هل صحيح الرجل ما يعيبه شي؟!!!!!!!!!!!!!!!

[مو اي شي]

السلام عليكم،،
طبعاً الكتاب مبين من عنوانه ، هل انتي من مؤيدين من يقول الريال ما يعيبه شي؟؟؟
مثال: ريال مو حلو عمره 50 وانتي عمرج 20 يقولج يصلي واخلاقه زينه ووظيفته راتبها زين ، هل توافقين عليه؟؟!!!! اذا كان الجواب (لا) فإذاً طبعا هالمقوله خاطئه ، بس اللي يقهر ليش دايما الريال يبي البنت فووول اوبشن ما فيها ولا عيب ويبيها ملكة جمال حتى لو كان شكله قبيح ليش الرجل ما يشوف عيوبه ويبي المراه كامله؟؟ ترى حتى هي تبي تقابل ويه سنع اش هالانانيه؟!!!

ابي اعرف انتو مع او ضد مقولة انه ( الرجل ما يعيبه شي) وذكرو لنا السبب

 

[لاتكابر غلطتي]

انا ضدها عشر مرات ..

بالعكس من قال ما يعيبه شي
اذا كان مايصلي ولا هو سنع ولا اي شي من هالقبيل .. تهقين لا جا خطب بيوافقون ؟؟
اما والله عن نفسي اذا رجال محترم وملتزم وخايف ربه لو عمره مليون اوافق عليه ..
الانسات العاقل يشتري الناس اللي من ذهب ..
وترى بالعكس والله في كثير من الرياجيل قنوعين جداا
يبيها اهم شي تكون سنعه مسنعه بعدين الجمال
وشكرا

 

[غداً القاك]

ماتقاس الأمور كذا
ولا هالمقوله مقتصره على الزواج او الشكل فقط
الرجل يعيبه ان لم يكن رجل يحمل مسمى الكلمه
الرجل يعيبه اخلاقه
ولكن لو جينا للمقوله هذي فهي تنطبق على الأمور اللي تتعلق بالمغازل والمعاكسات
لان الرجل يغفر له عكس المراه
السبب ان الرجل لايمثل شرف وان الفتاه تمثل ذلك>ثقافه مجتمع
لو واحد عمره بالـ 50 اكيد ابرفض ليش لان مافيه تكافؤ واللي هو من اشد مقومات نجاح الزواج ..
الأمور ماتقاس نعم اذن صح
لا اذن خطأ
هناك مساحه بين هذا وذاك
وفيه مقوله ثانيه يطلقونها بعد
"الرجل مايعيبه الا جيبه"
يعني اتزوج لي رخمه بس معه فلوس عادي >ياعساني مااعرس طول عمري اجل
اما بالنسبه للشكل فالبنت هي الجانب الأنعم هي الفتاه يعني هي الأنثى اكيد مطالب منها ان تعتني بنفسها فضلاً عن الجمال لان الجمال ببيد الله عزوجل يمنح من يشاء بالقدر الذي يشاء ..
والرجال لو مو حلو بس رجال واخلاق ودين يامرحبا فيه والله
لان هالشي مايعيبه كرجل ولامطالب منه ان يكون جميل بقدر ماهو مطلوب منه ان يكون رجل يتحمل المسؤليه

 

[vogue grl]

خطأ ودليل في واحد معروف مومن اهلنا من اهل رفيجتي يصير لها ....اهوا عنده خرابيط قبل وشيطان ومومريح امه والله يعلم اذ عنده سوالف ثانيه او مأذي بنات خلق الله وداعيين عليه
الانه هل شي طلع عليه كل مايتقدم يرفضونه الانه ريحته فايحه بين رياييل مايأمنون يزوجون بناتهم له
وسبحان الله دنياااا
الله يهديه ويعقل ويمشي بطريج صح ويصحح اخطأئه ويتزوج بنت تغيره للأحسن ويثبته امين

 

[سنجوبه]

رد : هل صحيح الرجل ما يعيبه شي؟!!!!!!!!!!!!!!!

قوه حبيبتي ( مو ) شوفي الزواج لازم ايكون في توافق من جميع النواحي العمر وايد مهم

وانا ما اييد طبعا شنو يعني الريال ما يشيل عيب لا ايشيل عيبه ونص كافي عمره 50 ههههههههه

هذا اكبر عيب :krkrkr:

 

[đeɱɛɼɑ™]

أوافِق غدا ً القاك ب رايهَا قلبا ً و قالِبا ،

وتَرى مو كِل الريااييل نفس الشَاكلَة
بعضهم يبيهَا ملتزمَة وعلى خلق ما هَمه الجَمال و انا شَاهدة على كذا زيجَة مِن هَ النوُع ​

 

[جوانا2010]

رد : هل صحيح الرجل ما يعيبه شي؟!!!!!!!!!!!!!!!

