

[شوبارد قطر]

بسألج انتي عندج مشاكل صحيه
ابتعدي عن الارهاق والتعب اذا مموظفه اخذي اجازه
لاتطلعين بالنهار نامي النهار
واكل عدل قبل اذان الفجر وصدقيني بأذن الله مراح تحسين بشي

 

[فيلا 5]

مشكورين الي ردو عل بس انا طبعا ماراح افطر برمضان كله بس اذا طلعت بشي ضروري او حسيت اني تعبانه اوكي افطر بس مو بشكل يومي وبيني وبينكم انا صارلي 6 سنين وانا اعالج توني احمل فمتخوفه شوي

 

[مناوووي]

ابحثي عن الفتاوي


اختلفو فيها العلماء


فيه قالو الحامل اذا افطرت تطعم مساكين


وفيه من قال انهها تقضي صيامها



الحامل حالها حال المريض يفطر ويقضي متي ماقدر



وتفطر اذا خافت علي جنينها وعلي صحتها



الدكت،ره قالت لي صومي اذا حسيتي بتعب او ماغص او اي شي غريب افطري


للحين حمدلله والشكر صايمه


والله يحفظ بيبياتنا

حمالي هذا بعد ثلاث سنوات ونص


ربي يتمم علي وعلي كل حامل


ويحفظنا

 

[((غلاي))]

اذا الوضع تعبان و الحامل و صحتها تعبانه و البيبي
تفطر
بس اذا قادره عادي تصوم

 

[مزيونه وشقره]

حسب حالتج الصحيه

حمالاتي 3 ووقت الثقل يصادف رمضان واصوم الحمدلله عادي مره فطرت تعبت حيل يومها

وسلامتج حبوبه والله يتمم عليج ويقر عينج بالبيبي

 

[عروووسته]

ودي ابجي ابي اصوم بس زوجي مو راضي حايف اطيحه
لاني حامل عقب علاج وتعب وعمليات الحمدالله ياوب

 

[أإلع ـشق دلع ـهـأإ]

لا ياحبيبتي ماتفطر الحامل الا بعذر يعني يكون خطر عليها وعلى صحة البيبي اهني تفطر وبعدها تقضيه

انتي اذا فيه خطر عليج وعلى الجنين يجوز لج ان تفطرين وبعدها تصومين قضاج

اما اذا تحسين عادي مافيج شي خطر صومي ونامي النهار كله وقعدي بس ع الصلاة وردي نامي وقعدي قبل الفطور جذي ماتتعبين

وكثري الدعااااء برمضان وادعي انه ربي يثبته

 

[naseem]

تفضلي اختي ابحثي عن ما تريد هنا من احكام تختص بالحامل

| الموقع الرسمي لسماحة الشيخ عبدالعزيز بن باز


واسا الله ان يسهل ك الحمل والوضع والتربيه

 

[*ضيفة*]

انا لما يصادف رمضان وانا حامل اصوم عادي وهالرمضان ما افطرت الا رابع يوم واليوم حسيت نفسي تعبانة وافطرت والدين يسر مو عسر ودائما اللي افطره اقضيه بعد ما اولد

 

[فيلا 5]

مشكوووووووووورين الي ردو علي الله يسهل علي وعلي كل حامل يارب

 

[نسيانك صعب]

يابنات الدين يسر مو عسر
انا بتاسع ودكتورتي قالتلي مايصير اصوم
صمت بس اول ست ايام بعدين رحت لها قالتلي لا موزين
علي وعلي الجنين حتي تخاف علي نبض الجنين
والله لما كنت اصوم احس اني دايخه بس امسك نفسي
ومن اتفطر لاتشوفوني رجولي تنتفخ حيييييل والبيبي طول ماانا صايمه مايتحرك من اكل يبدا بالحركه
وانا اخوي انسان يعرف بالدين وماياخذ الا فتاوي كبار العلماء
ويجوز للحامل تفطر اذا عليها خطر وحتي المرضعه يجوز تفطر

الناس حيل يستثقلون الفطر برمضان اعرف حريم تاكل حبوب بس لان مالها خلق تصوم
يحسسوني ان الصوم ثقيل ومتعب شدعوه

 

[Laymo0ona]

انا دكتور السكر قاللي لاتصومين لان الاسيتون زاح يرتفع قلتله بجرب وان ارتفع افطر .. صمت اربعة ايام وارتفع قال خلاص ماكو صيام
بس اللي مستغربه منه انه قاللي نفس كلام دكتورج انه مايعتبر دين بس اطعام مسكين صراحه ماخذيت بكلامه وقلت بصومهم عقب بس استغربت انه نفس كلامه
منو دكتورج وياريت وحده تفيدنا بهالموضوع
شكلي بدق على شيخ يفتيلي

 

[لهفة المشتاقه]

انا صايمه رمضان بس ايني عوار بطني حيل مايخليني اكمل ادوخ

لما اكل ارتاح صارلي خمس ايام فاطره اتعب حيل حيل حيل

احس بلوعه ودوخه ماحسيتهم الا اخر رمضان صج الوحام

يتعب وانا واقفه تيني دوخه لما افطر اصحصح

دكتورتي تقول لازم تفطر الحمل اللي تتعب وايد

والله كنت اضغط علي نفسي من اول رمضان اصوم

ابجي بس اصوم ادوخ بالدوام هم صوم طلعت غلطانه

الدين يسر مو عسر

 

[sosowaty]

- ينقل -​