هل عمليه تنظيف الرحم بعد الاجهاض تسبب خراب وتوسع

[فتون777]

السلام عليكم*
بنات انا مررره خايفه ومحتاره ومو عارفه ايش اسوي*
احس نفسي ضايعه
بكره موعد عمليه التنظيف عشان البيبي وقف نموه ومافيه نبض ولاسمعناله نبض من البدايه اصلا
والحين انا 11 اسبوع
ومقرره دكتورتي عمليه
بنات انا قريت في النت وحده تقول صار فيها نفق وشافت نفسها من تحت خربت اسفه والله ع الكلام هذا بس مافي غيركم بتفيدوني بعد الله
والثانيه ترد عليها تقولها ماترجعين زي اول
كيف يعني يابنات
ايش اسوي
ابي اسئل الي مسوين هذي العمليه
جاوبوني بصراحه انا خايفه وما اعرف احد سواها
وهل اقدر اشرب شي ينزل الجنين بدون تنظيف
المشكله مانزل علي دم طول مده الحمل
بس لما اتحدد موعد عمليتي صرت اتحرك واجهد نفسي وامشي كثير
صار يجيني مغص والم فرجولي وينزل مني شي غريب زي الافرازات مخلوطه بدم

ساعدوني الله يسهل اموركم
وطمنوني
اخاف ما ارجع زي اول بعد العمليه

 

[بحور العنا]

حبيبتي فتون الله يعوضك باللي احسن منه يارب وخيره ان شاء الله
بس ماعندي فكره عن التنظيفات ياقلبي
وماحبيت اطلع من الموضوع بدون دعوه لك
عسى الله يرزقك بالذريه الصالحه يارب

 

[فتون777]

مشكوره حياتي وجزاكي الله خير

 

[&هند&]

حبيبتي عسى الله يعوضج بالي احسن منه

ما عليج انا سوت عملية التنظيفات وكان الحمل شهر ونص وعادي ما في اي شي تغير بس كنت ادفي نفسي وامي اسبوعين سوت لي اكل النفايس ورجعت لزوجي ناشه ولا تغير شي ماعليج من الخرابيط مو لي هالدرجه مبالغين ،،

 

[@ام يوسف@]

الله يعوضج وااااااب

 

[عنووشه]

اكلي اكل نفاس وتدفي عدل لمده اسبوعين او لين تحسين نظفتي


وتشطفي بماي دافي مع مره


يعني نفس النفاس بالظبط من تدفي ومن اكل واعشاب


بس لمده اسبوعييين



ومالج شر ان الله

 

[••غـلآًهْـم••]

الله يعووضج خير يارب

 

[sosowaty]

حبيبتي انا جربت التنظيفات جذب ماكو هالهوايل

اصلا احسن لج و انظف لج ينظفون الرحم عدل

و لا تسوين بالخاص روحي مستشفا الفروانيه تخصصهم مشاء الله

و الله يعووضج ياارب

و ادعيلي ان الله يتمم علي

 

[أم عزوز21]

انا نفس حالتج توقف نموه وماكو نبض وسويت تنظيفات

وتنفست اسبوعين ورديت نفس قبل ..

بس تنفسي ع الاقل اسبوعين ..

والله يعوضج ياااااااااارب ..

 

[ايمانو حلوة]

خرابييييط حريييم

 

[فتون777]

مشكورين بنات طمنتوني وبصراحه ارتحت لكلامكم
الله يهون علي

ويسهل عليكم
ويرزق كل وحده بللي تتمنا
وجزاكم الله خير ماقصرتو

سو سويت بدعيلك حبيبتي
مشكورين

 

[مثل القمر عالي]

الله يعوضج خير ان شاء الله
انا سويتها مرتين ولاصار شي لاتحاتين ياقلبي
الله يقومج بالسلآمه واهم شي تدفئ عدل
وربي يسهل كل امورج

 

[*peace*]

شدعوه عليهم

اذا الولاده ماتسوي جذي مع العنايه بالنفاس طبعا