هل تنصحون بالحلبه للطفل الرضيع..

[الماسه حساسه777]

السلام عليكم ورحمة الله وبركاته


خواتي العزيزات والامهات ...

سؤالي ابعرف الحلبه هل تنصحون بالحلبه للاطفال الرضع؟؟

انا عندي ولد عمره شهر وانصحتني بنت بالحلبه تقول احطها مع مطارة الماي مالت الحليب وسويتها احس ولدي يطلع منه غازات ويقولون انها صحيه له ..

بس سمعت فيه ناس يقولون موزينه؟؟

عشان جذي ابعرف الله يجزاها خير اللي تنصحني وتنصح اللي مثل حالتي لان ولدي صغير وابيه يكبر ..

وشكرا

 

[هيبه ملكـ]

والله انا انصحج فيها انا استخدمها لولدي الحمدلله تغير عليها حيل

 

[Coffee-Girl]

طفل عن طفل يفرق

انا كانت اتيب لبنتي الاسهال

 

[*ماي الورد*]

رد : هل تنصحون بالحلبه للطفل الرضيع..

ما جربتها

بس لمن بحثت بالقوقل

ينصحون بس بعدد من الحبات ما تزيد عن 7

و الحلبة زينة للبلغم و الكحة

 

[روحي المملكه]

رد : هل تنصحون بالحلبه للطفل الرضيع..

ما انصحج فيها


كل اللي جربوها سببت لهم ربو

لاتصير محطة تجارب للغير...

 

[+بسبوسة+]

عاد انا خبيرة بهالسالفة

شوفي حبي...
انا من كنت صغيرة معاي ربو ولا فاد فيني الا الحلبة وايد وايد فرق

لدرجة ان الحين حمدالله مافيني شي..

كانت امي تشربي استكانه حلبة خفيفة كل يوم بالشتا على اساس يلا تعالي جاي:d

وعيالي واحد منهم كله كحة وبلغم كنت دايما اشربه حلبة وبابونج كل يومين او مرتين بالسبوع ولاحظت صج يرتاح

حتى مرة سألت طبيبة قالت لي ايه

زين تسوين..

بس وين المشكلة مرة كنت عند طبيب ثاني قالي الحلبة للبنات زينه بس للأولاد لا..

تأثر على الخصوبة والحيوانات المنوية..كثرتها..

فقلت له يعني اقطعها؟؟

قال لا..بس قللي منها كثر ماتقدرين بس اذا زادت الكحة عطية
واستمري على البابونج طبعا مخفف

اذا كان ولدج عمره اكثر من سنة خلطيه مع عسل واذا اصغر لا...


وحاولي كثر ماتقدرين تقوين مناعته

ولاتصدقين اي احد يقولج يحتاج كمام..

لان اغلب الحالات كانت البداية كسل مشترك من الطبيب والام لاعطاء الطفل كمام لانه حل سريع
وبسرعة يطيب الياهل على حساب مناعته...



وماتشوفون شر ياربي

 

[الأميرة جوري]

رد : هل تنصحون بالحلبه للطفل الرضيع..

موووووووووزينه تسبب حساسيه بالجلد وبقع حمراء

 

[مجنونة ولدها99]

ديري بالج من الحلبه حق الولد قبل البلوغ تزيد من هرمونات الانوثه عنده
بس بعد البلوغ مامنها مضره

 

[مجنونة ولدها99]

ديري بالج من الحلبه حق الولد قبل البلوغ تزيد من هرمونات الانوثه عنده
بس بعد البلوغ مامنها مضره

 

[الماسه حساسه777]

ولدي عمره شهر عطيته امس

تنصحوني اقطعها؟

 

[الرها]

نصيييحه لالا تقطينها عنه

على الاقل 3 مرات بالاسبوع
وبالرضااعه الصغيرره يعني 3 ارقاام
تخلي عظمه قووووي

 

[الماسه حساسه777]

اوكي يعطيكم الف عافيه

 

[هيبه ملكـ]

انا احطها بالمطاره حقت الماي

 

[اوراد وبس]

هي طارد للبلغم بس لاتكثرين منها خير الامور الوسط

 

[zain-alq8]

بصراحه عطيتها لولدي الله وكيلج ثاني يوم بالمستشفى مو منها بس زادت الطين بله وللحين انا بالمستشفى صار فييه التهاب بصدره وزاد الاحتقان

 

[الورود2009]

والله حبيتي البيبي عن بيبي يفرق وكلن وله صحته اللي الله وهبها له
يعني انا عندي بنتي البجريه لما جربت احطلها حلبه بالمطاره قبل ,, مامشى كلش معاها..زاد الغازات البطن عندها وتعبتني معاها حيل ليمن قطعتها منها صارة اشوى اشوي

 

[دمثة]

تهبل تقوي العظيم والمناعه ورووعه تحطين 7 حبات بمطارة الماي للحليب او استخدامة وتهبل ولا تزيدين الحلبه عن 7 روعه نصيحة روعه

 

[KOKO_284I]

رد : هل تنصحون بالحلبه للطفل الرضيع..

حق الغازات ماي غريب

او يبيله من الصيدليه دوا اسمه غاز

عجييييييييييييييييب كله اعشاب وينعطى حق الياهل من الولاده

 

[الماسه حساسه777]

بصراحه انا خايفه على ولدي وبحطها يوم وترك

وبحطها بالمطاره مالت الماي مثل مانصحتوني سبع حبات

والله يجزاكم الف خير يارب

 

[دلال العلي]

انا ولدي من ولادته للحين ما استغني عنها بالمطاره سبع حبات

والحمدالله مافيه الا العافيه