هل طلق زوجته الثانيه لجل عين الأولى !!!

[Princess Lady]

مساء الخير

... موضوعي يمكن يضايق شوي ... بس نبي نشوف التجارب ؟؟

مثلا هل اذا الريال تزوج على مرته لأي سبب من الأسباب ... وكانت زوجته الاولى مو راضيه عليه !!
هل طلق زوجته الثانيه لجل عين الأولى !!!

هل ممكن يصير هالشي !!

في ناس أعرفهم أزواجهم تزوجوا عليهم وأغلبهم بدون سبب بعد والمشكله ان بعض الزوجات كانت واقفه وقفه مع زوجها وآخر شي حط على رآسها مره ؟؟

حاولت وزعلت عليه وطلبت الطلاق بس يوم جاء يراضيها مو عشانها لان ما يبي عياله يضيعون بعد الطلاق

وهي فكرت وقالت هو مرده لي وردت له بس لي الحين متزوج الثانيه ؟؟ وزوجته الاولى كبرت عشر سنين لي جدام من التفكير والهم



نبي تجاربكم أو تجارب سمعتوها ..

:blueSmCLR:

 

[ساره.]

رد : هل طلق زوجته الثانيه لجل عين الأولى !!!

بعيد الشر عن لطلاق وعن الزوجه الثانيه


ننتظر التجارب

 

[KOKO_284I]

رد : هل طلق زوجته الثانيه لجل عين الأولى !!!

والله انا رفيجه امي زوجها تزوج عليها وظل فتره بعدين هد زوجته الثانيه ورد لها

انا من وجهة نظري الزوجه الثانيه نزوه من الرجل او تقصير من المرا

 

[ملواكي]

الله يبعدنا عن هالمواضيع

 

[الأميرة جوري]

رد : هل طلق زوجته الثانيه لجل عين الأولى !!!

الله يكافين شر الطلاق والزوجه الثانيه .....بس اغلب القصص واللي اسمعها ان الاولي ثابته والثانيه يقضبها الباب .......... قليل اللي يطلق الاولي ...علي قولتهم مالي الا الحبيب الاولي <<اعتقد المتنبي او عنتر ناسيه من قالها مادري جحا الخبل ههههههههههه

 

[مشموشته]

مو بالضرورة حسب الوضع

الي يكون على بينه من الاولى من الاول ما ينجبر يطلق احد اذا كل وحده متفهمه و عارفه حدودها

يمكن الاولى تقوله ليش تزوجت علي طلقني و يشوف الثانيه متمسكه فيه يقول ابيع الي يبيعني و كلنا متفقين ان الريال ما يقضبه العيال

الريال يدور راحت باله و بس

طبعا انا عايشه بزواج مشابه فعارفه اشقاعده اقول

 

[بتبوتااا]

. الله يبعد عناا شر الزوجه الثانيه وشر الطلاق ياارب ,
اعرف ناس متزوج عشان تكون زوجته الالولى ام عياله والثانيه الحب ,
:/.

 

[اشتياق]

غالبا الزوجه الثانيه نزوه
خاصة اذا اصرت الاولى على طلاقها تتطلق لا محاله
ولكل قاعدة شواذ

 

[امواج الكويت]

انا عمي ابو زوجي ضحك عليه واحد وزوجه وحده من اهل مرته وقعد معاها يمكن شهرين وطلقها ورد يركض لي خالتي

 

[السهل الممتنع]

مو شررط اانا عمتى تزوجت واااحد متزوووج ... وبعد فترة طلق زوجته الاولي بسبت كثرت خلافاتها وحنتهااا .. يعني كل شي نصيب مانقدر نقووول الغالب والاكثر .. ماله شغل هالشي بالنصيب والرجال يدوور راحته مايهمه الاولى او الثانيه .

