هل حالتي صعبه تستدعي الطلاق و الا انا اتدلع ؟ قطوها بويهي كاااش

[هب العطر]

السلام عليكم
انا وحده من ربع هب العطر و رفيجاتها المقاريد هههههه

وليد مرات تكلمت عن مشكلتي مع زوجي

انا اللي اخذني من اهلي سكيتي بكيتي

زوجة البخيل ولد امه

كتبت موضوع بعنوان انتو اخر مرحله لي قبل الطلاق


خواتي

وضعي باختصار مع زوجي


الايجابيات
حنون بتصرفاته ( عاد مادري صج و الا تمثيل )

يتحمل مسؤوليه يودي و يجيب و يشيل و يحط

ما يغازل ( يمكن لانه بخيل محد يبيه )

ما يشرب و لا يدخن

يصلي بالبيت و صلاة اليمعه بالمسيد


السلبيات

بخييييييييللللللل حتى على نفسه هدومه ما يغيرهم من سنه يدي

بخيل علي انا : ماكو مصرف الا 20 دينار بالشهر و عقبها لو اموووت ماكو ولا 5 فلوس

لدرجه حتى لما نطلع انا وياه بسيارتي و نروح نحط بانزين ولو بنص دينار يقول عطيني

اي شي لو بأي مبلغ خربوطي ايي اشكرا يقول ابي بيزات

ما يدفع عني و لو من باب المجامله

اذا عزمني على مطعم يطاااالبني بعزيمه و بمطعم اغلى لين كرهت السالفه

مع ان انا اكرمه من باب الذرابه و كسرت العين ابيه يستحي

بس ابد ؛ جععععص و عينه قويه بالجعاصه و كله ما عنده ما عنده

غير الايجار و الماجله بححححح ماكو شي

ولا حتى يتقاطط معاج ؛ انسي




انتقلت الجعاصه لبنتي
ماااا يشتري لها الا الحليب و الحفاظااات بسسس

لا ملابس و لا اغراض
حتى السرير نومها على سرير قديم و رب الكعبه

و كل شوي و الثاني يمدح نفسه انه مو مقصر بالفلوس


الشي الثاني
شكااااك + انطوائي ما يحب اهله و لا اهلي و لا يبيني اخالط احد
يقول لاهله كلام خايس عني عشان يكرهوني
و اي احد من اهله يحبني يحاول يفرق ما بينا و سواها و نجح
اتكلم بالتلفون مع اهلي يطلع عارف شنو انا قلت
يعني حاط تجسس
اتكلم بسيارتي مع اهلي اللي يطلعون معاي
الاقيه من غباءه يفتح نفس الموضوع اذا شافني
شكيت حتى بسيارتي
و الله ان اول زواجنا كان يقول لي شنو ترتيب الخلطات اللي احطهم لا تسبحت
يعني هذي قبل و بعدين الكريم و بعدين السنفره
!!!
تالي لاحظت انه ما يستعمل الحمام اللي بالغرفه الماستر
و انتو عاد حزروا فزروا ليش

و رب الكعبه ما اجذب


الشي الثالث
النصب
نصااااااااااااب و بلاع البيزه
يدور الفلوس بالتفق
غسال سيارتي معاشه 5 دنانير هو يقول لي 7 عشان يقبض الدينارين
سيرفس سيارتي يوديهت عند واحد رفيجه و انا ادري
و اييب لي فواتير عشان ادفع فلس فلس
و يا عالم هل الثمن صحيح و الا وهمي !!

عنده ربع بكل مكان : بنشرجيه راعين مطاعم راعين تلفونات مكاتب خدم
بكل مكان متمصلح معاهم و يمشون شغله
و انا ضايعه

عبالكم اهله غير !؟
لا
اكييييد مثله

العيب الرابع
ولد اممممه
الام النسره البخيله اللي رضعته البخل مع الحليب
24 تتصل عليه او واتس اب
و اول ما يتهاوش معاي اول شي يسويه يتصل عليها و جدامي

نصبوا علي و قنعوا خدامتي انهم بيعطونها معاش اكثر
الخدامه جك بم انقلبت علي و صارت ما تشتغل
اثاري العيوز طلعت توزها لان انا يوميا اخلي بنتي و خدامتي عندها لما اروح دوامي
الخدامه طفرتني و طردتها

جان يقول لي : امي تبيها

و يوم وافقت و عطيتها الخدامه بسعر زين علبونه بحسبة امي

جك بم قالوا لي الخدامه انحاشت

طلعوا محولينها و بايعينها

تكفون شفتوا اخس و العن من جذي ؟؟

تابع

 

[هب العطر]

ما يبي و لا واحد من اهلي يوطوط البيت

صرت اييبهم غصبا عنه و من وراه

و ليل نهار اييب سيرتهم انهم جذابين و يوصلون كلام و ينشرون اخبار

و الكل يدري ان البلاوي كلها منهم و من اهلهم مو من اهلي

اكره ساااعااات دنياه اذا واحد من اهلي اتصل علي تلفون
يطق
يموت
ينفجر


الشي الخامس
ماااااكو رومانسيه اطلاااقااااا
بس شاطر يقول لي اني بارده و اني ما اتفاعل معاه
مو مستوعب انه خنزير و ما ينحب

يبي مني اشياء الله ما يرضى فيها و لا تقبلها فطرتي السليمه
و يقول تراها حلوه و انا مجرب
قصده مع طليقته ام عياله !!

