هل حركات العطف والحب من الرجل للمراة تعني انه من أشباة الرجال

[mahawe]

السلام عليكم يا أحلا بنات بنات الكويت ولاهانووووا باجي البنات :eh_s(9):


الموضوع ومافية خلال بحثي في النت طحت على موضوع عن أشباة الرجال ولمن دخلت لقيت كل الي كاتبين ردود يحقرون بالمرة وأن أهية الي تخلي الريال يوصل هلمستوى وأذكروا شخصيات تارخية من رجالات دولة خربو حريمهم عليهم بدافع الحب ومنهم (السلطان سليمان القانوني وجاريتة الروسية روكسلانة (هيام) والي خلتة يقتل ولدة وأعز أصحابة .

بس في شغلات يسويها الريال للمرة بدافع الحب جدام الناس وفسروها أن هالتصرف معناتة أن مو ريال مثال هذا الريال شوفو شنو كاتب (مره كنت في البحر و لقيت ريال قاعد على ركبه و يمسح رجيل زوجته او حبيبته من الرمل !!!
انصدمت من الحادثه و قلت معقوله في رجال يسوون جذي ؟
ماقدرت افسر الموقف صراحه ...
قد يقول البعض انه الحب
و سوف ارد عليهم بأن لو كانت تحبك لما جعلتك تهين نفسك امام الناس سواء مخير كنت ام مسير و تمسح رجلها ..)
شرايكم في الموقف ككل ؟وشرايكم في كلامة ؟
وهل أذا الريال سوى هالحركات يعني مو ريال ؟

من وجهة نظري أشوف ان مافيها شي الريال يظهر حبة حق زوجتة مو معناتة أن مو ريال .:bbbiu:

نبي ردوود ومناقشة ومشاء الله مناقشاتكم حلوة.

 

[mahawe]

رفع

 

[Lena]

نحنا عايشين بمجتمع خليجي محافظ جدا و مو عايشين لوحدنا عايشين وسط ناس
لازم كل واحد يراعي المجتمع اللي عايش فيه و عاداته .. ع الاقل هاذا اللي انا اشوفه
و الرجل الشرقي عموما بطبعه فيه كبرياء يصعب عليه إنو يظهر حبه و يعبر عنه لهالدرجه
ولو انا متزوجه مارح اسمح لزوجي يعمل هالحركه حفاظا ع هيبته قدام الناس مو الكل بيفهم
يعني تخيلي انتي زوجك بيعملك هالحركات قدام امه و لا اخواته .. تتوقعي شلون بتكون رده فعلهم؟
اكيد بيحتقروك و يكرهونك و يعتبرونك تهيني ولدهم .. بيني و بينه و بعيد عن اعين الناس ايوا عادي
لكن امام عيونهم لا .. انا هيك رأيي

 

[mahawe]

بس في ناس على كل شي يعلقون حتى على مسكة الايد ولا حط أيد على جتفها بالمقابل لمن أنسافر أشوف الناس مالها شقل بحد وهذي شقلات بسيطة أحس المرة بكتها تحس أنها مهمة بالنسبة حق ريلها وشي حلوو مو أذا بتمسك أيدة ينحاش كيلو عنهاا يعني أهية مرتة بالحلال .

 

[mahawe]

وغير هذا شلي خرب علينا غير نظرة الناس وتفكيرهم الرجعي

 

[sh_mashael]

يعني اذا ما حب مرته و عطف عليها و حسسها بكيانها و بقيمتها

منو بالله بيحسسها بهالشي

احلى شي حب الرجل لإمرأته قول و فعل


شكراً

 

[Perfume]

حبيبتي انا رايي من رايج
مافيها شي انه الريال يبين حبه لزوجته قدام الناس ويخدمها ويساعدها بالعكس هذا دليل انه بينهم مودة ورحمة والعكس صحيح لو الزوجة تخدم زوجها وتقدره قدام الناس مو معانه انه يذلها ويستعبدها
لكن للأسف مجتمعنا هذي نظرته أي زوجين بينهم حب او اذا شافوا الزوج مايرفض طلب لزوجته قالوا سكانه مرته !! وهالشي غلط

