هل تسامح من يكرر غلطاته ام ترد الصاع صاعين

[$& بنت السعوديه &$]

شكاوي الاصدقاء من الاصدقاء تكاد تعادل في كثرتها شكاوي العشاق من العشاق ، فنحن نريد من الصديق ان يكون مثاليا في تعامله معنا ، فإذا صدرت منه هفوة بسيطة عاتبناه عليها بقسوة ، واإذا أخطأ بحقنا اسرعنا الى جفائه ، فإذا كان الخطأ كبيرا ، قد تنقلب صداقتنا له الى عداوة ...


نحن نلوم الصديق لأننا نتوقع منه الاخلاص والصدق والوفاء والتضحية متناسين انه انسان معرض للخطا والضعف وسوء التصرف وسوء التقدرير . واننا نحن ايضا قد نخطئء بحق صداقتنا ونتوقع منهم الصفح عن اسائتنا اليهم..


ولكن سؤالي لكم مذا لو تكرر اساءة صديقك لك اكثر من مرره .. ويعيدها دون ادنى احساس بشعورك .. فما هوا موقفك بعد ذلك .. هلى تفعل كما يقال " ترد الصاع صاعين " عندما يطفح بك الكيل .. ؟؟

او تتركه في حال سبيله وانت من طريق وهو من طريق اخر ؟


يا ريت نفتح المجال للمناقشة..
وكل واحد يقوول رأيه..

ارق التحايا لكم (منقول)

اختـــــــــــكم دلوعة الشرقيه

 

[همس الروح]

مشاركة: هل تسامح من يكرر غلطاته ام ترد الصاع صاعين

مرااااحب حبيبتي ...

موضوع حساااس ومهم مرررررره ..

في البدااايه اذا كااان الي غلط علي من اعز اصدقاااائي فاكيد راح اسامحه مره ومرتين وثلاث بعد ولكن مع اني راح اسامحه الا اني راح ابين له الغلط وين وراح احااول انبهه ...

لان بالنهااايه اهي صديقتج ومو ممكن انج تضيعين عشرة عمر على غلطه او انج تحولين غلطهااا لحرب البسوووس وتدشين معاها بهواش ومشاااكل ....

وهذااا راااايي ...

ويعطيك العافيه حبيبتي على هيك مواااضيع .. ​

 

[$& بنت السعوديه &$]

مشاركة: هل تسامح من يكرر غلطاته ام ترد الصاع صاعين

حيااااااج الله صح لم اعطيها فرصه مره مرتين لان الانسان معصوم من الخطا

 

[حبيبة أهلها]

مشاركة: هل تسامح من يكرر غلطاته ام ترد الصاع صاعين

واللة قلوبنا ماتشيل لو مثقال ذرة يصير الشئ وننفعل ونعصب وعقب لما نهدى ونفكر يغلبنا الحب باللة والايام الحلووة وخاصة احنا البنات نحاتي ليش ونفكر وعقب ولا كنة شئ صاااير واللة القلب الابيض نعمة اللي يعرف يسامح على كبر الجرح والف شكر دلوعتنا الحلوة واخيرا الحب باللة فوق كل زعل

 

[bnt q8 in usa]

مشاركة: هل تسامح من يكرر غلطاته ام ترد الصاع صاعين

اعطي فرصه حق صديقتي مع انه الصداقه هي اني مااذي صديقتي واجرحها وغير جذي اضن ماتتسمي صداقه

لكن اعطي فرص وعادة في شي دائما استخدمه وهو احط ايجابيات صديقتي وسلبياتها واشوف اي كفه ترجح

اذا كانت ايجابيتها اكثر لا والله اتغاضي عن الباجي واذا العكس احاول اخفف من علاقتي فيها اخليها سطحيه

لانه مرات الشق العووود مايتخيط

 

[النور الهادي]

