هل لبس البنت يدل على اخلاقها ؟؟

[ற!ŚŚ Яżâń]

بسم الله الرحمن الرحيم
السلام عليكم ورحمة الله وبركاته


حبيت اطرح موضوع حيرني فيه بعض نظرات الشباب وحكمهم على البنت من طريقة لبسها ...؟؟


بطرح لكم قصة قصيره...؟


احد الشباب قرر بالزواج وطلب من والدته بان تبحث له عن بنت وبالمواصفات التي طلبها..


وعندما تقدم لخطبتها وعجبته البنت ووافق عليها


رائها مع والدتها باحد الاسواق قال بانه لم تعجبه لان طريقة لبسها ملفته للانظار وتركها ..!!!


........................


هل حكم الشباب للبنت من طريقة لبسها ومنظرها ان كان ملفت او لا يوضح اخلاقها ...؟؟؟


وسرعة بالحكم تاكد من ناحية المظهر تظهر مابداخله من تصرفات ...؟؟؟


وهل صحيح ان كانت البنت لبسها ملفت يدل على سوء الخلق...؟؟؟


مع ان بعض وجهات نظر البنات تشترك مع الشباب بهذا الراي...!

 

[Coco.chanel.moi]

من وجهة نظري ما أعتقد يا ما بنات لبسهم محتشم والاخلاق زفت

ويا ما بنات لبسهم مو محتشم واخلاقهم ولا اروع اسلوب واخلاق ومحترمات والعكس صحيح في جذي وفي جذي

وبعدين شنو هالريال اللي يهد البنت عشان شاف انه لبسها جذي كان يقدر يكلمها ويقولها رايه وبعدها يفكر انه يهدها اذا ما اتقبلت منه بس اما يهدها جذي معناة هذا من البداية ما يبي يتزوج أصلا !!!

وما اعتقد انه اللبس يدل عالاخلاق ابدا

 

[منـــاي]

لبس البنت مو دليل على اخلاقها احيانا يكون تمويه

والله اعرف حريم عندهم عيال و عباية راس ومتزوجات و من ورا ريلها طايحتله سوالف مع شباب بالمسنجر و غيره

الله يستر على عيالنا بس و يبعد عنا هالاشكال و هالشي مو معناته ان الوحده تطلع بلبس ملفت و نقول

اهم شي الاخلاق ! المراه العفيفه الي تخاف ربها تعرف شلون تلبس لبس محترم

 

[أم الأسلوب]

لأه مش دليل جامد على أخلاقها يا لوحيي

 

[منو انت]

مو كل وحده تلبس شي محتشم يعني خلوقه

بس هذا مايمنع ان طريقه لبس البنت تدل عليها يعني صحيح شكثر بنات مو محجبات بس بنفس الوقت ملابسهم عاديه وممكن تكون واسعه وراقيه

وفي محجبات على الفاضي تحصلين المخصر والشفاف اللهم هالحجاب اللي نص الشعره طالع منه


(( على فكره انا محجبه ))

 

[Ghaima]

سبحان الله الحين مع التطور والتفتح على المجتمعات الغربية صرنا نقول ما يدل على اخلاقها

بس مهما كان اللباس المحتشم له احترامه ، عشان جذي بعض بنات الحرام يلجئون للحجاب الشرعي للتمويه عشان تعلم الناس حاوالينها

ان شرفها ما عليه غبار !

انا افضل البنت اذا طلعت مكان محتلط مثل السوق انها تلبس عباة جتف او راس وتكون راهيه وقليلة زخارف احسن لها واحفظ لها ،

البنت مهما كانت اي خدشة تضر فيها

هذا رأيي =)

 

[Ghaima]

بالأخير ربي أعلم بالسراير وكل وحده وسريرتها بينها وبين ربها ما نعطي حكم على اللبس

واذا هي متزوجه المفترض زوجها لو يحبها ويخاف عليها ويغار عليها ان يلزمها بطريقه حلوة باللبس المحترم لو كانت متعودة على السفور

انا اعرف وحده اخلاقها تمام التمام ، بالأحرى مرت حماي لكنها سفور وتلبس بنطلونات وفل ميكب اذا طلعت مع ريلها

بس عمتي ام زوجي وزوجي واخوانه شايفين انها سفور - يعني مقللين من دينها انها عادية او اقل ومستغربين من ولدهم مع انه ما يرضى اخته تطلع بدون عباة !!

