هل من مغيث؟ برسم ياكويتيات

[Dancing^Queen]

السلام عليكم


يا مرحبا .. نورت المنتدى بوجودك .. حياك الله



تحيه طيبه مني لك

أخوك / كوين

<<<<ماعليه قاعده اجرب اختصاراتنا يديد تونا فارشين الزل

الله يسلمكم القصه ومافيها وصلت سن المراهقه
عندنا سن بعيلتنا كل من يوصله ينحرف
يراهق
يعني يكتشف هوايه يديده فيه
وسبحان الله غالبا فنيه (في البعض انحرف رياضيا صارو يلعبون رياضه والعياذ بالله )
اختي اكتشفت تحب اتخيط وتسوي شغلات وديكورات حيل شاطره ماشاءالله عليها بس علي الديئ لنا بس
الثانيه فنانه من يومها عندها ايتليه
الثالثه تسوي بوكيهات عجيبه عيز منها محل الورد يقولها اتشارك وياج سويلي مو راضيه
<<<نستحي من الشهره

المهم عاد وصلت السن الحرجه اكتشفت احب الترتيب والتنظيم حيل حيل
وحس فني
اول اطقطق
الحين بحترف كره القدم
سويت سنتسيل <<<<استحيييييييييييييييييييييي (شدعوا طابخه قوزي؟)
وقمت ارسم علي قلاصات وماقصرت الاخت العزيزه دلوعه امها وجهتني وعطتني ناصئح وانا دبجه علي جرير وحيل ترست سله
وبعدين لا ماكتفيت قمت ارسم واسوي شخبط شخابيط
كل يوم فارشتلي هالسماط البلاستيك مال دايسو وانادي خدامتي وييبي قلاصات يبي شغلات
خلصنا قلاصات الجبن كلها
خدامتي يوم تشرب بقلاص اخضر مرسم عليه ورود
ويوم اصفر مخطخط بذهبي معتم
المهم
ابي سايتات تفيديني
ابي افكار
طرق
واللي يخليكم احموني من الانحراف ترا انحرف واصير حنانه ويصير ذبني برقبتكم
الهوايه حمايه
يبه امانه خلك ويانا
عاد انا وصلت سن لانحراف

 

[.]

كوين ..

ماشالله..

جيكي بقوقل..

كتبي اسمه بالانجليزي<<مااعرفه..

 

[.]

تبين ديزاينات؟؟

 

[Om_RayooMa]

ههههههههه
يا حلوج ويا حلو اسلوبج
جان زين والله الكويتيات ينقذوني وياج حديييييييييييييي محتاجه هوايه
:eh_s(9):

 

[.]

http://www.creativeartworks.cc/

هذا الموقع في ديزينات..

وفي مواقع فيه صوره وطريقه التطبيق..

ايبهم؟؟

 

[Dancing^Queen]

رونه
ذنب عيلتي برقبتج
ارحم دموع ام ارقوووووكي ارقووووووووووووووووكي
انقذينا من الضيااااااااااع
ارقوك لاتشرب هذا الدواااااااااااااااااااااااااء


انقذينا انا وام ريومه من الانحراف

(تعالي ام ريوم لو سمحتي صفي وياي سوي فاصل درارما جود نحصل سايتات اكثر )


اهئ اهئ ارحم دموع ام

 

[Dancing^Queen]

يبهم رونه يبهم وان مارضو دوري احد يتوسط لنا عندهم علشان ايون يزاج الله خير
ابي كيف تطبق
ربنا يخليكي
خلصت القلاصات ملوت الجبن كلهم
بقو مزهريتنين ملوت ريلي وخاشهم عني

 

[.]

من تحب الفن و الأشغال اليدوية لا أبد أنها جربت يوماً الرسم على الزجاج أو على الأقل فكرت في ذلك فالنتائج التي يمكن الحصول عليها رائعة جداً خصوصاً عندما يتخللها أشعة من الضوء فتشع الرسوم بأروع الألوان و الطريقة بسيطة جدا ...

يمكنك الرسم على المرايا أو الزجاج سواء كان أطباق فازات أو حتى الشبابيك و أباجورات و كل ما تقع عليه يدك من زجاج حتى القوارير و البرطمانات القديمة حوليها بيديك لتحف رائعة ....

الأدوات المستخدمة لذلك :
1- ألوان زجاج .
2- قلم تحديد الزجاج .
3- تنر لإزالة الألوان أو تخفيفها و لتنظيف الفرش .
4- فرشة صغيرة و ناعمة أو قطارة لكل لون .
5- نموذج أو تصميم للرسم .



الطريقة :
1- تأكدي من نظافة سطح الزجاج أو المرايا المستخدمة .
2- قومي بنقل التصميم الذي تم اختياره على سطح الزجاج بواسطة ورق الكربون أو وضع التصميم خلف الزجاج ثم الرسم فوقه .

3- استخدمي المحدد لتحديد الرسم وعند الإمساك بمحدد الرسم على الزجاج احرصي أن تكون يديك مرتخية وان يكون الضغط بنفس القوة على الأنبوب لكي لا يكون أماكن التحديد فيها سميك وفي أماكن أخرى رفيع ثم اتركي المحدد حتى يجف تماماً .
4- استخدمي الألوان سواء كان بالفرشاة أو القطارة و ذلك في الفراغ داخل التحديد و حذار أن تلامسه وزعي الألوان حسب التصميم الذي وقع عليه اختيارك .
5- اتركي الألوان حتى تجف تماماً في مكان أمن لأن أي لمسة لها قبل أن تجف يمكن أن تشوه منظرها و يصعب تعديلها فيما بعد .
6- يفضل عرضها في مكان يستطيع الضوء تخللها لتبدوا أجمل و أروع سواء كان ضوء طبيعي أو حتى صناعي.

 

[.]

شوفي كوين هالكتاب يمكن يفيدج..

المؤلف: تشيريل أوين
الموضوع: "صناعة ومشروعات"
الوسيط: كتب
الشركة: دار الفاروق للنشر والتوزيع
السعر: 45 جنيه مصرى ( 18 دولار أمريكى)

 

[.]

http://www.google.com/search?tab=vw&hl=en&q=الرسم على الزجاج

انحولت في وايد مواضيع هني..

 

[Miss.Beckham]

يا ختي والله ما اعرف
بس انشالله باجي البنات يفيدونج

 

[زهـــر]

و الله شكلي بضيع وياكم
ابي شي يشغل فراغي ماكو ابد
حست و حست و حست و ثم حست ولا لقيت شي
مااااااااادري شوي

>> انتشلوني من الضياع <<

 

[Dancing^Queen]

رونه
اشكرج من اعماق قلبي الحزين