هل صحيح ان اللي وحامها صعب ولادتها تكون سهله، والله ماكانت تحس بالوحام ولادتها تكون ص

[بدون بس مغتربه]

السلام عليكم انا اعرف كم وحده ودققت بشغله اللي هي
ان اللي وحامهاونساتها صعبه ولادتها تكون سهله، والله ماكانت تحس بالوحام ولادتها تكون صعبه.

شرايكم عطونها تجاربكم وتجارب غيركم .

 

[# غنوجة بيبي #]

السهاله من الله سواء وحام صعب او وحام سهل

ماله شغل

بالنهايه الله البي يسهل.. و عسى ربي يسهل علينا يا رب

 

[شمس وورده]

انا بالنسبه الي وحامي صعب ولادتي اصعب بمعنى الكلمه صعبه ومرت حماي الوحام سهل والولاده سهله جداً جداً عيني بارده عليها

 

[لوولوو_88]

لا مو صحيح هالكلام من واقع الي حولي .. و على هالكلام يعني ولادتي متعسره يوووو أم الإحباط هههههه

التساهيل من رب العالميين .. وربي اتمم علينا وويرزقنا الولاده السهله الميسره ♡

 

[om 7amoodi]

ماله علاقه الوحام سببه هرمونات الحمل في اجسام تتكيف مع الحمل اسرع من غيرها و في أجسام تتعب و في ناس تتحمل وتصبر وفي ناس ما تقدر و تتذمر من أي شي
الولادة شي ثاني و في عوامل وايد تخليها سهلة وهم في عوامل وايد تصعبها ومو كل شي احنا نتحكم فيه

 

[^^ام الزين^^]

هههههههههه بدون انا كل حمالاتي وحام قوي واللي وحامهم قوي تعبوني بالولاده بعد
اما ولدي مافي وحام نهائي نهائي كنت اشك اني حامل لان ماكو وحام كلش كانت ولادته اقصر واسهل ولاده وولدته بمستشفى حكومي بعد
يا حلو حماله ويا حلو ولادته مو شرط انا صار معاي العكس

 

[نور الضي]

بدون
ماعندي فكره
بس اتوقع ماله شغل
السهاله من رب العالمين

 

[احساس نادر]

مو شرط وحامي قوي وولادتي متعسره بس الحمدلله عدت على خير


بدون شلونج بشري حملتي ؟؟ كنت معاج قبل وكنتي تكتبين مواضيع عن الحمل

 

[احساس نادر]

مو شرط انا وحامي قوي وولادتي متعسره وعدت على خير الحمدلله


بدون شلونج بشري حملتي ؟؟؟

كنت معاج قبل تكتبين مواضيع عن الحماله

 

[احساس نادر]

مو شرط انا وحامي قوي وولادتي متعسره وعدت على خير الحمدلله


بدون شلونج بشري حملتي ؟؟؟

كنت معاج قبل تكتبين مواضيع عن الحماله

 

[fofo90]

لا ماعتقد بحملي الاول وحامي عادي حييل وماحسيت بشي
الحمدالله وتعب خفييف
وولادتي كانت فضل من الله سهاله ماطولت
ولاتعسرت الحمدالله

 

[بدون بس مغتربه]

والله مادري شفت وحده لاني اعرفها ماتحس كل بالوحام بس بولادتها كلش بغت تموت وكل حمالاتها جذي ماتحس بالوحام بس ولادتها حيل صعبه... وكم وحده وحاهما حيل صعب بس ولادتها طبيعيه واسهل مافي ولاده كلش سهله بس في شي اهون من شي


احساس نادر اي والله الحمد والشكر لله حامل وداخله شهري الثالث. تذكرين كنت اتحلطم هههه الحمدلله الله يرزق بغمضه عين.


الحمدلله على كل حال انتي شلونج وشخبارج انا علقت بالتجمعات مادخل وايد هني ...فمادري عن اخباركم بعد.

 

[أم حسوون]

السلام عليكم ، ما أتوقع فيه علاقه الاثنين منفصلين ، يعني الوحام يعتمد على طبيعة كل وحدة وهم يتغير أحيانا على حسب النوع ، والولاده السهاله من الله ، والله يهون عليج وعلى كل حامل.

 

[Aloe Vera]

ماله اي علاقة لامن بعيد و لا قريب هههه الله يسهل عالجميع نساتهم و ولادتهم

 

[انفاس القصيد]

السلام عليكم

ماله علاقه الوحام بسهوله او صعوبه الولاده

 

[Newbaby]

يالختكم حلمي حلم عمري اولد طبيعي حتى لو اتعب متحمله التعب



قيصرتين بسبب جنين


لاحول ولا قوه الا بالله كرهت دنيتي ونفسي وماني قادره انسى هم على قلبي ماينزاح طول العمر ابتلشت بالعمليات

 

[Newbaby]

هم حسره ندم تعب قهر

 

[مرجانة الزمان]

كلها سهاله من رب العالمين الولادة اختي مالها دخل في الوحام

ربنا يسهل ولادتنا جميعا ويرخفف عنا يارب ويرزقنا باطفال معافين مكتملين الخلق والخلقة ااااامين يارب

 

[HoD'HoD]

اتوقع ماله شغل الولادة تساهيل من رب العالمين وحسب طبيعة الجسم ووضع البيبي

امي ماتوحمت فينا انا واخواني كلش وولاداتها كلها سهلة ماشاءالله

ورفيجتي وحامها صعب مسكينة يطول لي السابع وولاداتها سهلة ماشاءالله

يعني ماكو علاقة بين الوحام والولادة

 

[احساس نادر]

الحمدلله الف الفففففف مبروووووك بدون الله يتمم عليج والله حيل استانست لج ��������