فسبحانك يا رب هذي حالة من الحالات

 

[ற!ŚŚ Яżâń]

من وجهة نظري ما أعتقد يا ما بنات لبسهم محتشم والاخلاق زفت

ويا ما بنات لبسهم مو محتشم واخلاقهم ولا اروع اسلوب واخلاق ومحترمات والعكس صحيح في جذي وفي جذي

وبعدين شنو هالريال اللي يهد البنت عشان شاف انه لبسها جذي كان يقدر يكلمها ويقولها رايه وبعدها يفكر انه يهدها اذا ما اتقبلت منه بس اما يهدها جذي معناة هذا من البداية ما يبي يتزوج أصلا !!!

وما اعتقد انه اللبس يدل عالاخلاق ابدا

اتفق معكٍ بان بعض الفتيات ذات احتشام وللباس محترم الا انها عكس ذلك..
(ولكن لا اقول الجميع ذلك..)

وايضا الفتاه ذات اللباس الملفت..
(لانقول انها سيئه)



و لكــن كثير من يطبق مقوولة [ الكتاب باين من عنووآنه ] :rerrerek:



شاكره لتواجدك

 

[ام _خلودي]

صج انه مو شرط اذا الوحده لبسها محتشم يعني محترمه لان ممكن يكون مفروض عليه ولكن ماكو وحده خلوقه وتخاف ربها تلبس مرصص وتتفصخ ياجماعه احنا يحكمنا الدين ولا ماتخاف من ربها ولا تحترمه مستحيل تكون ذات اخلاق وجهه نظري وارجو احترامه

 

[ற!ŚŚ Яżâń]

لبس البنت مو دليل على اخلاقها احيانا يكون تمويه

والله اعرف حريم عندهم عيال و عباية راس ومتزوجات و من ورا ريلها طايحتله سوالف مع شباب بالمسنجر و غيره

الله يستر على عيالنا بس و يبعد عنا هالاشكال و هالشي مو معناته ان الوحده تطلع بلبس ملفت و نقول

اهم شي الاخلاق ! المراه العفيفه الي تخاف ربها تعرف شلون تلبس لبس محترم

نعم تمـؤويه

ففعلا ان الخوف من الله-عزووجل- ولكن للناس نظرهـ اخرى من ناحية هذه الانواع من اللباس
التي تجذب الانظار اليه

والبنت المحترمه صحيح يجب ان تفرض احترامها

 

[ற!ŚŚ Яżâń]

لأه مش دليل جامد على أخلاقها يا لوحيي

وجهه نظرك ،

قال الشيخ ابن باز رحمه الله :


لباسك على قدر حياؤك وحياؤك على قدر إيمانك

كلما زاد ايمانك زاد حياؤك وكلما زاد حياؤك زاد لباسك

[ فاللباس جزء من الحياء ]

 

[ற!ŚŚ Яżâń]

مو كل وحده تلبس شي محتشم يعني خلوقه

بس هذا مايمنع ان طريقه لبس البنت تدل عليها يعني صحيح شكثر بنات مو محجبات بس بنفس الوقت ملابسهم عاديه وممكن تكون واسعه وراقيه

وفي محجبات على الفاضي تحصلين المخصر والشفاف اللهم هالحجاب اللي نص الشعره طالع منه


(( على فكره انا محجبه ))

تلآلآقين البنت الي شعرها باين من حجابها و المخصر يا انهم ماشين عالهبه الي مادري باجر وين بتوصلنا او انهم مغصوبين عليه من باب التقاليد


واحب انوه إن البنت المراهقه حتى عمر ال25 (( المراهقه المتأخره )) لاتحكمون على لبسها لانها مردها بتعرف انه غلط (( اذا كانت متربيه صح ولقت اللي يوعيها ويقولها كفااااايه دلع ليهني ماشبعتي عاد الحين الجد تستري يامره ))

لكن بالتدريج والترغيب وليس الضغط والغصب (( بعض البنات يحبون العناد فلابد مراعاة شخصيتها وكيفيه التعامل معاها ))

 

[ற!ŚŚ Яżâń]

سبحان الله الحين مع التطور والتفتح على المجتمعات الغربية صرنا نقول ما يدل على اخلاقها

بس مهما كان اللباس المحتشم له احترامه ، عشان جذي بعض بنات الحرام يلجئون للحجاب الشرعي للتمويه عشان تعلم الناس حاوالينها

ان شرفها ما عليه غبار !