ضد هذا الشي ..........الابعضهم فيهم عيوب
اهم شي دينه و اخلاقه وسمعته ..........

وترى موكل الرجال همهم الجمال فيه رجال يبونها ملتزمه ومن عايله طيبه.......
وبالنسبه للعمر ماشوف انه ضروري بس عاد مايكون فرق كبير
اما 20 وهو50 لاصراحه مره فرق ومافيه اي توافق في الافكار........

 

[مو اي شي]

رد : هل صحيح الرجل ما يعيبه شي؟!!!!!!!!!!!!!!!

حياكم الله كلكم نورتي موظوعي سنجوبه:rerrerek:
وانا الصراحه اشوف انه الريال فيه عيوب مو بس المهم معاشه ويصلي والا لا ، فرظا يصلي بس ماكو اسلوب يحاجيج نفس ما يحاجي الخدامه عادي مثلا؟؟؟
وبعدين مثل ما هو يدور جميله البنت بالمقابل بعد تبي تقابل ويه سنع تصبح بويهه يعني البنت مالها نفس؟؟؟ مو آدميه مثلا؟؟؟؟!!! انا ما قلت ملك جمال بس نفسيا وبدون لازم تتقبلين شكله لازم القبول يكون موجود بين الطرفين، ساعات تكون وظيفته يمكن زينه ومعاشه زين ويصلي بس مثلا يوم شفتيه ما ارتحتيله ، يعني في ناس مو جميلين بس ويهه بشوش مو شرط جميل بس المهم شكله تتقبلينه ، والا هو بس زوج والسلام؟؟؟!!!

 

[مٍلإيٍـٍـٍنّ<~]

رد : هل صحيح الرجل ما يعيبه شي؟!!!!!!!!!!!!!!!

بصراحهـ هالمقوله بطت جبدى واكييد مأيدها وارفضها جملتن وتفصيلا

 

[m-3atboha]

رد : هل صحيح الرجل ما يعيبه شي؟!!!!!!!!!!!!!!!

ريال مو حلو عمره 50 وانتي عمرج 20 يقولج يصلي واخلاقه زينه ووظيفته راتبها زين ، هل توافقين عليه

شي أكيييييييييييد لأ ..>>العمممر مآ ييسسسآعد



شوفي أهم الريآييل قوآمون عالنسآء
بسس أنتي أخذيهآمن مجتمعنآ
أذآ البنت غلطت ذبحووهآ حتى لو تآبت شيفيد
اذا الريآل غلط عآآدي هذآ ريآل مرده بيتزوج و بيعقل و حتى لو مآ عقل عندهم عآدي و و يحطوونهآ عالزووجه أهيآ اللي مآ مسكت ريلهآ


بمسلسل ليلة عيد يوم غآنم غلط مع حيآة الفهد الأابو و اهوا يتكلم مع مرته جدآم ولده غويينم قآل حق مرته بككل بروووود : لا تنسين اللي سوآه غآنم ببنتهم
حسسني آنه غآنم مآ سسوآ ششي ابييييه يقهر> طلعت برآ الموضوع

و بسسسسس

 

[*لبيه*]

رد : هل صحيح الرجل ما يعيبه شي؟!!!!!!!!!!!!!!!

والله هالمقوله ما يقولها الا الجاهل والتافهه ..

وانا ضد مليون بالميه ..

ليش الرجل مو انسان لازم يكون محترم مثقف خلوق عارف دينه اللي له واللي عليه شلون بيتزوج باجر ويفتح بيت ويكون اسره اهو مو قد هذا كله ..~ شلون بيحافظ على بنت الناس باجر لاتزوج ..~

هذي المقوله مرفوضه واعتقد الكل اللحين صار واعي بهالمسأله وعارفها ..~

 

[مو اي شي]

رد : هل صحيح الرجل ما يعيبه شي؟!!!!!!!!!!!!!!!

شاكره مروركم حبايبي

لا وفي مقوله ثانيه بعد تبط الجبد تقول :

( الريال ما يعيبه الا جيبه) ليش متزوجه جنطه مثلاً؟!!!!!
هههههههههههه

محد مخرب الرياييل وومقويهم علينا ويتمادون بالغلط غير هالمقولات الدايخه اللي اغرسووها براسهم اهلهم من الصغر
التربيه بالاساس غلط لا تلومون الريال لا طلع ما يسواا بيزه :rgewrg:

 

[مستغانميـة]

رد : هل صحيح الرجل ما يعيبه شي؟!!!!!!!!!!!!!!!

ههههههههههههههههههه لووووووووووووووول اهم شي ان متزوجه جنطه لوووووووووووووووووووووول

ولا اللي باط جبدي ان احنا لي تزوجنا ريال في شي غلط ولا عيب واحد قالولج المره تسنعه ماخذني مره ولا امه !!

