هل طبيه القلب تعني ضعف في الشخصيه؟؟

[مــ هـ ـاوي]

طيبه القلب

صفه محموده في الانسان وبل مرغوبه

والانسان الطيب القلب محبوب من الجميع

القضيه:

هل اصبح الانسان طيب القلب في زمننا هذا شخص ضعيف
واصبحت الطيبه توصف بالضعف والتخلف لماذا؟؟

محاور النقاش...

>>شنو رايكم بطيبه القلب وتعتقدون انه ضعيف ومتخلف ولا متسامح وشفاف؟؟

>>شلون نتعامل مع طيب القلب؟؟

>>بنظركم طيبه القلب عيب؟؟

>>هل طيبه القلب = ضعف الشخصيه؟؟

>> لطيبه حدود؟؟

واتمني اشوف ردودكم الحلو..[/size]

 

[a3andho0om]

اكيد طيبة القلب شي حلو بس مو مع اي شخص لأنه في اشخاص تقدر طيبة قلبج بس في ناس تستغل هالطيبه ويعتبرووونج هبله بس انا مع انه الطييبه تكووون بحدووود و ترا يعتمد على اخلاااق الشخص اللي تعاااملييينه و في ناااس مو مال تصييريين معاهم جذي
ان اكرمت الكريم ملكته و ان اكرمته اللئيم تمردا يعني لازم اكووون على بينة هالشخص اللي اعااامله شنو ....
و شكرا حبوبه

 

[حكاية شهرزاد]

يقولج المثل .. قلوب الطيبين في راحه ..

الطيبه والغافله اهيا اللي تربح .. وشنو استفدنا لما تفتح عينا وشفنا وصرنا خبيثين .. غير المشاكل وعوار القلب ..


ياليت كلشي ينمحي ونصير طيبين مثل ايام الطفولة ..

الطيب حقه مايضيع لانه الله فوق كلشي ..

 

[NoWay2know]

لا يعتبر قوة الشخصية
يعطيج العافية

 

[famous.pussycat]

الطيب ابرايي اهو ضعف بالشخصيه طبعا لانه بهزمن ماكو احد طيب
انا صادفت ناس طيبه بحياتي بس!!!! ضعاف الشخصيه ينقص عليهم مو جديين يدورون رضى الاخرين باي طريقه ماأدري بس انا مايعجبني الشخص الطيب واايد الطيبه لاها اوقاات بس الشخص اللي يستعملها بكل شي اسمحووولي يعتبر متخلف حده

 

[زيكاكيتوكاتا]

طيبه القلب تعني غباء و السذاجة
سوري عالكلمة
حلو الوحدة تكون طيبه بس بحدود
يعني شوية قسوة
مو كل من قال واااااء عطيته

 

[العين الكحيله]

الطيبه مو ضعف بس بهالزمن الطيبه = خباال
لان شكثر صارت مع ناس طيبين وينخدعون

وبس اللي يستحقون الطيبه هم امج وابوج واخوانج.......

يسلموو ياقلبي ع الموضوع

 

[am faisal]

صحيح كلام الخوات لانى من هذا النوع دايم مشغلة نفسى اللى يبى منى شى حاضر وابششرى واذا صار مناسبة اركض معهم ولقيت الناس ما يقدرون الطيبة ويمشون مصلحتهم وبس ولايعملون لك اى حساب وتعلمت الدرس بس متاخر

 

[زيكاكيتوكاتا]

لا
مش مسألة يقدرون و الا لا
المسألة انه يستغلونج لين يورطنج
انا عن نفسي حطيت لنفسي قاعده
علاقتي مع الناس عاديه
لا حب و لا صداقة

 

[غير كل الناس]

نعم


اذا زادت عن الحد المعقول الي ان ترتبط بالسذاجه في بعض الاحيان

 

[يالبيه 17]

اوك طيبه قلب شي حلو ؟ بس مو طيبه قلب بكل الأوقات ؟
ومرات الطيبه تكون ضعف لما ينقص على هالطيبه بكلمتين حلوين ويمكن يدخلونها هالكلمتين بأكبر مصيبه
يعني الوحده لازم تصير ذكيه وتشغل مخها في كل الاوقات
صج حلوه الطيبه والنيه الصافيه بس مو بكل الاوقات

 

[monaco 90]

الطيبه حلوه بس الانسان الي مر بتجارب تعلم منها شلون يكون طيب وما ينداس اهو الصح اما الطيبه الي توصل لحد السذاجه فهذا شي غير مقبول :denya: مع انه الشخص الساذج بطيبته اكيد مامر عليه بلاوي اتخلي يصير مبلتع شوي ويثبت وجوده بدون ما يتاكل حقه ولا شرايكمoster_av1: وعن تجربه انا كنت حيل طيبه على نياتي اخرتها ينقال عني ساذجه يمكن للحين طيبتي فيني بس احاول اخشها واصير قويه جدام الناس واداافع عن حقي ومااتنازل بس صراحه لوما التجارب ولااشكال الي مرت علي ماتغيرت حالي وطيبتي الزايده:krkrkr:

 

[مــ هـ ـاوي]

يـــســـلـــمــــو حبيباتي على الردود

وكل واحد يالاخير له وجهه نظره

 

[خاشووقه]

بالهزمن طيبة القلب
ضعف
سذاجه
غباء

 

[لوكي 22]

ايه والله بهالزمن الطيب ضعيف وبزياده يستغلونه
هذا وايد اشوفه
الحلو الطيب الذكي ... للحين ماشفته

 

[الفيصيلية]

بلووقت هذا اي حبيبتي الطيبه يسمونها خبال والعووبه تصيرر سنعه والكل يعملها حسااب واحتراام

 

[خليج***]

>>شنو رايكم بطيبه القلب وتعتقدون انه ضعيف ومتخلف ولا متسامح وشفاف؟؟
متسامح وشفاف

>>شلون نتعامل مع طيب القلب؟؟
باسلوب محترم وراقي..


>>بنظركم طيبه القلب عيب؟؟
لا طبعا..عالحسب شخصية الانسان..

>>هل طيبه القلب = ضعف الشخصيه؟؟
لا مو ضعف..
الطيبة نعمة من الله..
و الطيبة صفة مميزة بالانسان ومو كل واحد عنده هالميزة..

>> لطيبه حدود؟؟
نعم

 

[sosotchino]

طيبة القلب شي حلو ..

بس ألحين بهالوقت اذا كآن الوآحد طيب يعتبرونه ضعيف شخصيهـ ومحد يحط له اعتبآر واهتمآم

عكس الملسون ><

بس أنا أعتبر الطيبه قوه شخصيه وشي حلو