هل في مثلنا العالم كله ؟ تعالوا الله يهديكم

[فطومه]

السلام عليكم ورحمة الله وبركاته




هالموضوع حبيبات قلبي حبيت اطرحه للقلوب الجاحده ..للقلوب التي قست على ديرتي الكويت


للعالم عامه وللكويتيين خاصه....للي مايحمدون ربهم خاصة هاليومين اللى مافى احد يحمدربه ويشكره تعالوا خل اقول لكم



منومثلنا بالعالم كله يتمتع بحرية الراي؟

منو مثلنا بالعالم اول ماينولد له طفل يمشي له راتب(50دينار اعانه)

منو مثلنا فى العالم الدوله تعينه وتدعمه في الماأكل (تموين الجمعيه بسعر زهيد)

منو مثلنا في العالم يتعالج ابلاش

منو مثلنا في العالم يتطبب ابلاش؟ لا وأحسن الدكاتره كلهم خريجين امريكا ؟

منو مثلنا فى العالم عنده شيوخ سنع ومنع لاغرور ولا تكبر؟

منو مثلنا في العالم لايه الصيف انترس المطار(ويشتكون من الديون)

منو مثلنا في العالم يحصل على نفس الرواتب اللى ناخذها؟بفضل من رب العالمين

منو مثلنا والحمدلله في العالم ينعم بنعمة الكهربا صيف شتا (فى دول عربيه تنقطع الكهربا عنهم بشكل يومي اكثر من ست ساعات)

منو مثلنا بالكويت الغني نفس الفقير؟

منو مثلنا بالكويت لادخل السوق يشترى ويحصل اللى بخمس دنانير (بالنسبه للبس)

منو مثلنا لادخل السوق يحصل اللى بأمية فلس( يونس عياله)

منو مثلنا بالعالم جيس الخبز بخمسين فلس والايراني بخرووود (بدوله خليجيه وصلت الخبزه 150 فلس)

منو مثلنا يترس س يارته بنزين وهو مايحس بتحرج(بالدول العربيه والخليجيه يترسون السياره ب15 دينار)

منو مثلنا بالعالم يعيش بفريج واحد الشيعي والسنى والبدووي والحظري والكل منهم ياكل بصحن واحد والكل ايوجب الثاني

ويحترم الثاني وماعليكم من الاعلام لاخلق المشاكل كلها فقاعات

منو مثلنا بالعالم وقف له العالم وصفق حق امير دولته احتراما لشخصه ولقلبه الرحوم لما خرت دمعته ؟؟؟؟؟؟؟

منو مثلنا بالعالم عايش بديره صغيره لكنها فاتحه بيوت فى اخر الدنيا الفلبين والهند واثيوبيا ...الخ صدقاتنا والحمدلله بكل

مكان عسى الله يكثرها ويتقبلها

نسيتوا نسيتوا؟ ياحبايب حمدوا ربكم انتوا بنعمه الكل يطالعكم عليها القريب والبعيد

الكل وده يخمط النعمه من ايدكم ..الكل حاسدكم اللى يضحك بويهمكم من وراكم يضحك عليكم واللى يحمس جبودكم وينصحكم

تراهو يحبكم؟

اللهم اني اشهدك بانك الله الذي لا اله الا انت .....ربي احفظ هالنعم..واحفظ ديرتي واهلها...يارب لاتؤاخذنا بما يفعله السفهاء منا

ترى النعمه زواله واللى مايحمد ربه راح تدور عليه الدنيا وينقلب حاله من حال الى اخر

 

[@شمس الضحى@]

مشكووره الله يحفظ ديرتناا

 

[فطومه]

مشكوره حبوبه لمرورج

 

[يغارون مني]

الله يجزاج خير والله دمعت عيونى من كلامج الطيب عساه فى ميزان حسناتج والله يحفظ الكويت وشعبها من كل مكروه:q8:

 

[مطيريه ماركه]

عزيزتي فيه كثير يخلطون بين آلنقد وآلجحود وآلذم

بينهم شعرة وحنّآ شآيفين هَـ آلشعرة ومستحيل نتخطآهآ

يعني آذآ قلنآ آلسلبيآت في آلكويت ذمينآ وطنآ

آلكويت لو هي صحرآ وفقر نحبهآ ومآنشوف لهآ مثيل

لكن نسكت ونشيح آلنظر عن آلآخطآء وآلبوق آلخ آلخ آلخ

هذآ مو بر هذآ آكبر عقوق لِـ بلدنآ

لِـ آن جذي نسكت عن آلمسؤولين

ديرتنآ مآمثلهآ بين آلآوطآن وحنّآ آنتقآدنآ لِـ آلمسؤولين

منو آللي شرّع آلخصخصة

من آللي همّش آلمآدة 36 من آلدستور

وحول آلكويت من بلد حريآت لِـ بلد بوليسي

من آلذي آشعل آلفتن

من ومن ومن

هل آلكويت فعلت هذآ ؟

وآلآ نآس دخلوآ آلكويت وآلكويتيين بِـ لعبة قذرة

كثيرررر هم آللي لمآ يشوفونآ نتكلم بِ صرآحة عن وضع آلكويت

يحسبونآ مآنحب آلكويت جآحدين فضلهآ مو عآجبتنآ

لآ آلعكس صحيح حنّآ من محبتنآ لهآ نتكلم !