انا افضل البنت اذا طلعت مكان محتلط مثل السوق انها تلبس عباة جتف او راس وتكون راهيه وقليلة زخارف احسن لها واحفظ لها ،

البنت مهما كانت اي خدشة تضر فيها

هذا رأيي =)

بالأخير ربي أعلم بالسراير وكل وحده وسريرتها بينها وبين ربها ما نعطي حكم على اللبس

واذا هي متزوجه المفترض زوجها لو يحبها ويخاف عليها ويغار عليها ان يلزمها بطريقه حلوة باللبس المحترم لو كانت متعودة على السفور

انا اعرف وحده اخلاقها تمام التمام ، بالأحرى مرت حماي لكنها سفور وتلبس بنطلونات وفل ميكب اذا طلعت مع ريلها

بس عمتي ام زوجي وزوجي واخوانه شايفين انها سفور - يعني مقللين من دينها انها عادية او اقل ومستغربين من ولدهم مع انه ما يرضى اخته تطلع بدون عباة !!

فسبحانك يا رب هذي حالة من الحالات

:rerrerek:



احترامي وتقديري لك اختي الفاضلة:Ghaima
وانا اتفق معك بالنقطة التي قلتيها وهي المرءه ذات اللباس الواسع
وبدون اي اضافات تجميل فهي تفرض احترامها وهذا حق لها


شاكره لج مرووورج

 

[ற!ŚŚ Яżâń]

صج انه مو شرط اذا الوحده لبسها محتشم يعني محترمه لان ممكن يكون مفروض عليه ولكن ماكو وحده خلوقه وتخاف ربها تلبس مرصص وتتفصخ ياجماعه احنا يحكمنا الدين ولا ماتخاف من ربها ولا تحترمه مستحيل تكون ذات اخلاق وجهه نظري وارجو احترامه

فعلآ كلآمج عين العقل :rerrerek:

فيجب علينا الخوف من الله و نذكر ان ديننا يلزمنا على اللبس الساتر فجسم المرأه عـؤوره

شآكرره لج مروورج العطر :eh_s(7):

 

[ياليل مااطولك]

دع مايريبك الى مالايريبك -----لماذا تلبس البنت لبس عاري او ملفت للانتباه الله امرنا بستر اجسامنا -----نتستر خوف من الله ورغبه ما عند الله من الخير والنعيم ----وعموما المتستره تفرض جاذبيتها بسترها وحشمتها ------ملاحظه هامه ---الشاب يريد صاحبه هوى وغزل غير متستره ويريد زوجه وام عيال متستره وصاحبه دين

 

[أم الأسلوب]

وجهه نظرك ،

قال الشيخ ابن باز رحمه الله :


لباسك على قدر حياؤك وحياؤك على قدر إيمانك

كلما زاد ايمانك زاد حياؤك وكلما زاد حياؤك زاد لباسك

[ فاللباس جزء من الحياء ]

اكل اللي تبيه والبس اللي يعجب الناس ؟؟؟ هذا مثل مشهور عندنا

:ch12:

في ناس تلبس الساتر علشان يمشي شغلهم ونسبه كبيييييييييييييييييييييييييييره

وناس تلبسه وهم بعدين ابعد ما يكون عن الحياء

:eh_s(8):

 

[ملح على الجرح]

وجهه نظرك ،

قال الشيخ ابن باز رحمه الله :


لباسك على قدر حياؤك وحياؤك على قدر إيمانك

كلما زاد ايمانك زاد حياؤك وكلما زاد حياؤك زاد لباسك

[ فاللباس جزء من الحياء ]

:eh_s(15)::eh_s(15):
انا مع كلا م
ابي الشيخ رحمه الله رحمة واسعه وادخله فسيح جناته

نعم يدل لباس المراءه علئ اخلاقها موشرط الوحده يكون لبسها غير محتشم تكون اخلاقه حلووووووووه انا اغلب الي شفت من النساء غير محتشمات واخلاقهن زفت والوحده شايفه نفسها تكلمك من وراء خشمها هداهن الله الئ طريق الحق واصلح الله قلبهن

 

[hend6363]

لا ما يدل
و الله يعلم ما في الصدوور

 

[حلاتي بذوقي]

صح في وايد بنات لبسهم محتشم لدرجه واهم الله يستر عليهم
وفي بنات يمكن يكون لبسهم ضيق حيل ومخصر وقصير ومحترمات بس ترى انا عن نفسي اذا شفت بنت لابسه مخصر حيل او قصير اقول صج ماتستحي اذا ماستحت من لبسها اللي طالعه فيه اكيد ماتستحي بس مو معناتها انه عندها خرابيط وجذي
ودايما الريال يبي البنت محتشمه مو شرط اسود باسود لا المهم محتشمه انا هذا رايي
حتى الحريم اذا شافوا البنت لابسه جذي بعد يقولون ماتستحي على ويها شوفي شنو لابسه

 

[فقدنآك]

الشــاب مهما كان عليه من معاصي اذا اراد الزواج يبحث عن ذات الاحتشام

واكيد اللباس يدل على الأخلاق لباسك على قدر حياؤك