هل يجوز ان اطلب الطلاق

[noonaa-thn]

في البدايه اقولكم اني اخذت زوجي عن قصه حب دامت سنالااليو

وانتهت بالزواج وجبنا عيال وكل شي تمام

والمشكله الحقيق ان من تزوجنا وزوجي يخوني بس مو خيانه عضما يعني بس مكالمات تلفونيه وكنت دايما اصيده واذا واجهته وعصبت ينهي الموضوع بانه يطقني طق مؤلم جدا جدا واسكت من الخوف ولا عندي اهل اشد فيهم الضهر ما عندي الا رب العالمين
مرت السنوات وزادت البرامج بالتلفون وتسب وامستقرام وغيره وطبعا هو معاهم وياكثر البنات الي يعرفهم الحين وطبعا ادري وغصب عني اسكت لاني بس اتكلم انطق
اخر شي هالسنه قام يطلب مني المعاشره من الدبر وينكد علي حياتي عشان اوافق ويقولي تبيني اهد البنات خليني اعاشرج من الدبر
ولا يصلي واذا شافني اصلي يقولي صايره مله ويتمصخر علي
المشكله انا مطلقه من قبل بسبت هالطلب والحين عندي بنتين منه
وهو ما عنده استعداد يتغير صار لي 4 سنوات من تزوجنا وانا متحمله عشان بناتي
لاكن الحين كرهته واحس انه بيجرني للنار الله يجرنا منها
فهل الطلاق حل
لاني تعبت تعبت وقام يلوع جبدي منه لانه يبي من الدبر
​

 

[noonaa-thn]

وينكم محد قال شي عالاقل قولولي نصيحه

 

[Om_Ksha]

والله مادري شقولج الله يهديه لج ،،

انتي ادرى بظروفج تقدرين تتحملين ولا لا اما من الدبر رفضي لا طاعه لمخلوق في معصيه الخالق

 

[عمرها السعودية]

استغفرالله فوق كل عمايلة الشينة يبي يمصخها اكثر خوفية ذكرية بالله ذكرية بالموت

قولي شكثر موت الفجأة ارواح تروح يوميآ محد يتوقع ناس تجي ترتاح تنام ماتصحى

خوفية والله بيجيب معك نتيجة قولي له حرام مابي واللي بتسوية سوة واذا انتي مقتدرة

وموظفة والله الطلاق ارحم لك واذا العكس صبري وخوفية ادعي لة بالهداية والله مو عارفة

كيف للحين متحملتة

 

[Reelax]

مالك الا الدعاااااء. ادخلي قسم اسلاميات قوي ثقتك بربك . وادع ربك واستخيييييييري.

 

[حبيبة أهلها]

حبيبتي كثري من الأستغفار وحافظي على قيام الليل وتصدقي ولو بالقليل وادعي له بالهداية والله يفرج همك واتصلي على شيخ ثقة واسأليه والله يفرج همك
​

 

[أمواج البحر]

اي قانونا يحق لج الطلاق

ادعي له بالهدايه واستخيري والله يكتب لج مافيه الخير

 

[‏ڝڋٸ ٵڸڪٿہـآڻ]

الله يعينكـ أستخيري وبعدها أسألي شيخ ثقه خليه يفتي لكـ بالموضوع هذا وبموضوع الطلاق أسألي أكثر من شيخ عشان تطمنين والله يكتب لكـ فرج قريب بعد كل اللي صبرتيه ويحفظ بناتكـ ..ومن هينا لين تشوفين حل اوصيكـ بالاستخاره وبقيام الليل ,

 

[غصون ق]

اب
اب
انشاء الله البنات ساعدوج

 

[ام حبيبة عزيز]

ربنا يهديه يا رب ويسر لكم الحال بس لا تطوعيه اختى فيما يطلبه منك لانه لا طاعة لمخلوق فى معصية الخالق

 

[برنسيسة2007]

لاتطلقينصبري هالسنه بس غيري بشخصيتج
خليها سنة تجربه
صيري منكسره لاتراددينه ولاتذكرين افعاله الشينه وتقولين انت سويت وسويت
هلمره غيري حليه يحس انج منهاره
ترا هلاسلوب وااااايد نفع معاهم وانكسر زوجها معاها
خليج حزينه مكسوره منهاره
اذا طلب منج الحاجه الحرام ابجي وترجيه فلان الله يخليك
وادعي الله والتزمي الاستغفار

دامج ناويه عالطلاق جربي هلاسلوب بس حطي في بالج ان هلاسلوب يمكن ينفع معاه مؤقت لانه راح يتفاجأ فيه بعدين راح يتعود عليه ولاتهمينه
لذلك استخدمي هلاسلوب مع دعاء واستغفاااار كثيرا

وصدقيني اختي اذا ماراح تدعين الله وتستغفرين انتي الخسرانه
ولاتنسين صورة البقره قال عنها الرسول بمافي معناه اخذها بركه وتركها حسره

والله يوفقج حبوبه

 

[دلقينيوم]

