هل هذي المعلومه صح عن الخبز الايراني ؟؟؟

[ظبية الامارات]

بنات سمعت عن ان الخبز الايراني ابدا مافيه دسم وانه مافي سعرات حرارية وينفع للرجيم ..
هل المعلومه صح ؟؟​

 

[pop corn]

ماعندي فكرة بس الي اعرفه انه مايصلح للرجيم بس مومتاكده

ان شاءالله البنات يفيدونج حبيبتي

 

[m!ss Cute]

لا حبيبتي اكيد معلومة غلط لان ما في شي مافي سعرات غير الماي بس والخبز الايراني حاله حال الخبز العادي
ربع خبزة ايراني تعادل نص خبزة عادية

 

[LoOLoO-17]

اهو يصلح للريجيم بس مو معناه مافيه سعرات عموما اي خبز عربي يعتبر اخف من الخبز الافرنجي مثل التوست والفرنسي والصمون

لان الخبز العربي بس طحين وماي والسكر فيه قليل مو مثل الافرنجي فيه زيت وخميره وسكر وما ادري شنو

بس كل ربع خبزه ايرانيه تعتبر حصه نشويات تقريبا 70 سعره حراريه تقدرين تبدلين التوسته الوحده بربع خبزه ايرانيه

وعليج بالعافيه

 

[ارض الاجواد]

اكييد معلومه غلط
الخبز عجينته من الخميرة والطحين
الطحين اهو اساس النشويات المعلومه غلط قلبي

 

[فجــر]

جاان زين بس اتوقع المعلوومه خطا !!

وانشاءالله البنات يفيدوونج ...

 

[شوارفسكيه حمره]

اي صح لانه طحين اسمر حبيبتي علشان جذي مافيه دسم بس هم ما يصير تكثرين منه وايد

 

[bint_looda]

الربع خبزه يرانيه فيها 80 سعره اظنتي بس فيها سعرات انا متأكده اميه بالاميه

 

[LoOLoO-17]

عاااااد من ورى موضوعج اشتهيت الخبز الايراني:ggdw:

وكان عشاي اليوم ربع خبز ايراني حشيتها نص شريحه جبن سلايس لايت مع شويه دياي و طماط وخيار وخس وجاي حليب واااااااااو روعه ويشبع_03BA:

 

[ظبية الامارات]

مشكوووورات بناات يعني المعلومه طلعت غلط .. للاسف ..

 

[فتنه]

كل انواع الخبز يمتن

 

[شانيل نمبر 5]

الخبز الايرانى اخف وايد من الخبزات الثانيه

 

[كويتيه kool]

رد : هل هذي المعلومه صح عن الخبز الايراني ؟؟؟

الخبز الايراني نصحتني فيه اخصائيه التغذيه واظن الربع خبزه ناسيه بالستينات
واهو اكثر شي ظبط معاي عشان الريجيم

 

[بنت حوى]

وناسة عيل 24 ساعة أطيحله خبز عشان أمتن

 

[كيكه توفي]

خبز تنور "ايراني"
ربع رغيف
79
سعره حراريه

 

[كراميلا مرة]

اتوقع المعلومه غلط
بس صج انا دجايما ابدل التوسته بربع خبزه ايرانيه وايد حلوه وتشبع

 

[modern]

وايد يسمن