هل تعاملي مع الطالبات غلط؟؟

[المحرومه84]

انا احترت بطريقة التعامل مع الطالبات طريقة تعاملي مره اشد مره ارخي والحصه ماشيه تمام بس بعض الاحيان امزح مع البنات بطقه خفيفه عالكتف شافتني مدرسه وقالتلي لاتضربين البنت والغلط الوحيد الي سويته في الاسبوع الي طاف ان قلت حق طالبه انتي قليلة أدب ما ادرسها يايه من صف ثاني تدور بالصف عندي وتضحك البنات:bbbiu: الله يعين عالمهنه الشاقه

 

[قلب راشد]

لا غلط ولا شي دام مره تشدين ومره ترخين وتضحكين معاهم واهم شي يحترمونج وفي بينكم حدود

بس ابتعدي عن الالفاظ الغير تربوية حتى اللي مو بصفج

ومووفقه يارب

 

[المحرومه84]

غير تربوية صج احاول ابعد عنها بس نرفزتني مو راضيه تطله وقايلين لي لا تلمسين ولاتزفين البنات شلوووووووووووووون

 

[الجوهرة الغالية]

والله ياختي هالمهنه يبيلها قلب شكبره ويبيلها طووووووووولة بال وووووسعة صدر ،،،

من خلال تجربتي وخبرتي في بنات الثانويه ان هالسن سن الاقتراب من تكوين الهوية للطالب يعني مرحله فيها اضطرابات في الانفعالات والسلوووووك يعني ليما الحين الشخصيه عندهم ماهي واضحه الملامح ميه بالميه

يعني بمعنى اخر الطالبه احياناً تحب تسوي سلوكيات تخلي الابله تنرفز منها علشان تقول حق رفيجاتها ان خليتها تعصب وضغطتها

فأحسن طريقة تتبعينها احيانا التطنيش والعقاب احيانا بطريقة الضحك معاها يعني البنت اللي دخلت الصفوشفتيها تضحك البنات جان حاولتي تمسكينها من ابيدها وبكل هدوء تقولين لها روحي حبيبتي تسهلي ليما توصلينها عند باب الصف اذا شفتيها تمادت صكي الباب وراها وخليها واذا تمادت اكثر قولي حق رائدة الصف روحي عند الوكيلة وناديها علشان تشوف هالبنت اللي منحاشها من حصتها ،،،،

البنات اللي بالمتوسط والثانوي ماينفع معاهم الشدة ع طول ولا الرخا ع طول لازم يكون فيه مد وجزر يعني العقاب والثواب والشدة والرخا ،،،،،وتصدقيني بالهالطريقة تفرضين احترامج ع الطالبات وتكسبينهم ويحبونج وماراح ينسونج ويحبون مادتج ويتقبلون النصيحه منج وبالتالي يكون تأثيرج عليهم أقوى ،،،،

ابتعدي ابتعدي عن الالفاظ غير التربويه (قلبلة ادب -ماتستتحين -مو متربية وغيره وغيره )اللي للأسف بعض المعلمات يقولونها ،،

 

[المحرومه84]

شكرا حبيبتي عالنصيحة أنا أدرس متوسط سادس مقبولين ثامن فيهم قمة النشاط والتصرفات الغلط متجمعه فيهم

 

[PuPa^^SWeeT]

هالمهنة يبيلها وحدة ماتشيل بقلبها



صراحة


يبيلها وحدة اتدير صفها عدل و لا تسوي صداقات مع البنات ولا شي


مجرد صفها اتدرسه


بدر منهم تصرف خاطئ اتعصب اليوم الثاني

كانها مسوية فورمات لمخها



لانه لو الصف مشااغب صراحة اييني القااامت وانا بدشه



و بشرحه و اللي جاوبت صح رغم قلة ادبها باضطر اقولها ممتازة



صراحة احس المهنة واايد شااقة


احبها موووت



بس واايد متعبتني

 

[جيتك تعال]

حبيبتي ... من خبرتي مع الطالبات ... تحاشي انج تجرحين كرامة الطالبة

تدرين ليش ؟ ... لانها بترد عليج وساعتها والله لو علقوها من ريولهاا ما رااح تشفين جرح كرامتج

الطالبات بكل مراحلهم وخاصة هالجيل اليديد صاير عصبي ويبي الهواش فليش توصلين معااهم لدرجة الند

وعمر الطابة ما تكون ند للمعلمة ... عن نفسي ازف وبشدة بعد بس بما يتلاءم مع الموقف ابدا ما اجرح كرامة بنت

وابدا ما اسمح لنفسي باني اعصب لما ازف بالعكس عااادي جدا وبلحظتها اكمل مع بااجي البنات

ولو ياات تكلمني عاادي اكلمها برحاابة صدر لان الي صار صار وانتهى ما اخليه يبقى معااى

عشان جذيه اغلبية بناتي عارفين طبعي واني ما اربط الموقف بالبنت لمدة اكثر ن فترة الزفة وخلاص

اما بالنسبة للبنات براا حصتج هذيل يبيلهم قلب باارد ما يعصب وخلي باالج البنات صايرين اووفر

وما يهمهم المعلم الي ما تدرسهم علشان جذيه طولي بالج وخليج كوول عشاان تقدرين تستمرين

 

[ثلاث نجوم وقمر]

انا مرات اتنرفز واعصب. وأقول لها عبيطة أو شالاستهبال وودي أطق راسها بالطوفة. استهبال وقلة أدب ووقاحة مالها حدود تشرحين الدرس ولا تقولين للبنت بس خلاص سكتي ما اسمع صوت تتكلم مع الي وراها وتقول أبلة شنو ما سويت شي عادي ولا ترسم او تقصقص ورق وتصمغ ولا تحل مادة ثانية اشكره. هل موقفا بيكون سلبي و إيجابي

 

[همسة الاحساس]

الله يعييييينكم

 

[فديت حبوبي]

زين شرايج بنتي بثانيه ابتدائي وتقول لي ببراءه ان الابله قالت نجمة لها ونجمة لخدامتها يعني خدامتي وخلت الصف يضحك علا بنتي ويقول لهاالخدامه تدرسج وانا احترت شنو اسوي وقررت اني اروح للمرسة واطلبها واسالها عن سبب هالتصرف