كلمة في قلبي لِـ آن آنآ بِ آلذآت يآمآ آتهموني آتهآمآت مآلهآ آسآس من آلصحة !

 

[ღ كحلاء العين ღ]

؛

آلسسلآم عليكم ورحمة آلله وبركآته



كلآمج روعه و فيه كثيير من الصحه ..~

و الحمدلله على النعمه ..~

عزيزتي فيه كثير يخلطون بين آلنقد وآلجحود وآلذم

بينهم شعرة وحنّآ شآيفين هَـ آلشعرة ومستحيل نتخطآهآ

يعني آذآ قلنآ آلسلبيآت في آلكويت ذمينآ وطنآ

آلكويت لو هي صحرآ وفقر نحبهآ ومآنشوف لهآ مثيل

لكن نسكت ونشيح آلنظر عن آلآخطآء وآلبوق آلخ آلخ آلخ

هذآ مو بر هذآ آكبر عقوق لِـ بلدنآ

لِـ آن جذي نسكت عن آلمسؤولين

ديرتنآ مآمثلهآ بين آلآوطآن وحنّآ آنتقآدنآ لِـ آلمسؤولين

منو آللي شرّع آلخصخصة

من آللي همّش آلمآدة 36 من آلدستور

وحول آلكويت من بلد حريآت لِـ بلد بوليسي

من آلذي آشعل آلفتن

من ومن ومن

هل آلكويت فعلت هذآ ؟

وآلآ نآس دخلوآ آلكويت وآلكويتيين بِـ لعبة قذرة

كثيرررر هم آللي لمآ يشوفونآ نتكلم بِ صرآحة عن وضع آلكويت

يحسبونآ مآنحب آلكويت جآحدين فضلهآ مو عآجبتنآ

لآ آلعكس صحيح حنّآ من محبتنآ لهآ نتكلم !

كلمة في قلبي لِـ آن آنآ بِ آلذآت يآمآ آتهموني آتهآمآت مآلهآ آسآس من آلصحة !

و آتفق مــع مطيريه ..~



..[ :eh_s(17): ]..

 

[كويتية و لكن]

والله كلامك صح وصح السانك حبيبتي

والله الكويت مافي مثلها والله وعسي ربي لا يغير علينا ويحفظها لنا يارب

 

[كويتية و لكن]

والله كلامك صح وصح السانك حبيبتي

والله الكويت مافي مثلها والله وعسي ربي لا يغير علينا ويحفظها لنا يارب:q8::q8::q8:

 

[فطومه]

شكرا لمروركم والحمدلله اني لقيت مؤيدين يروحى

يالمطيريه يروحى انا معاج ان لازم يكون فى نقد ولكن للأسف صار النقد بدمنا نمشى ننتقد ناكل ننتقد نلبس ننتقد نقعد مع الجيران ننتقد

نطلع بالتلفزيون ننتقد نقعد مع اجانب ننتقد حتى خلينا الكل ينتقدنا لا يروحى النقد له كانه وزمنه وفى المقابل اذا انتقدنا لازم نمدح

مانقول ان مافى سلبيات الا فيه سلبيات لكن نخلي هالسلبيات حق اهل الاختصاص انا قاعده اشوف بنات واولاد حتى الاطفال

ينتقدون

طيب متى نمدح هالديره الطيبه متى؟ حبنا للارض والله انها متروسه خير والكل بره وده بجنسيه ااااخ لوتدرون بس

فى ناس بره تحاول تدخل تقول ديرتكم متروسه خير

بعطيج مثال فى واحد سوري الله اغناه من الكويت والحمدلله يوم راح لهله وقالوله شنو اشتغلت رد عليهم قال انا ماعندي شي بس انقل التراب من يمين الى يسار؟

وفي ناس عندها الامكانيه انها تدفع الاف حق شباب بس علشان ورقة عقد زواج وانتى عارفه شنو الاستفاده قاعدين يغرون شبابنا

واحنا ننتقد خلونا نعطي الخبز خبازه وخلونا نشغل نفسنا بأعمالنا بمعنى كل واحد يخلص بعمله ولاينتقد بل يمدح

خالد الجبير يقول امدحووووووا امدحوااااااااااا فما بالج هذي الكويت تستاهل المدح


اشكر كل من دخل وشاركني الاي او خالفني الراى وبانتظار كم

 

[فطومه]

