هل كانت حجه ام ماذا ؟

[زهرة الياقوت85]

السلام عليكم
الموضوع انه كان لي صديقه للاسف للحين ما بصدق انها غدرت بيه قبل فتره حصلت مشكله بيني وبينها هي بسبب اهلها مايحبون كثرة المكالمات ندخل بالموضوع انا تنرفزت وزعلت عليها وجرحتها بالكلام بعدها اعتذرت بس للاسف لما شفتها ماكانت هي تجرح بالكلام واتهمتني اني شاذه وموطبيعية حاولت افهمها قالت لي اثبتي لي انك طبيعيه انا ماتحملت من كلامها اتصلت بامها لان بصراحه الكلام حسيته ثقيل وبعدها امي درت بالسالفه اتصلت بامها عموما بعد مناقشات امها سدت التلفون بوجه امي وانا كملت السالفه صرت اعصاب ع امها الحين وحده صاحبتي راحت تتكلم معاها قالت ليش متخاصمين انتو كان جواب صديقتي قالت والله لو كانت مشكله عاديه كان صالحتها من زمان بس الحين مشكله كبيره
طيب يا بنات احس انها تختلق حجه ولا شو تقولو

 

[Tom ♥ Jerry]

.


خليها , ما توقف الدنيا عليها

 

[Alias]

لا تدخلين احد في المشكله. والحين اعتذاري لها

 

[فـلـ 50 ـس]

وعليكم السلام ..

الموضوع متداخل و مو واضح بس اللي فهمته انكم اثنينكم غلطتوا على بعض وكبرتوا الموضوع

اولا لازم تحترمين رغبة أهلها لو كانوا ما يحبون كثرة الاتصال .. ولا تسببين لها احراج

ثانيا لازم تنوخذ الامور بعقلانية اكثر حتى لو كنتوا متزاعلين مو مقبول اهيا تتهمج بالشذوذ .. و انتي تتطاولين على أمها

المطلوب منج فورا تتصلين على أمها وتعتذرين لها لانها بحسبة أمج و تحملي ردة فعلها مهما كانت أهم شي تبرين ذمتج امام الله

اما صاحبتج افضل انج تتجنبين الحديث معاها لين تهدى تماما

ارسلي لها رسالة ذكريها بفضل الاخوة بالله , و قولي لها انج اقرب شخص لي ومن هالكلام الطيب .. و قولي انج ماخذه بخاطرج من كلمتها ولازم تتعذر و ما تتكر الكلمة أبدًا


سوي هالشي لله مو لصاحبتج أو لامها .. لانج غلطتي ولازم تصلحين غلطج وبعدها ربي بيسهل الامور ويفرجها

و لو ما حصل ورجعت رفيجتج تأكدي انها خيرة من الله
​

 

[sh_mashael]

مو مفهومه سالفتج

بس اللي مايبيج لا تقطين روحج عليه

خلاص انهي علاقتج فيها

لأنه متى ما انتهى الاحترام قولي للعلاقه مع السلامه

 

[_Taylor Swift_]

لا مآ اختلقت حجه .. السالفة وصلت للأمهات بعد !