لا حول ولا قوه الا بالله يعني تنصحونها تصبر وصارلها المسكينه اربع سنين صابره عليه شتنطر من شخص نفسه ولاا البلوه الكبرى يبيها من الدبر يعني فوق شينه قوات عينه ويهدد اذا ماعطته ماراح يهد البنات
اختي
صبرتي بما فيه الكفايه اذا انتي حابه تعطين نفسج فرصه بعد سنه تتحملين هاذا راجعلج جيبي ورقه وقلم وعددي السلبيات والاجابيات
احنا مانعرف شنهي ظروفج تشتغلين ماتشتغلين كويتيه مو كويتيه مانعرف شي عنج فا انتي ادرى بنفسج احنا اللهم بس ننصح وندعيلج انه الله يفرجها عليج
بس نصيحه لكل حرمه لاتصيرين مداس ينداس عليج الله خلقج حره منتي عبدة احد على اساس انا عندي يهال لايكلف الله نفسا الا وسعها
اسال لله انه يفرج همج ويهدي ريلج

 

[هنا22]

مشكله كبيره اختي مساله الدبر لا توافقين عليه ابد اما انه يقول اذا تريدين يترك البنات توافقين على الدبر مايهمج منه يعني يريد يشركج بالحرام لا نصيحه خلج قويه

 

[miss.lol]

صلي الليل و اقري سورة البقرة في الثلث الأخير من الليل و ادعي ربج

و اذا شفتي ان ماكو فايدة معاه

رفعي عليه دعوى تطليق للضرر لان اصلا ما يجوز شرعا يجامعج من الدبر
و يترتب على هالدعوى نفقة متعه لج و نفقة اعيالج طبعا

و فوق هذا تطالبينه بتعويض

 

[Mryosh]

حياتي بسألج انتي بعد ولاداتج سويتي عملية تجميل للمهبل ؟اذا لا روحي للدكتورة نساء خاصة وسألي عن احسن وحدة وخليها تكشف عليج وهي بتقولج الحل ان شاء الله وسوي تمارين كيجل ( لان ها لطلب توه قام يطلبه بعد ولاداتج فيمكن مؤ مرتاح وما عنده دين يردعه فطلب هالطلب او يمكن اهو مايبي عيال وخايف تحملين ( لأنج قلتي بوحدة من مشاركاتج انه مايبي يهال

 

[نوف الصقعبي]

ماطلب معاشره من الدبر الا انه ضايق هالشي من وحده ماتخاف الله
وياكثرهم هالأشكال الحين

اختى دام هاذي سوالف

طلبي طلاق للضرر

لا الله يخفس فيج بسبته

من ترك شيئآ لوجه الله وتقربآ لله وحبآ لله
عوضه الله خيرآ منه بالدنيا والآخره

​

 

[نوف الصقعبي]

حياتي بسألج انتي بعد ولاداتج سويتي عملية تجميل للمهبل ؟اذا لا روحي للدكتورة نساء خاصة وسألي عن احسن وحدة وخليها تكشف عليج وهي بتقولج الحل ان شاء الله وسوي تمارين كيجل ( لان ها لطلب توه قام يطلبه بعد ولاداتج فيمكن مؤ مرتاح وما عنده دين يردعه فطلب هالطلب او يمكن اهو مايبي عيال وخايف تحملين ( لأنج قلتي بوحدة من مشاركاتج انه مايبي يهال

على فكره مو شرط تكون الزوجه خربانه من جدام عشان يقولها زوجها يبي من ورا


الزوج اللى متعود اساسا عالحرام ومتعود يكلم وينام مع بنات من ورا

لو زوجته اضيج بنت بالدنيا

ماراح يتلذذ الا من ورا

لان ضايق هالشي من بنات الشوراع بنات الشات وياكثرهم
واغلب الشباب يستمتعون من ورا اكثر
لان شيطانهم قوي ويزين لهم الحرام
وهذا شاذ وكافر صلاة مايصلي

العهد الذي بيننا وبينهم الصلاة
فمن تركها فقد كفر

شلى حادها تعيش مع كافر وظالم وزانى ووصخ وشاذ​

 

[brettey]

الطلاق بهدللله ودام سكتي على طقه واهاناته خلاص قعدي وتحملي حتى لو ما كان عندج عزوه كنتي راح تقدرين توقفينه عند حده في مخافر وفي شي اسمه تهديد مادري شقول لج حبيبتي اهو يحق لج تطلبين الطلاق بس فيج شده على قضايا ومحاكم ؟
لحد يقول لج تطلقي والله راح يعوضج ترى بتتبهدليييين والله العظيم وماتضمنين تلاقين ريال سنع ولا لا اذا شخصيتج قويه ونوعج ماتخافين وعادي اي ممكن اقول لج تطكلقي بس مادري انا احس انج مغلوب على امرج الطلاق يبيله قوه شخصيه تبنين شخصيتج
الحين بلشي استغفار وصلاه الليل والدعاء الله يهديه لج ويسخره ويفرج همج

 

[سوسو الخقق]

اختي اولا زيدي من قربك لربك واطلبي انه يرضيء عليكي ربك لانه اذا رضاء ربك لكل بيرضي


ثانيا اكشفي عند دكتوره وضروري بعد

 

[اسرار الغلا]

الطلاق صعب وارضاءه اصعب ،، اهون الحلين مر الله يعينج