منو مثلنا فى العالم اللى بيتزوج يعطونه 4الاف دينار


منو مثلنا فى العالم اللى يستمرض يعالج فى الخارج


منو مثلنا فى العالم يعطونه بدل اجار



منو مثلنا فى العالم يوم صار الغزو بأمر من الحكومه تصرف الرواتب واحنا مشردين بالخارج لكن اميرنا رفض ان نتشحطط ونطر ومشت لنا معاشات شهريه ولما ردينا اخذنا بعد رواتب بأثر رجعي والله عز


منو مثلنا فى العالم لما صار الحين البركان بأمر من الشيخ صباح الاحمد ربي يحفظه امر حق الكويتيين توفير سكن لهم والثلاث وجبات اللى كانوا بلندن مع مصرف الجيب وهم ماعجبهم يبون اكثر منو منو(اخ من الطمع)

 

[فطومه]

 

[عجيبه1]

كلامج على العين و الراس وصحيح

وماننكر فضل ديرتنا

وحب الكويت بقلوبنا اكبر من كل شي

وانتقادنا ليس للوطن لكن لبعض الجهات من دافع حب و غيره على هالوطن اللي تربينا فيه ومستعدين نفديه بكل ما نملك

الكويت قبل كل شي ومصلحتها قبل مصلحه اي فرد وهالشي كلنا نأمن فيه

واذا شفتي انتقاد لا تظنينه جحود لا لكن كلمه حق من مواطنين غيورين على وطنهم

الله يحفظ الكويت واميرها و شعبها من كل مكروه

 

[ابرار^كويتيه]

خوش موضوع

 

[أم الفهود]

واللة واللة كلامج عدل مدل يا الطيبة
وإنتى صاجة بكل الى قلتيه
واللة يحفظ كويتنا لنا , ويجعلها سالمة يا رب العالمييييين

 

[آالنووفي]

.


.


الحمدالله على النعمة اللي حنا فيها والله لايغير علينا ..
وانا مع مط مط الشعب يتكلم لصالحه ولصالح الدولة ...
ياليت واهم شي ترد القوانين الصارمه القديمه مثل الاعدام لان في فئه من الناس دخلوا الديره و رثعوا فيها لازم نوقفهم عند حدهم ويهابون ..

والحمدالله على النعمه ..













.




.​

 

[زبدة ككاو]

ديــرهـ مــآمثلهــآ ديــرهـ

*********** يــآجعل ربي يحفظهــآ دآيــم الدووم

 

[حليبه]

الكويت الحمد لله مافي مثلها

كل يوم اصلي ركعتين شكر

الحمد لله على النعمه و الامن و الاستقرار

 

[فطومه]

كل الشكر لتواصلكم معاي مع انى اشوف صفحات الانتقاد تنترس وهذي صفحتي اللى فيها مدح للاسف ينعدون على الاصابع اللى شاركوا


عموما انا مثل ماقلت ماني ضد الانتقاد لكن بحدود المعقول يعنى بعض الكويتين ينتقدون الحكومه وينتقدون المجلس وينتقدون الشعب وينتقدون

الى متى؟ وشنو الهدف


ندري فى سلبيات وكلنا نعرفها مثلا نقول وزارة الصحه ومشاكلها وانا وحده من الناس لما استمرضت والحمدلله مارحت بره لا حكومتى يابت لى بروفيسور فرنسي الى عندى وسوى لى العمليه؟


تدرون ان الحكومه كل فتره تييب د كاتره وبروفيسوريه تعالج الناس؟
تدرون جم معاشه هذا؟ وليش تييبه؟ موعلشان هالشعب لكن منو اللى يشكر؟



مره قعدت بمجلس فيه حريم ينتقدون ومعاهم وحده خليجيه والله فشله قالت لهم استحوا تنتقدون وانا موجوده هذي بلادكم

انا ديرتي لوفيها مليون عله مانتقدها جدام احد



عموما منو مثلها ديره فى العالم اليتيم يمشى له معاش وعيال الشؤن يتجنسون ويدرسون ويشتغلون ويزوجونهم لا وكانوا

يسمونهم عيال الشيخ على فكره كل معاملاتهم تمشى برسم الخدمه بأمر من الشيخ

 

[فطومه]

انا عن نفسي احب ديرتي


زينه شينه احبها بشيوخها وبحكامهاهم احبها


بحرها ابردها هم احبها ياحلو غبارج ياكويت عاد تدرون حتى الغبار انتقدوه ماخلو شي

 

[الطاوووسه]

انا عن نفسي احب ديرتي


زينه شينه احبها بشيوخها وبحكامهاهم احبها


بحرها ابردها هم احبها ياحلو غبارج ياكويت عاد تدرون حتى الغبار انتقدوه ماخلو شي

ردج أختصر كل الكلااااااااااااااااام اللي كنت بقوله


وهدي لج :aha::lolo::e3:


الله يحفظ ديرتنا :yaaaaaarb:​