 

[dantella]

مو شررط اانا عمتى تزوجت واااحد متزوووج ... وبعد فترة طلق زوجته الاولي بسبت كثرت خلافاتها وحنتهااا .. يعني كل شي نصيب مانقدر نقووول الغالب والاكثر .. ماله شغل هالشي بالنصيب والرجال يدوور راحته مايهمه الاولى او الثانيه .

معاااااااااج

 

[*غنج*]

شذنب الأولى يتزوج عليها بدون سبب؟!!!
وشذنب الثانيه يطلقها بعد ما استانس فيها شوي بدون سبب؟!!!

 

[شمالية غربية]

رد : هل طلق زوجته الثانيه لجل عين الأولى !!!

اكيد ما تركها الا ما يبيها

 

[فوفو22]

رد : هل طلق زوجته الثانيه لجل عين الأولى !!!

الرجااااااااااااال بحر


صعب نكتشف افكاره وتخطيطه

ولكن متأكده اذا الزوجه قدرت تعرف مفاتيحه وخريطته


ملكت قلبه وعقله


لا يفكر بعدها ولا قبلها

فوفو

 

[كريستال]

رد : هل طلق زوجته الثانيه لجل عين الأولى !!!

وايد يتزوجون نزوه ويطلقون وتبقى الاولى

 

[دلــــع البنــــات]

رد : هل طلق زوجته الثانيه لجل عين الأولى !!!

انا تطلقت ... وتزوج الثانية ...

وعشت حياتي من أروع ما يكون ... بعد طلاقي ... بلا عله ووجع قلب

وشاهد علي ربي ما اذيته ... بس اللي ما يبيني ما ابيييييييييييييييييييييه ... ولا اتعب عمري معاه

بس اللي اعرفه ... ان ما قدر يعيش مع الثانية ... وهذا اللي سمعته من الناس ... بس والله ما ادري عنهم

اصلا ... اللي بينا انتهى خلاص ...

انا اعرف وحده اخذها وهي الاولى وكان يعشق بنت جيرانهم وما قدر يعيش مع الاولى وطلقها وحتى العيال ما يبيهم ...

واخذ عشيقته((حب من كانوا اطفال )) وعاش من اروع مع يكون مع الحب ع قولتهم ...

 

[ام شووووق]

رد : هل طلق زوجته الثانيه لجل عين الأولى !!!

الاغلب الريال يرد للاولي والثانيه تكون نزوة

 

[دلــــع البنــــات]

رد : هل طلق زوجته الثانيه لجل عين الأولى !!!

الريال = حشره اجتماعيه الغرض منها النسل فقط

صااااااااااااااااااااااااجه جبتيــــها


يبا انا ارتحت بلاااااا زواج بلااااااااااا بطيخ ... بعيش وبس

 

[Smetk 3'lay]

موضوع يغث بس حبيت اسمع التجارب لأني عايشه حاليا نفس القصه

وتبون الصج واللي آنا متأكده منه ان الريال مايهمه اذا أولى او ثانيه او غيرها الريال مايهتم الا لرحاته بس ,, ياخذ اللي

يبي ويترك اللي مايبي ولا يكلف نفسه يلتفت لذنوبه اللي كسبها بالأولى والا الثانيه

الريال = حشره اجتماعيه الغرض منها النسل فقط

انا معاج

 

[MISS-_-FLOWER]

رد : رد: هل طلق زوجته الثانيه لجل عين الأولى !!!

موضوع يغث بس حبيت اسمع التجارب لأني عايشه حاليا نفس القصه

وتبون الصج واللي آنا متأكده منه ان الريال مايهمه اذا أولى او ثانيه او غيرها الريال مايهتم الا لرحاته بس ,, ياخذ اللي

يبي ويترك اللي مايبي ولا يكلف نفسه يلتفت لذنوبه اللي كسبها بالأولى والا الثانيه

الريال = حشره اجتماعيه الغرض منها النسل فقط

واي يا قلبي حاسه بلي فيج الله يهون عليج و ينولج الي في بالج و يخلي الي زعلج يندم ويتحسف