واللي يبط الجبد اكثر لما الريال يلقى عالبنت عيب واحد يروح يتزوج غيرها

والله اعرف واحد من جماعتنا تزوج على مرته عشانها بس اطول منه ولو احنا الريال اقصر منا اكلنا هوا ورضينا وسكتنا !

 

[بنت شيخ]

انا عن نفسي ما اييدها بس ثقافه المجتمع اهي اللي ذبحتنا

الاسلام يوم حرم اشياء حرمها ع الرجل وع المراه

مثل الزنا ولعب بشرف الناس

هدا حرام سواء كان رجل او مراه

والرجال باخلاقه وايمانه

 

[بنت شيخ]

انا عن نفسي ما اييدها بس ثقافه المجتمع اهي اللي ذبحتنا

الاسلام يوم حرم اشياء حرمها ع الرجل وع المراه

مثل الزنا ولعب بشرف الناس والخكر

هدا حرام سواء كان رجل او مراه

والرجال باخلاقه وايمانه

يعني لما رجال بيروح يخطب واسالوا عنه ودرووا انه راعي خرابيط !!! البنت بتوافق !! طبعا لا

بس المشكله واحنا مع التطور والتكنولوجيا للحين هالمقوله نسمعها ويايدوونها لانه للاسف مازلنا احنا بمجتمع ذكوري

 

[نآعِمْ آلعُود]

رد : هل صحيح الرجل ما يعيبه شي؟!!!!!!!!!!!!!!!


أكثر إنسانة تعارض هالمقولة [ أنا ]

و على فكرة الجنسين يبون الطرف الآخر فول أوبشن على قولتج

بس الرجل أجرأ و أوضح و فيه نوع من الأنانية

أما المرأة صفات الفول أوبشن في الرجل بالنسبة لها مجرد أحلام اليقظة تستمع فيها بينها و بين نفسها فقط !

ضعيفة و راضية بأي رجل طالما هو موجود

أكبر دليل الخيانة الزوجية أو المشاكل الزوجية ، المرأة تسامح و لو كان هالرجل و لا شي لا شكل و لا وظيفة و لا أخلاق

و الرجل يطلق على طول بدون تفكير

و حتى بحياتنا ، أي مرأة حياتها تكون متعلقة برجل

تعتني بنفسها عشان الرجال

طلعوا من الهندسة و الطب عشان السي السيد ما راح يقبل بوحدة مثل مكانتها

مستعدة تسوي أي شي و لو فعل الحرام مع زوجها بالفراش عشان ما يفكر بغيرها

للأسف مجتمعنا مجتمع تحكمه بعض العادات و التقاليد الجاهلية السطحية و منهم مقولة :

الرجال شايل عيب !

و بالخط الأحمر أقول أنا بكلامي هذا ما أعمم إنما أتكلم على فئة الأغلب أو فئة الظاهرين و من واقع شغلات شفتها بعيني و أخيراً رأيي الشخصي و أحترم كل وجهات النظر المعارضة و الموافقة

 

[sweet.sanfoora]

سخافة مجتمعية ! نعم يعيبه اذا كان لا اخلاق ولا صلاة اكيد يعيبه
اي يعيبه اذا كان راعي خرابيط اي يعيبه اذا كان يسكر اي يعييبه اذا ما كان رجل بمعنى الكلمة
اي يعيبه

تنرفزني هالجمل اللي تنم عن جهل !

وبثثثث

شكرن

 

[باربية الكوووويت]

ضد هلمقوله اكيد واهوا المجتمع الي مطبق هلجمله


امن بالنسبه لي ولكل بنت عاقله ماظن توافق على سكير وراعي بنات وخرابيط ولا يعرف ربه على بو الريال مايعيبه شي


يسلمووو

 

[إيطالـيـة شقرا]

رد : هل صحيح الرجل ما يعيبه شي؟!!!!!!!!!!!!!!!

ضد هل مقولة مليون مرة !! شنو الريال مايعيبه شي شسالفه شنو بس اهو يبيه حلوه ؟ يبيها رشيقه ؟ وكيت وكيت وكيت

شنو اهيا مالها رب ؟ اهيا هم تبي واحد خايف الله يصلي يصوم يعرف الحلال والحرام من حقها

شنو اهو يبي وحده تخاف الله واهو مايصلي ولايعرف يحلل ويحرم عشان بس اهو ريال شهل مصخره والتفاهات

لا والف لاااا بعد الريال يعيبه ويعيبه !! يعيبه اذا كان راعي سوالف سمعه مايعرف الله اخلاقه قلبه وايد اشياء

وشاكرتلج حبيبتي علي طرح الموضوع

تحياتي .. إيطالـيـة شقرا

 

[Miss Invisible]

اكيد ضد