هل لازالت العنصريه موجوده فبنا

[هنا22]

انا حابه نتكلم عن انو هل فعلا فيه ناس تتعامل مع الجنسيات الاخرى على انها اقل منها انسانيا طبعا انا موضوعي مو بس عن الكويت لا عن الدول العربيه ككل يعني انا اذكر اني قبل كنت اسمع عن الي يتزوجون من جنسيات اخرى وكانه عامله عمله لانه بنظرهم ماخذ اقل منهم بس لنهم من جنسيات اخرى

 

[manoooram]

يعطيج العافيه على الموضوع
حبيبتي لا بالعكس محد أقل من الثاني ولا شي كلنا عرب ومسلمين لله الحمد
لكن طابع العادات والتقاليد لأغلبية الأسر ما يسمح ان تتزوج بنتهم أجنبي
شلون بنتهم تتغرب عن أهلها بديرة ثانيه وما يشوفونها الا من وين لي وين
وغير لا قدر الله ما اتفقوا الريال ومرته وحصل طلاق بينهم وعندهم عيال ..
هني العيال بينحرمون من شوفت أمهم ولا أبوهم أو بيكون قليـــــل جدا بمعنى نادر يشوفونهم
وعلى قولتهم حلات الثوب رقعته منه وفيه

 

[المرتاحة]

هلا والله اختي

للأسف اي مازالت العنصرية موجودة حتى بين أبناء البلد الواحد مو بس مع الجنسيات الثانية بس الحمد الله اقل وايد من أول

وهالشي وان دل فانه يدل على قلة دين الشخص و جهله


وحياج الله اختي

 

[Alias]

للاسف العنصريه موجوده

 

[أغداً القاك]

احنا الحين بزمن العنصرية
من ناحية الجنسية , المذهب , الاصل , اللون ، وغيره وغيره
انا ماراح اتوسع بالموضوع لانه وايد كبير بس بتكلم بالنقطة الي ذكرتيها
قبل ماكان في شي اسمه جنسية وحتى لما طلعت الجناسي عند العرب ماكان لها معنى مثل الحين
فوايد خذوا من دول ثانية حتى ماكان في فيزا واقامة وهالسوالف
بس الحين اختلف الوضع من الناحية الاجتماعية
كل عائلة تفضل يزوجون بنتهم من نفس البلد عشان يقولون والله نسايبنا من بيت فلان الفلاني

بس ترا العنصرية مكروهة في ديننا الاسلامي
لانها تركز مفهوم التعصب
كما ان الرسول قال في الزواج : تباعدوا ولا تضووا
عشان الامراض من جهة ومن جهة ثانية تصير الروابط الاسرية بين الاسر المختلفة قوية بسبب رابطة النسب
لا تضووا يعني لا تضعفوا .. ولو تلاحظين ان اي عائلتين يرتبطون بنسب تقوى علاقتهم حتى عقب سنين
والعنصرية يجب محاربتها ونبذها بالايمان

والله يوفق الجميع

 

[الزورق222]

نحن نتنفس عنصرية .. نحن نغرق نغرق ..

 

[Eva-SS]

تكافئ الزواج مايعتبر عنصرية فيه فرق


احنا ظروفنا وطبيعة معيشتنا تختلف عن باجي الدول الموضوع مايتعلق بالماديات بس وعموما بعض العوايل عندهم عادي يناسبون اللي يبون لكن الأغلبية مو هذا طبعهم

اسمحوا لي سهرانة ماجمع بس نرفزتني كلمة عنصرية حسيتها مسبه وجيت من أقصاي هههههههههههههه

 

[tt2tt]

االزواج لازم يكون فيه تكافي هذي مو عنصريه

 

[وفاء ولين]

شوفي بقولها بصراحه العنصريه موجوده وموجوده بقوه وعند كل الدول
والعنصريه مو بس بالجنسيات والا الديانه والا المذهب الابين المجتمع الواحد
*

 

[هنا22]

شكرا خواتي انا كتبت هذا الموضوع بعد ماشفت الناس في الغرب اشلون مختلطين وماعندهم فرق ففكرت احنا مسلمين ودينه ينهانه عن التقليل من شان الاخيرين وبصراحه اتذكر مواقف سمعت عنها لما اتذكرها هلحين اشوف فيها عنصريه

 

[هنا22]

والاخت الي تتكلم عن التكافئ في الزواج هم له حدود وانا موظوعي بشكل عام مو بس الزواج يعني لما اتشوفين وحده عنها الخدامه مثل المكينه ليش اهي هم بشر ولا الي تعامل بدونيه مع الناس على اي اساس

 

[رفـاعية]

خوووووش موضوع

ابشرج حبيبتي .. ترى احنه طغينا على الغرب في عنصريتنا !!

