هل لي بأذن صاغيه

[امل وكلي آمآل]

شئ بخاطري ودي تشاركوني به
البارح حبيت استعرض حياتي لاني حسيت فيه اشياء كثيره متغيره
تلفت يمين شمال شفت ماعندي احد يعني لحالي لا صديقات لا زميلات لا قريبات:eh_s(2):
والسبب
فلانه:صراحه راعيه مشاكل وماتصلح لي--تركتها
علانه:تنقل الهرج ونمامه ومايشرفني اصاحبها- تركتها
صديقتي1:تسذب تمشي وتسذب مدري متى اصدقها ومتى اتسذبها-تركتها
صديقتي2:ماعنده ذوق بكل شي يعني اذا شافت ام فلان قالت يقولون ولدكم مديون!!:eh_s(14):
والا تلبس ملابس عرس بجمعه فطور-تركتها
قريبتي1:متشدده مرررررررررره لا قصير لا بنطلون لا بدون اكمام والي تجرا وتجي كذا تغصبها تلبس عباتها لحد ماتروح لبيتهم<< كلمتها قلتلها يام فلان حنا محتاجين اشياء جوهريه كلمينا عن الصلاه مثلا عن الارحام المقطوعه عن الوالدين ملينا محاضرات عن اللبس - زعلت شوي -تركتها
قريبتي2:تحب تسلم على فلان وتضحك مع الثاني وتكلم الثالث يعني شبهه -تركتها
وقيسي على هذا لين تركت الاغلبيه وقلت ابكون صديقات انتقيهم بس عجزت
زميلات بناتي ناديتهم مع امهاتهم وحاولت اشبك مع الي اعجبون بس ينسحبون
مدرسه ولي بالروضه راقيه ناديتها اكثر من مره بس تعتذر بلباقه
مع اني بيتوتيه كثير بس امل احيانا
فعلا الي نبيه عيا البخت لايجبه

 

[نفهمها صح]

اممممممممممم
مشكله
لما تكوون جلسه جماعيه يعني متنووعه شاركي بلمواضيع الي انتي تحبينها
ويمكن كلهم مستغنيين بصدقاتهم
انا مثلج لكن مفكر اسوي صداقات وحتي لوو بغيت احس معندي وقت معني محتاجه صداقات
ملج الا نادي رياضي هناك بتشووفينهم كل يوم فكره صح

 

[امل وكلي آمآل]

الف شكر على ردك ومرورك

 

[عبير العنزي]

اختي اذا كنتي تدورين عن صديقه او انسانه تكون قريبه منج

مافيها عيوب او ملاك معصومه من الغلط او تكون على مزاجك

من الحين اقولج لاتدورين وتتعبين عمرج لان مافي انسان معصوم

وكل البشر فيهم عيوب وخصوصا في هالزمن

انتي ابعدي عن الانسانه الكذابه والنمامه بس

وشوفي انسانه طيبه خايفه ربهاا وصادقيها

مو شرط تكون ملاك

كل انسان في سلبيات وايجابيات انتي اخذي الجزء الايجابي منهم

وان شاء الله تلقين

اما اللي تكلمتي عنهم؟

اللي تلبس ملابس عرس بجمعة فطور وين المشكله لووول هذا شي يرجع لها انتي شيضايقج

واللي متشدده بعد هذا شي خاص فيهااا مااعتقد هذا سبب مقنع انج تبتعدين عنهم

شوفي جاراتج وزميلات الدوام وكوني علاقه حلوه بينكم

واللي قلتي عنهم ينسحبون على راحتهم انتي في غنى عنهم


وان شاء الله تلقين اللي على مزاجج

لو خليت خربت وانا اختج

 

[classicyah]

عآديْ ،

مب لآزم يكونْ عندج صديقهْ كلووووز وآآيد منج . .

أهم شي يكون حولج نآس ، تتكلمينْ ويـآهمْ ،

يعني اجتمآعيهْ ، بس فيه حدودْ ، !

اذآ عندج خوآت و أمج عآيشه ، خليهم هم القرآب منج بسْ ،

و البآقيْ ، خلي علآقتج ويآهم محدودهْ ،

أنآ متبعه هالأسلوب . .

و مرتآحه حديْ . .

و آلحمدلله على كل حـآلْ ، ،

 

[$بنت الأمير$]

حياتي انتي الحياااة تغيرت مو مثل اول انا فاهمه عليج والله كل البناات يعااانون نفس اللي تعانينه لدرجة انا البنات في المنتدى صاروا ينزلون مواضيع يطلبووون فيهاا صديقات ؟؟؟؟؟؟؟ !!!!!!!!!!
الحياة صارت سريعة وعلى فكرة التكنولوجيااا خلتنا نستغني حتى عن اهل بيتنا والنااس هبواا بالتعاارف عن طريق النت والقروبات واذا قلتي الوحده خلينا نتقابل انحاااشت ليش مادري ؟؟؟؟؟
طولت عليج بس انا فهمت من رسالتج انج متزوجه صح شرااايج تصااادقين زوجج والله احسن واونس لج ^-^

 

[غاالي أبوي]

هذي الحـــيـــاهـــ <<
إنشـــاء تلقينــ لج رفيجــه تناسبــج<<

 

[" ام حمود "]

خليج فريش الحياه حلووة فديتج ..

 

[امل وكلي آمآل]

شكرا لكم عزيزاتي
افكاركم ملهمه لي لاعدمتكم-

 

[الدنيا دنيه]

السلام عليكم ورحمة الله وبركاته
عندي وصيه واحده
تقربي اللا الله ودائما ادعي بهذا الدعاء
اللهم اني اسالك الانس بقربك
وانا معك فكثير منا لايطيق او بالاحرى لايجد المتعه مع من يجالس فاهتماماتهم ورغباتهم لاتتعدى انوفهم
وانا والله لا اريد ان اجرح احدا في هذا المقال ولكني اريد ان اطرح رايي
واغلب الناس الا مارحم ربي في زماننا هذا تملكته الدنيا وشهواتها فأصبحت في القلب بينما الاخره وهمها أصبح في اليد
لان النار والماء لايجتمعان في ان واحد
فانا انصحك بالتقرب الى الله بالدعااااء والاستغفار
ومن يتق الله يجعل له مخرجا ويرزقه من حيث لايحتسب
فاساله تعالى ان يرزقك الصديق الصدوق
واسفه على الاطاله
بوركت اخيه​