مشاركة: هل تسامح من يكرر غلطاته ام ترد الصاع صاعين

فيه مثل يقول

أحذر من عدوك مره0000ومن صديقك ألف مره

إذا حسيت إنها فعلا تتعمد الغلط00لايبه هي من طريق وأنا من طريق

بس بعد فتره 0000000000 وأعتذارها يمكن أسامحها

ولو أني بسرعه أساااااااااااااااامح وأنسى0000بس أبي أعطيها درس

ومشكوره على الموضوع الحلوووووووووووووووووووو

 

[شهد_الكويت]

مشاركة: هل تسامح من يكرر غلطاته ام ترد الصاع صاعين

والله انا وحده ابسرعه اسامح وما شيل شي ابقلبي الحمد لله هذي نعمه وبعدين الله يسامح احنا بشر ما نسامح

 

[جسور]

مشاركة: هل تسامح من يكرر غلطاته ام ترد الصاع صاعين

اهلين ................

بالنسبه لي حصل لي مثل هالموقف مع نفس الشخص

بس اني اصفح عنه بس جواتي فيه شوي قهر ومع الوقت انسى

<فمن عفى واصلح فاجره على الله >

وهاذا العفو يكون احيانا رادع قوي لدى البعض منهم .

 

[عنايد]

مشاركة: هل تسامح من يكرر غلطاته ام ترد الصاع صاعين

اذا تعمدت الغلط معناتها ماتبيني وتبيها تجي مني
انا اذا شفتها تغلط علي كثير لا يباا اهي من صوب وانا من صوب يعني علاقتي فيها سطحيه مو اقطعها بالمره بس ماراح تكون محل لاسراري او ثقتي او استشارتي لكن اذا كانت من النوع اللي يغلط بدون لا تتعمد يعني لسانها فالت او تحب تعلق لا اكيد راح اطوف لها لان في ناس واجد هذي طبايعهم ماتقدرين تغيرينها
ودمتم

 

[$& بنت السعوديه &$]

مشاركة: هل تسامح من يكرر غلطاته ام ترد الصاع صاعين

مشكورين على الردود الحلوه

 

[al7anona]

مشاركة: هل تسامح من يكرر غلطاته ام ترد الصاع صاعين

اعطيها فرصة ااذا غلطت مره ومرتين وثلاث مرااات بس بعدها خلاص راح يصير شي مو طبيعي يعني تكون متعمده واحاول ابعد عنها او اشوف السبب

مشكورة على الموضوع الحساس وايد

 

[ام مدعج]

مشاركة: هل تسامح من يكرر غلطاته ام ترد الصاع صاعين

من ناحيتي بصراااحه

تغلط مره مرتين ثلاااث اوكي بس مو اكثر من هالمرااات و في ناس سبحان الله تتقبلين انتقاداتهم و غلطاتهم في ناااس لااء تكونين عارفه معدنهم فمن جذي ما تقدرين تسامحينهم او بالاحرى تردين الصاع صااعين لهم

بس احسن شي انج تسامحينهم و تخليج بحااالج عشان ما تصير حساسيه بينج وبينهم

 

[$& بنت السعوديه &$]

مشاركة: هل تسامح من يكرر غلطاته ام ترد الصاع صاعين

مشكورين على الردود الطيبه واذا الله يسامح احنا البشرمانسامح

 

[lolo77]

مشاركة: هل تسامح من يكرر غلطاته ام ترد الصاع صاعين

اي عن نفسي
انا احب اسامح حتى لو كانت غلطانه بحقي
بس اذا مسختها اكثر من ثلاث مرااااات
خلاص فالافضل اني ما اكلمها ولا تكلمني
بس بطبيعتي انا افضل التسامح و الصفح عن الاخرين
بس اعتقد لو انا لاسمح الله غلطت على احد ما راح يسامحوني
بس شسوي كل من يرى الناس بعين طبعه
على بالي كل الناس يسامحووون
وشكرا

 

[_مجروحه_]

مشاركة: هل تسامح من يكرر غلطاته ام ترد الصاع صاعين

واذا كانت هالصديقه هذي بوااااقه تبوق الي عندج حتى الهواااا اللي تتنفسينه شلون اتعاملين وياها ؟؟؟؟

مافي صداقه بهالزمن

 

[رنين]

مشاركة: هل تسامح من يكرر غلطاته ام ترد الصاع صاعين

موضوعج كبير و حلو...


