هل هدوم المره و عطورها و مكياجها عليها او على زوجها اذا كانت موظفه؟

[تفديني روحه]

بسم الله الرحمن الرحيم

شلونكم بنات

انا ادري في موظفات وايد يصرفون على روحهم اذا راتب الزوج ما يساعد

بس اذا دخله قوي هل من حقه يمتنع عن النفقه عليها بحجة انها تاركة البيت و مثل ما اتركت البيت تصرف علي حالها؟؟؟

وايد مشاكل تصير بين المتزوجين بسبب هالنقطه

هو مو بخل كثر ما هو تدخل بحياتهم
الام و ( اخت الزوج) الحماة يوزون بولدهم ليش تصرف هي شتسوي براتبها

راتبها ضمان لها و لاولادها مصيره يروح لعيالهم يعني وين بتوديه المسكينه

الموضوع هذا حيل شاغلني فحبيت اعرف الواقع منكم من خلال ردودكم

هل الرجال فعلا صارو قلة و الكثيرين ماراح اقول الاغلبية يعتمدون على راتبها ​

 

[popa]

هههههه اسفه بس فريتي مخي اول شي كنتي تتكلمين عن الملابس والعطور والمكياج هل من راتب الزوجه او الزوج انا اقولج من راتب الزوجه
الريال عليه الشقه والماجله والخدامه ومصرف الياهال ومصرف حق زوجته عشان ماتلعن خيره يعني مثلا ١٠٠ او حتى ٨٠ بس اذا تشتغل وتكنز علئ قلبها هذي صارت بوهباش تخش حق شنو؟

 

[ليه الجفآ]

طبعا الموظفه تشيل عمرها بكل شي يخصها .. هدوم عطور مكياج وغيره ..

الزوج بيصير عليه البيت والعيال ..





..​

 

[قمرية الفيس]

موضوع ملينا من كثر مانتكلم عنه وهم ترى النتيجة وهحدة وكل وحده ظروفها تختلف على الثانية من حيث المدخول الشهري عدد الافراد طبيعة الصرف

 

[&جالكسي&]

اكيد تصرف على نفسها بس المشكله فيه بعضهم يبونها تحط بالبيت نفس مايحطون

 

[ga6wa90]

أكييد عليها

إذا الزوج من كيفه بادر فهذا من طيبه بس مو شرط أساسي

الموظفه تشيل نفسها

 

[رنيم الروح]

حبيبتي شرعا ينفق عليها حتى لو كانت اغنى الناس لو مو محتاجه حق شي بس بعضنا تساعده اذا راتبه ضعيف او مايساعد على المعيشه بس راتبه قوي ومايصرف الله لا يهينه ليش متزوجته

 

[baby qa6wa]

uppp

 

[sh_mashael]

واي هالموضوع فلم
يعني افلوسها وين اتوديهم ؟؟ لاتقولين حق اهلها
لأنه قله قليله جدا اللي يعطون كل معاشهم حق اهلهم

و مثل مااهي عندها التزامات هم اهو عنده التزامات

و إلا خليها تقعد بالبيت عشان يصرف عليها !

 

[أكذب عليك]

اسمه راتبها يعني تصرف ع منو غير نفسهاا
اوكي ممكن اطلع مع زوجي يشتريلي شغله بس اخذ فلوس عشان اشتري
شغله ومعاشي عندي اسمحيلي هذا انانيه وبخل

 

[shy rose]

اكيد بيكون علي شي خاص فيني وعندي راتب يمشي
كااااافي عليه اغراض البيت ..

 

[بطوووطة$بيضة]

حبيبتي المفروض زوجج يعطيج مصرف لووووو خمسين دينار

عاد انتي كيفج تبين مكيج هدوم اتخشينهم كيفج

والبنت اتقول الريال عندة معاشه قوي

يعني يقدر يعطيج مصروف

 

[حجيه هيونه]

كل واحد يصلح سيارته لووول


اقصد اهو عليه البيت والمصرف والعيال


واهي راتبها لنفسها


وماكو مانع يساعدون بعض عند الحاجه

 

[بولندية]

ملابس و ماكياج لا والله مو ملزوم باغراض مرته الشخصية بصراحة

خصوصا اذا كان مو مقصر بحق بيته لانه يالله يلحق عالمصاريف الاساسية

 

[ريانا]

هالامور اتفاق بين الزوجين من الاساس
بس المفروض ان امور البيت كلها عليه زائد ان يعطيج مصروف شخصي مثلا اميه على اساس ملبس او سميه مصرف
عاد انتي تعتبرينه ملبس كيفج اصرفيه بمكياجج وملابس وطبعا كل زوج حسب راتبه
شرعا انا قريت ان الزوج ملزم بالمصرف للزوجه ولكن ان كان شايف ان شغلها يلهيها عنه وعن حقوقه فاهو بامكانه يقولها لا تشتغلين بس يصرف عليها
للامانه قريت هالفتوه بالنت والله اعلم

 

[دلوعة أبوهآ]

موظفه ولآ مو موظفه
مجبور يصرف عليّ بكل صغيره وكبيره ..
خذآني من بيت آبوي معززه مكرمه فَ يعيشني مثل عيشتي قبل ..
ولو كنت موظفه هذآ شي خآص فيني ورآتبي لي اصرفه ولآ اخليه ..

 

[((shoOoshoOo))]

اذا كانت موظفه اكيد عليهااا

حلووو الواحد يساعد شريك حياته

بس اذا اهوا ماد يه حيل قويه وعطاها من كيفه ماكو مشكله زياده الخير خيرين ^_^

 

[خلطات المذهله]

ناااااااااااااااادر الرجل الي يصرف علي كشخه ولبس زوجته والي عندها تكون محظوظه
غالبيتنا تصرف علي نفسها وبيتها بعد للاسف الرجال بهالزمن قله

 

[Tom ♥ Jerry]

m3a popaa

 

[Patcholli]

لازم يعطيها مصروف ..
وكسوه الشتا والصيف شرعا مجبور يوفرها لمرته حتى لو كانت موظفه مع السكن والاكل ..

بالنسبه لي اخذ من زوجي مصروف شهري وعاد ماله شغل بشنو اصرفه ..


اهم شي يكون بحدود المعقول وبدون مبالغه

يعني اذا عطاني مو كلشوي طامرتله واقوله فلوسي خلصت ابي بعد ..