هل تضر زبدة الشيا الخام مع الزيت زيتون لمن تشققات جسم الحامل ؟؟؟

[التفاحة الحمرة]

السلام عليكم


شلووونكم بنووتات


بنات انا بالشهر الثاني
و ابي ابدي من الحين ابدي احافظ على جسمي
منو استخدمت زبدة الشيا الخام بحملها
و اذا ما تضر ، يابت نتيجة ؟؟
لان يقولون الزبدة مركزة بفيتامين أ اللي يسبب تشوهات الاجنه

بنات منو دهنت بكريم او شي و ما طلع لها خطووط ؟
فيدونا بنات قبل لا يطلع لنا خطوط و نتحسف و نتعب عشان نشيلهم

 

[بخـــارى]

ان شاءالله ماتضر
بذات زيت الزيتون
وانا امس شريت كريم للتشققات الحمل يحتوي على الشيا

 

[التفاحة الحمرة]

فيها نسبة فيتامين أ اللي يضر الحمل
خايفة منها مع ان وايد زينة

 

[(أم نونو)]

ما ادري

بس اسالي دكتورتج افضل عشان تطمنين

انا مرة خالتي استعملت كريم للحساسيه وسبب تشوه في جهاز التناسلي لولدها مسكين عمرة 16 وللين الحين يعالج

لاتستهينين بشي

 

[really cat]

واااي ذكرتينى بزبدة الشيا عندى من زمااان ولا أستخدمتهااااا

والى أعرفه ان فيتامين أ
مضر بأول 4 شهور من الحمل

يعنى أستخدميه بعد 4 شهور من حملج أن شاء الله

 

[kookiz]

مادري سئلي طبيبتج احسن

 

[التفاحة الحمرة]

بسال دكتورتي لان ودي استعملها
مشكورين بنات عالردود

 

[Diva-Q8]

مادري عن الكريمات بس انا الحين بآخر التاسع ومافيني ولا خط ماشالله والسر زيت الزيتون الاصلي فقط

من الشهر الرابع بلشت كل يوم ادهن جسمي وسدري بعد السباحه

وبالتاسع ادهن مرتين باليوم بعد السباحه وقبل النوم

وكثري من الزيت تحت بطنج مكان الثقل تحت السره بشبر من الخصر لي الخصر هل منطقه اكثر شي يطلع فيها خطوط فلا تهملينها خليها على طول رطبه بالزيت وانصحج من الثامن ادهنين الحلمات عشان ماتشقق مع الرضاعه اذا كنتي بترضعين طبيعي

ومبروك على الحمل

 

[التفاحة الحمرة]

بعد عمري والله مشكوورة عالنصيحة
ما شاء الله عليج ، شنو نوع الزيت زيتون اللي استخدمتيه
عندي زيت زيتون معجزة الشفاء عصرة اولى ينفع ؟؟

 

[زينانه]

ويي عاد انا استخدم زبدة الشيا الخام وخالطتها بزيت اللوز وكل يوم ادهن منها الله يستر