ساومني مره ادفع معاه بالمصرف او يكون الشارع مكاني
و رفضت
و شال بيتي باللي فيه !!
و قال قعدي عند اهلج انتي و بنتج
يوم بلغوه اني بتطلق
طق بريك
و ياب اخوانه يتعذرون من ابوي
و بالغصب بالموت رديت له

يوم رديت لقيت البيت فاضي و نصه بدون اثاث
قال ما عندي اشتري
نص البيت بدون زوالي و رب الكعبه
لا اغراض
و لا شي
و انا من خوفي من فشلتي جدام اهلي رحت شريت
قلت امشي الموضوع

بس طلعت خباياه اكثر و اكثر


الحين انا معزمه ع الطلاق 100%
ماااا بإذني ماااي

بس اييني شعور غبي
اغبى من سؤالي بعنوان الموضوع
اقول يمكن انا دلوعه


تكفون عطوني الكلام اللي يشق العين شق
لحد يرحمني
تكفييين انتي وياها ابي طراااقااات على ويهي بالكلام

و بدعي لج

 

[هب العطر]

اوله خخخخخخخخ

150 مشاهده بلا رد


ما الومكم خخخخخخخخخخ

بس و رب الكعبه محتااااااجه وحده تصحصحني بكلمة الحق

و رب الكعبه ضاااااايعه

 

[اميره بكلمتي]

لاوانتي الصاجه العيبه منه اهو دامه بخيل وهاذي سواياه ليش يتزوج ولد امه !

 

[غصوون]

ليش ماتجربون تروحون استشاارات مكتب الانماء وغيره يمكن الله يهديه . استغفري وادعيله بالثلث الاخير من الليل. وترا ثلاث ارباع المتزوجين بالكويت عايشين مع بعض برستيج ومحد متحمل الثاني عديه ابجوره وجوده مثل عدمه وعيشي من معاشج وربي بنتج اسمها تشوف ابوها لاااكثر ولااقل دام مايطقكم نعمه الحمدلله . وايد رياييل غير مصرف الجمعيه ماكو ولا يمشي معاش حق زوجته وعياله ولامسؤول عن لبس عياله واقولج هالشي من واقع امثله وايد بحياتي ولا لج شغل باهله واهلج اذا بتشوفينهم زوريهم مو ضروري اييون لي عندج لاتعاندينه باختصار لاتتطلقين قعدي عنده وعديه موموجود .

 

[دقات قلب ميته]

والله مادري شنو انصحج فيه الا انه للاسف طبعه لا يطاق وحاولي بكل الطرق لا تحملين عشان لا يزداد التعب عليج

وبالنسبه للطلاق انتي قرري اذا مستعده للانفصال وظروفج تهيئ لج المعيشه الافضل عند اهلج واهلج مقتنعين بطلاقج

ومستعده تجابلين بنتج وتعوضينها وتكونين لها الام والابو بنفس الوقت توكلي على الله

والله يعينج والله محد مرتاح لكن الي يشوف مصيبة غيره تهون عليه مصيبته.

 

[زبــــــــدة]

استغفر الله بس لو انا مكانج اتطلق

ماتحمل جذي انسان !!!!

الله يعينج بس اهوا الطلاق صعب بس مادري مادري

 

[مايو95]

والله مادري شنو انصحج فيه الا انه للاسف طبعه لا يطاق وحاولي بكل الطرق لا تحملين عشان لا يزداد التعب عليج

وبالنسبه للطلاق انتي قرري اذا مستعده للانفصال وظروفج تهيئ لج المعيشه الافضل عند اهلج واهلج مقتنعين بطلاقج

ومستعده تجابلين بنتج وتعوضينها وتكونين لها الام والابو بنفس الوقت توكلي على الله

والله يعينج والله محد مرتاح لكن الي يشوف مصيبة غيره تهون عليه مصيبته.

انا معاها

 

[نجمة فجر]

حطي سلبيات طلاقج في كفه وايجابيات الطلاق وشوفي قدرتج

كل وحده منا لها قدرة تفرق عن الثانيه

شوفي قدراتج انتي

هالرجال بتجيبين منه عيال بعد
بيصرف عليهم
على دراستهم
بيزوجهم
بيأمن مستقبلهم
بيقوم بدوره كأب

وشوفي اللي يناسبج

 

[3tebeya]

اذا بتردين بيت اهلج معززه مكرمه ولج مكانج انتي وبنتج ولج استقلالية الشي
قبل كل شي خلي عندج فواتير ان انتي اللي تشترين لبنتج وكل شي تشترينه بالبيت لو تقطين فلس حمر احتفظي بالفواتير
ضمني حقج وحق بنتج
تاااااالي شلعيه بفنقر بعد
نعم ؟! هذا ريل ولا رفيجه
حتى الرفيج اكرم منه ؟
اذا تقرين كلامي
روحي لمحمامي شاطر يعلمج شتسوين عشان ما يحاجج وياخذ البنت ابيط شي الفواتير لا تقطينها

 

[noo7a]

الله يعينج
البخل طبع و صعب صعب التخلص منه
خاصه بعد وراثه يعني متربي عليه من الصغر

ودي اقولج عشان البنت الي بينكم حاولي تستحملين و تحاولين فيه و تعطينه فرصه و فرصتين و عشر
و هم أخاف لي صبرتي عليه يضيع العمر عالفاضي :\

القرار صعب وانتي بس الي تقدرين تقررين
و لازم يكون جدام عينج بنتج بكل قرار تقررينه

والله يعينج و يصلح امره و يسخره لكم

 

[فوزيه الراسي]

روحي ياخيتي حق محاميه او محامي اتبعي خطوه خطوه معاهم بدقة تضمن حقج وحق بنتج وتنخلعين منه فراقه غنيمه هالجعص الله يحفظج ويرحم حالج

 

[جوري 2007]

يابوووووي هذا منو يستحمله