هالشي مو قاعدين نحس فيه يمكن بس موجود موجود موجود بالثلاث !!

صرنا سطحيين مع اننا تقدمنا في الإعمار و في التعليم و في كل نواحي الحياة .. و لكن للأسف الشديد قاعدين نلاحظ انحدار مخجل في سلوكياتنا الاجتماعية و منها العنصرية ..

ليحين في ناس تتلفظ بكلمة (عبيد) و (مو اياويد) !!

على شنو؟؟ على اللون و على المخبى ..

اللي يتزوج غربيه يعني (وااااو) و اللي يتزوج من اي جنسية عربية ثانية يصير (ويييع) .. اذا شبهناهم بالفلبينيين او الهنوزد يعصبون ,و اذا شبهانهم بالامريكان او الكنديين يطيرووووووون من الوناسه .. انزين ليش؟ ((العفو ما اقصد الانتقاص من اي جنسية و لكن هذي الواقع))
عنصرية في الشارع في الدوام في وسائل التواصل الاجتماعية .. الله يعيننا بس

 

[كويت الاناقه]

يوو يووو الشي هذا صراحه مايروح وان راح يروح بالدين والتمسك فيه والايمان باننا كلنا سواسيا عند الله

 

[دلوعة أبوهآ]

العنصريه موجوده عند العرب وبشكل جداً كبير ومنتشر ..
عنصريه بكل شي
اصل , فصل , شكل , جنس , لون , لغه , ثقافه

آلله يرحمنآ برحمته بس

 

[Buy&Sell]

حياكم الله بـ حسابنا بتويتر

@Q8_BuyAndSell

بيع آخر منتجات الموضة النسائية

من شنط يد وأكياس وساعات .. إلخ

 

[Huda alotaibi]

خوووووش موضوع

ابشرج حبيبتي .. ترى احنه طغينا على الغرب في عنصريتنا !!

هالشي مو قاعدين نحس فيه يمكن بس موجود موجود موجود بالثلاث !!

صرنا سطحيين مع اننا تقدمنا في الإعمار و في التعليم و في كل نواحي الحياة .. و لكن للأسف الشديد قاعدين نلاحظ انحدار مخجل في سلوكياتنا الاجتماعية و منها العنصرية ..

ليحين في ناس تتلفظ بكلمة (عبيد) و (مو اياويد) !!

على شنو؟؟ على اللون و على المخبى ..

اللي يتزوج غربيه يعني (وااااو) و اللي يتزوج من اي جنسية عربية ثانية يصير (ويييع) .. اذا شبهناهم بالفلبينيين او الهنوزد يعصبون ,و اذا شبهانهم بالامريكان او الكنديين يطيرووووووون من الوناسه .. انزين ليش؟ ((العفو ما اقصد الانتقاص من اي جنسية و لكن هذي الواقع))
عنصرية في الشارع في الدوام في وسائل التواصل الاجتماعية .. الله يعيننا بس

قله وعي وتفكير للاسف هؤلاء هم اساس النقص العامل العاطفي
لاكن وش نقول مغير طااااااف skip

امما في امور الزواج والعشره صراحه الكويتي انفع
بحلوه ومره

الكويتي عمله نادره بين الشعوب الله يحفظه

 

[Huda alotaibi]

يوو يووو الشي هذا صراحه مايروح وان راح يروح بالدين والتمسك فيه والايمان باننا كلنا سواسيا عند الله

بالضبط الوازع الديني واحترام الانسان لذاته سبيل لعدم التفرقه بين العالمم

كلنا يطلق علينا " انسان " اول كائن بشري مميزه الله بالعقل فلممماذا التدني بالعقول
المسآله هي تفتح عقل وادراك لفهم الناس :eh_s(17):

 

[بعثرهم وجودي]

صراحه لازالت العنصريه موووجوده واكثر من الاول خاصه بالمذاهب الدينيه ... بالنسبه لزواج انا اشوفه من منظور ثاني مو عنصريه والي تقول ان الاهل يزوجون بنتهم عشان يقولون ماخذه فلان الفلان .. فعلا اختي الاهل يبحثون عن النسب قبل كل شي ولاتقولون عنصريه لانه مووووجود بحديث الرسول صلى الله عليه وسلم واذا ماتوافق النسب يكون من مبطلات الزواج ودمتووو

 

[اميره^_^بحلآها]

جد العنصريه موجوده عندنا و بشكل كبير