هل وضوئي صحيح أو لا ؟؟

[ذكراك تكفيني]

السلام عليكم بنات شلونكم
حبيبت استفسر منكم واللي عندها خبره تفيدنا
انا بحكم دوامي شبه طويل تقريبا للساعه 5
اكون حاطه مكياج الصبح بس عادي خفيف جدا
( بودره خدود وقلم تحديد حواجب وكحل )
ومو ضد الماي لا عادي بس تصير حزت الصلاة
اروح اتوضى بدون وما امسح المكياج
هل عادي ولا لازم امسج المكياج نهائيا
وجزاكم الله خير والله يستر عليكم دنيا واخره

 

[*سكر*سكاكير*]

المكياج مايمنع الوضوء
يعني عادي تتوضين وانتي حاطه مكياج

 

[فوزيه الراسي]

ضروري تستفسرين من شيخ ديني

 

[مـرايـم]

مثل ماقالت " سكر " مايمنع بس ديري بالج لازم تمسحين وجهج كامل بالماي

 

[ايمان بكري]

المكياج ليس له طبقةٌ تمنع وصول الماء فليس هناك فرق بين أن تضعه المرأة قبل الوضوء أو بعده

 

[رحيل المرافيء]

لا لازم تشيلين المكياج وتتوضين المكياج عبارة عن دهون ومواد كيماوية
شلون مو ضد الماي وهو مايروح اذا غسلتيه بالماي ؟؟؟؟

 

[amorah1]

عادي حبيبتي دام انتج مو حاطة كريم اساس او شي يمنع وصول الماي للوجه

اللي انتي تقولينه بودره خدود وكحل هاذا مايمنع وضوئك

ان شاء الله وضوئك صحيح وانا سامعة من الشيوخ بس لازم تلامس الماي وجهك

 

[اسبانيه]

حتى الكريم اساس !!!! انا اللي اعرفه الماسكرا بس اهي اللي لازم امسحها عند الوضوء بس ماكنت ادري عن كريم الاساس