هل يجوز اخذ الاب مهر البنت بالغصب من غير رضاها

[اللهم رحمتك]

السلام عليكم

اعرف بنت مخطوبه ابوها متحلف اذا استلم المهر يبي ياخذ نصه ومستكثره عليها يقول وايد وشنو تسوي فيه والاب هذا معيشهم بفقر من كانو صغار ووايد اشياء الزبده مايعاملهم معاملة اب نهائيا وكله طق وتعقيد وتضييق من كل ناحيه وفوق كل هذا يسمع كلام الغير عن العيال لو يقول لون له موتهم يموتهم واصلا فكرة اخذ المهر مو فكرته فكرت غيره

بنات بليز اذا تعرفون شيوخ او كلام قايله شيخ او اي شي يدل ان اخذ مهر البنت بالغصب حرام افيدونا ونورونا خل نعرف هل هذا الشي يرضي الله ولا مايرضيه وشنو تسوي هالمسكينه عشان ماياخذ مهرها والمشكله هو بيده بيستلمه ومحد بديل عنه وحتى لو في بديل راح ياخذه

شنو الحل

 

[لوليتااا]

اسمعي رضا الله برضا الوالدين وهالبنت مستخسره هالشي بابوها لو تعطي ابوها كل فلوسها ماتوفيه حقه
صدقيني اذا البنت احتسبت هالفلوس علشان ترضي الله وتبر بابوها صدقيني بتتوفق بحياتها وتعيش سعيده والله بيحط البركه بمهرها وبعدين هالفلوس وين بتروح بتروح لابوها وامها واخوانهاا وزوجها كذا كذا راح يصرف عليهاا من بعد ابوها المهم الله يوفقها ويتمم عليها بخير

 

[اللهم رحمتك]

مشكوره على الرد بس انتي ماتدرين ابوها شلون معيشهم ومايعاملهم معاملة اب ومايبي ياخذهم لانه محتاج لا يبي ياخذهم عشان بس قالو له اخذهم

 

[Shinexo]

بس حرآم آلفلوس من حق آلبنت تجهز نفسهآ حق آلريآل آصلآ مب حقه هو , دآمه من آلآسآس مقصر ويآهم عسى مآشر تآخذه وتصير طيبه ويآه ؟

هآي ردود

الصداق والمهر من حقي أم من حق ابنتي؟

الحمد لله والصلاة والسلام على رسول الله وعلى آله وصحبه، أما بعـد:

فالمهر حق خالص للمرأة لقوله تعالى: وَآتُواْ النَّسَاء صَدُقَاتِهِنَّ نِحْلَةً { النساء: 4}. ولا فرق في ذلك بين المهر المعجل أو المؤجل.

وليس للأب منه شيء، وقد سئل عكرمة رحمه الله عما يأخذه الأب، فقال كما في المصنف: إن كان هو الذي ُينكَح فهو له. انتهى. وفي كلامه رحمه الله زجر شديد عن ذلك.


الأول : هل يجوز لولى المرأة أن يشترط لنفسه أو لغيره شيئا من المهر سواء كان الأب أم غيره ؟
الجواب:لا يجوز ذلك ، لأن الصداق كله للمرأة لقوله تعالى{وآتوا النساء صداقهن نحلة } (النساء : 4) ولحديث عمرو بن شعيب عن أبيه عن جده أن النبي صلى الله عليه وسلم قال : " أيما امرأة نكحت على صداق أو حباء أو عدة قبل عصمة النكاح فهو لها ، وما كان بعد عصمة النكاح فهو لمن أعطيه " ولا فرق بين الأب وغيره في ذلك على القول الراجح إلا أنها إذا قبضته وتم ملكها له فللأب وحده أن يتملك منه ما شاء ما لم يضرها .

 

[اللهم رحمتك]

بس حرآم آلفلوس من حق آلبنت تجهز نفسهآ حق آلريآل آصلآ مب حقه هو , دآمه من آلآسآس مقصر ويآهم عسى مآشر تآخذه وتصير طيبه ويآه ؟

هآي ردود

الصداق والمهر من حقي أم من حق ابنتي؟

الحمد لله والصلاة والسلام على رسول الله وعلى آله وصحبه، أما بعـد:

فالمهر حق خالص للمرأة لقوله تعالى: وَآتُواْ النَّسَاء صَدُقَاتِهِنَّ نِحْلَةً { النساء: 4}. ولا فرق في ذلك بين المهر المعجل أو المؤجل.

وليس للأب منه شيء، وقد سئل عكرمة رحمه الله عما يأخذه الأب، فقال كما في المصنف: إن كان هو الذي ُينكَح فهو له. انتهى. وفي كلامه رحمه الله زجر شديد عن ذلك.


الأول : هل يجوز لولى المرأة أن يشترط لنفسه أو لغيره شيئا من المهر سواء كان الأب أم غيره ؟
الجواب:لا يجوز ذلك ، لأن الصداق كله للمرأة لقوله تعالى{وآتوا النساء صداقهن نحلة } (النساء : 4) ولحديث عمرو بن شعيب عن أبيه عن جده أن النبي صلى الله عليه وسلم قال : " أيما امرأة نكحت على صداق أو حباء أو عدة قبل عصمة النكاح فهو لها ، وما كان بعد عصمة النكاح فهو لمن أعطيه " ولا فرق بين الأب وغيره في ذلك على القول الراجح إلا أنها إذا قبضته وتم ملكها له فللأب وحده أن يتملك منه ما شاء ما لم يضرها .