عن نفسي ....احيانا فيه ناس يكون حبهم كبييييير جدا .عشان جذيه الغلطه لتكررت منهم تكسر اشياء و اشياء في نفسي كانت لهم..
مثل الشجر الطوييييييل لهفت عليه الريح كسرته بينما الشجره الاقصر العواصف ما تهدها.
بالتعامل ما أحاول ارد لهم الصاع صاعين.
لكن ما يظل في نفسي شوق لشوفهم أو فرحه بالقعده معاهم او حتى يكون لي خلق اسولف وياهم مثل قبل.

و قالها قبلي الشاعر.

و ظلم ذوي القربى اشد مضاضة ****على القلب من وقع الحسام المهند.


بالاخص اذا اكتشفت اني كنت احب ها الانسانه و اعزها و اغليها ...لكن بالمقابل علاقتها فيني مجرد مصلحه وقتيه بنظرها أو تحصيل حاصل....هنيه باختصار ابعد عنها لأن خلاص اللي لها في قلبي مات و ماعادت تهمني و لا قد شعره.
و يبقى التعامل الجاف الرسمي و خلصنا.

باستثناء اللي لي في قلبها مثل اللي لها في قلبي ...هذي غلطها اصلا ما اشوفه...لأنها اولا و اخيرا بشر و كلنا نغلط.
و اذا اللي يحبون بعض و يعزون بعض ما تجاوزا عن غلطات بعض شيبقى حلو في العيشه



هذا بالنسبه للعلاقات القرييييبه حيل
لكن بالنسبه لعموم الصديقات يكون الامر أخذ و رد.لأنها اصلا ماتهمني وايد فالغلط منها مايكون له وزن...أنا ماشيه باحترامي و غلطها يهينها ما يهيني...

 

[$& بنت السعوديه &$]

مشاركة: هل تسامح من يكرر غلطاته ام ترد الصاع صاعين

حيااااكم الله مشكورين ردود حلوووه ورايكم حلو ومفيد

 

[MaYoOoma]

مشاركة: هل تسامح من يكرر غلطاته ام ترد الصاع صاعين

اذا مصختها اكثر من مره بصراحه كل وحده بطريج ليش اعور قلبي

 

[أميرة الورد]

مشاركة: هل تسامح من يكرر غلطاته ام ترد الصاع صاعين

والله انا طبيعتي اسامح واااااايد بطريقه مو طبيعيه وأطوف وااااااااايد على حساب نفسي ومشاعري بس لما افصل خلالالالالاص بس ما اعرف اللي جدامي لأني اكون معطتها ألف فرصه قبل لا افترق عنها . شرايكم بالصديقه اللي اتأمنونها على أسراركم ووقت الخلافات تعايرج بعيوبج هذي بالله صديقه ؟ للعلم أنا اقدر أرد الصاع صاعين بس عييب أحس.

مشكووورة على الموضوع الحلووو خيتووو

 

[Kuwait]

مشاركة: هل تسامح من يكرر غلطاته ام ترد الصاع صاعين

اعطي فرصه حق صديقتي مع انه الصداقه هي اني مااذي صديقتي واجرحها وغير جذي اضن ماتتسمي صداقه

لكن اعطي فرص وعادة في شي دائما استخدمه وهو احط ايجابيات صديقتي وسلبياتها واشوف اي كفه ترجح

اذا كانت ايجابيتها اكثر لا والله اتغاضي عن الباجي واذا العكس احاول اخفف من علاقتي فيها اخليها سطحيه

لانه مرات الشق العووود مايتخيط

واذا مصختها انا بطريج وهي بطريج بدون مشاكل ولا حتى اعتب عليها اكيد عندها عقل وتفهم