 

[el.naz]

اصلا الريال الي جذي اعتبره مثال للرجوله لان حنون على مرته ويحبها ومايقدر يقاوم حبها بس هني حسد اللهم يا كافي مايخلون احد بحاله تلقين يتكلمون فيهم سنه لي جدام
بالعكس اصلا الي يدلع مرته يكبر بعيني بس اهني عندنا يصير يذمون فيه من الحره ووتلقينهم بقلبهم ودهم بريال جذي

والله يسخر كل زوج لزوجته يارب
ويعطيج العافيه

 

[mahawe]

^^^^^^^
كلام 100%

 

[غلآ نوآف]

انا برايي مافيها شي بالعكس وااااايد حلو ان الريال يهتم بزوجته ويداريها ويدلعها بالذات اذا هي قايمة بواجبها وتحبه وطيبة
لكن في اشياء لازم نراعي فيها الناس خاصة بالاماكن العامة او المكشوفة امام الجميع
ليس لانها غلط او لانه عيب
بس تجنبا لنظرة الناس النفسيات الي ممكن يفسرون بعض التصرفات او الشغلات ع انها ضعف بشخصية الرجل او ان زوجته جايبة راسه
وايضا تجنبا لبعض القلوب الرديئة الي قد تصيب بالعين من حسدها
ومراعاة للارامل او العزابية او المطلقين الي ممكن يرون مثل هذه المناظر التي تبعث ع الحسرة والتمني
لانهم يعانون من الفقد وقد تقلب عليهم مواجع وذكريات

ف لهذا السبب
اذا راعى الشخص مشاعر الناس
سوف يصل الى مراتب عالية جدا من رقي الاخلاق

 

[حبيبي مالكني]

هاي الناس المتخلفه
الريال حلو يكون حنون مع اهل بيته
الرسول عليه افضل الصلاة وسلام كان حنون مع زوجاته ويدلعهم ويعطف عليهم

وتذكرت موقف حق امير قطر لما نكسر كعب حذاء زوجته الشيخه موزة
وايد الحركة كانت روعه يوم قعد على ركبته يشوف جوتيها
بالعكس هالحركات تدل على انه ريال حنون ويحب زوجته ويقدرها

 

[شانيل 5]

أكيد شي مهم سبحان الله شوفوا الرسول صلي الله علية وسلم شلون كان يقدر زوجاته

 

[دلوعة أبوهآ]

للأسف تفكير اغلب العرب والخليجيين
ان الرجآل لازم يكون شديد وعصبي واخلاقه ماتسمح له بهالشي ..
واهم شي انه مايتناقش في اي شي ..

نسوآ انه رجآل وله قلب وعاطفه ويحب ويحس
اذا الرجآل ماهتم وقدّم الحب والحنان والعاطفه والرومنسيه لزوجته وبيته وعياله راح يسوي هالشي لمين !!!!

بعض الرجآل ينحرج يسوي هالشي قدام زوجته عشان لآينزل من قيمته قدامها
بس في المقابل يكون بيخونها ويسوي هالشي مع حبيبته ..

هذا لان تفكيرهم ومجتمعهم حكم عليهم بالقوه والشده بعيد عن الحب والرومنسيه

 

[Patcholli]

يعني لازم يكون اقشر ونفسيته خايسه ولا فيه ذره اخلاق ولا احترام عشان يصير ريال ؟؟

@@

 

[نونه المنكوشه]

بالعكس احلي شي يكون الريال حنون ويخاف الله في مرته واهل بيته وانا بنظري الناس اللي تنظر لهشخص انه اذا سوه جذي موريال معناته في خلل في مخهم اوناس متخلفه لانه اطهرالبشر صلي الله عليهم وسلم كان حنون لاهل بيته ويدلع زوجاته واهوه قمه بالرجوله والشخصيه القويه وفتح فتوحات وقائد الامه لكن وين اللي يفهم هالحجي واصلا في حريم اذا سوالها جذي داسة ع راسه يعني لازم يصكها كف ويدوس ع راسها علشان تحترمه