الله ينور عليج هذا اللي كنا نبي نعرفه

طيب واذا اخذه غصب شنو عقابه ؟؟

 

[دلوعةمآمآ]

المهر من حق البنت وحدها

تصرف على نفسها وتتشرى اللي تبي

انتي تقولين ابوها طول عمرهم معيشهم بفقر وطق

والله مايستاهل حتى فلس واحد !!

خلي تدخل احد من العايله رزين ومتفهم ويفهمه زيين

الله يهديه ويسخره لهم

 

[granted]

مالج عقوبة ان شاء الله اختي هذا حقج انتي مو ماخذة شي من مخباه

 

[ايمان7]

موقف صعب أنها توقف جدام أبوها وتطالبه بالمهر
هو شرعا المهر حقها ..بس خلها تحتسب الأجر وتحمد الله أنها راح تتزوج أحسن من قعدتها معاه بنفس البيت
لأن واايد آباء مثل هالنمونة مهملين أعيالهم وبوقت الفلوس يصيرون غاليين

وعسى الله يوفقها يارب بحياتها ويعوضها خير

 

[اميره1980]

طبعا المهر من حقها و اذا خذه منه فلس يكون بذمته
بس البنت ختشوف الموضوع بنظره ثانية
انها راح تتزوج و تفتك من تسلطه و معاملته السيئة لها
ابوها الله يحاسبه دام انها مو راضية

 

[أعشقه]

اصلا معروف ان المهر من حق البنت والابو ماله حق انه ياخذ منه ولا ريال
والابو مهوب غشيم ترى يعرف انه مايجووووز

 

[بنفسج ..~]

الله يعين على هالرجال المتخلفين
يأخذون من الدين اللي يعجبهم ويرمون اللي ما يعجبهم , قسم باله ما لقيت لهم شبه غير اللي أنقال بالقران عنهم

(أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاءُ مَنْ يَفْعَلُ ذَلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللَّهُ بِغَافِلٍ عَمَّا تَعْمَلُونَ )

أما سياسة الحريم وكلامهن "أبوج وحرام وخليه والزن على المخ عشان تعطينه من فم ساكت فهذا غلط
الساكت عن الحق شيطان أخرس والله ما امرنا بالتخاذل والهوان والمؤمن القوي خير من المؤمن الضعيف
الله ما امرنا نقبل الظلم على أنفسنا امام سلطان جائر ..
وبعدين حتى لو كان أبوج مو من حقه يظلمج .. والدين وضع عقوبات كثيرة لهذي الشكليات من الأباء
ولا ما كان حط حكم العضل والإشتكاء عند القاضي ..

( فلا تأخذوا منه شيئا أَتَأْخُذُونَهُ بُهْتَاناً وَإِثْماً مُّبِيناً)

حاولي قدر ما تقدرين تظفرين بحقج منه وبكل السبل حتى بالدعاء بالثلث الاخير من الليل
طول عمرج أهانات وعيشة تقصر العمر وأولتها أبوج يأخذ مهرج وثانيها زوجج يأخذ ذهبج واخرتها شنو ؟
وراح يروح عمرج كله هدر وأنتي تقدمين تنازلات ع حساب نفسج
ولمتى وانتن يالحريم ساكتات عن حقكن ؟

لا حول ولا قوة إلا بالله

 

[Shinexo]

آي اجر وهي بتروح حق الريال مب مجهزه شي بالضبط اصلا شبيقول لعبتي بالفلوس ؟ ترى المهر الريال مالقاه من الشارع بعد :\ تعب وشقى ويمع عشان يلقى بنت تتجهز له هو مب عشان ابوها يشفط الفلوس ,

توقف فبلعوم ابوها ان يعطيها المهر كامل مكمل ولا ترى بيجوف تصرف مايعجبه خل تدخل حد يخاف منه الابو مب حاله هذي مع الريايل

 

[PuPa^^SWeeT]

حبيبتي


الاجابة واضحة


المهر من حق البنت



محد له شغل فيه الا بامرها



عاد ابوها يبي ياخذ الفلوس


اهي مخيرة بين انها اتسامحه و تعطيه النص من خاطرها


يكتب لها اجر احسان و بر الوالدين


لو ما رضت و زعلت

ودعت


ابووها بياخذ ذنب من رب العالمين



هل ترضي ابوها ياخذ ذنب او ماترضي


وهل السالفة تسوا ياخذ عليها ذنب ولا لا



ما اقدر اقوولج اتسامحه ولا تعطييه اهيا ابخص بحياتها و ابوها



وبعدين الامهات اييون المهر مع الدزة محد يعطي الابوو الحين



فاا مثل ماقلت اهيا ابخص و اهي ادري

 

[orange blossom]

اكيد هالشي ما يجوز
الدين اوجب الريال ان يعطي مهر حق زوجته مو حق ابوها
اذا اهي تبي تعطي ابوها من كيفها اكيد عادي مو مشكله
بس حرام ان ياخذه غصبا عليها
خل تسأل شيخ دين و تقول حق ابوها ان الشيخ يقول جذي