هل تخجل من أن يكون صديقك أو شقيقك معاقاً ؟

[غصون ق]

[size=+0]

هل تخجل من أن يكون صديقك أو شقيقك معاقاً ؟


السلآمـ عليكم ورحمة الله وبركاته :



طبعـاً فكرة الموضوع أوضحت من عنوانه ،،

وأنـا حبيت اطرح هالموضوع لانه أعجبني وحسيت بالي نشوفه

اما انا عن نفسي أكيد مارح أخجل لان اخوي معاق وبالعكس افرح لان الله انعم علي

بهذا الاخ الطيب والحنون اللي الكل يحبه وطبعا ماقول الكل بالعكس احس الناس

لما يشوفونه يكرهونه ويكرهوني وانا اقول الي يكرهه أبغاه يعرف يمكن يكون ها لشخص
عاصي ولما يخدمه يكون سبب دخوله للجنه ...


هذولا ناس وبشر يملكون احاسيس

بالعكس احس قلوبهم طيبه ونقيه ليست كباقي البشر ،،

ما افكر إنــي ممكن اخجـل منه

ويكفي انهم مبتلون والمبتلى بإذن الله في الجنه​

[/size]

 

[نجداويه نجد]

~

وعليكم السلام ورحمة الله وبركاته

[ رب أشعث أغبر لو أقسم على الله لأبره ]

..

ربُ صديق أو أخ مُعاق يرحمنا الله بسبه .. بل من عظيم الفخر والأجلال ان نتقرب إلي الله من خلالهم .!!

 

[manoooram]

أبدا ما أخجل ولا أنحرج منه
الاعاقة اللي يعاني منها مو باختياره .. هذي قسمته من رب العباد
و الله ابتلاه بهالوضع اللي فيه مو عاجز ان يحولني من حال الى حال
بالعكس أعطف وأرحم حاله ، أساعده وأسانده معنويا
يمكن يكون سبب باكتسابي الاجر والثواب من الله سبحانه

 

[قمر على هئة بشر]

لا اكيد
مابخجل
اصلا مافيه شيء يخليني اخجل منه
اذا على اعاقته هذا شيء الله اعطاه
وهو ماله ذنب فيه
وبعدين احلا شيء لما تتعامل مع المعاق على اساس طبيعي
تأخذ وتعطي معاه في امور كبيره وتمزح معاه وماتظهر ابدا الرأفه لهم
عشان ماتحسسه بالنقص ويحس انه انسان طبيعي

والمعوق مثل مثل اي انسان
ممكن تلاقي فيهم الطيب وممكن تلاقي فيهم الحقود

 

[متيمة بالشعر]

و عليـكم السـلآم ورحمة الله وبركآته ,

...

آكثر من مرة آسمع هـ السـؤآل .. وحيـل آنصدم ,
شنـو الشي إللي يخليني آنحرج منه !
آنا ما عندي صديقه معآقة , بس لو مع مر الآيآم رآفجت آنسـآنه
معآقه .. رآح آكون فرحآنه ,
ترى حيـآتهم حلوة , و سوآلفهم حلـوة , سـآعات بالجآمعه اسمع
مجموعة بنآت و من بينهم بنآت فيهم إعآقة والله اتمنى
اني اقعد مع هالمجموعة بس عشآن اسمع سوالفهم
لآن جد تحسين انهم بـ قمة البرآءه سوالفهم حلوه
و ينكتون ويضحكون عآدي .. عآيشين حيآتهم حالهم حآل الكل !!
و فوق هآذآ لهم آجر عظيم بـإذن الله ,
....

و اللي يقول انه ينحرج منهم .. آو يتفشل !
آنا اشوف ان الإعاقة فيه هو .. بـ عقله !
و الرجوع لأخلاقة شي مهم لآن آكيد قلة الآخلاق واحترام مشاعر الغير
آهما السبب في انه .. يتفشل من وجود هالفئه بحيـآته !!

...

يعطيـج العآفية حبيبتي , .. ​

 

[غصون ق]

مشكورين على زوارتكم الموضوع ​

 

[طــُـهــر ♥!]

,’





بالعكس أفتخر
أنـآ اختي الاصغر مني متلآزمة داون
عمري ماأنحرجت منها وهي معي بكل
طلعـآتي والناس لمن يشوفونها اللي يبوسهآ
واللي يدعي لهـآ ولي .. والله هي زينة حيـآتي
وأحمد ربي أنه رزقني أخت مثلهـآـآ ..~

مشكوره عالموضوع ..~







,’​

 

[شيخه العود]

ليش اخجل من شي مو بيدنا ليش هالشي بيدي او بيد المعاق نفسه هذا شي بامر الله واعتقد شي من الله الواحد فينا مايعترض عليه الا عاد الغبي اللي مايفهم

 

[Gifts&Occaions]

لا والله مااستحي

 

[ديمــــــــــه]

انا اشتغل بمركز معاقين
والله العظيم انه هالفئه اكثر من روعه ومن خلال احتكاكي فيهم عرفت القلوب النقيه الحقيقيه واكتشفت انه الاعاقه ببعض عقول الناس الطبيعيين لانهم احيان ينظرون لهم بنظرة اشمئزاز للاسف وعلى فكره هم جداااا اذكياء يفهمون الناس من نظراتهم
وللاسف فيه اهالي رامين عيالهم بالمركز ولا حتى يكلفون على انفسهم حتى السؤال وفيه اهالي راقيه بفكرها ومحتسبين الاجر بهالشي
عني ابداااا مااخجل واعتبرهم خواتي كلهم وبناتي ومحتسبه الاجر والله يكتبه لنا
مشكوره انتس فتحتي هالموضوع لانه بجد حساس ومهم وياليت الكل ينتبه لمشاعرهم لانهم حساسسين ودايم يلاحظون ردات الفعل تجاههم
مشكووره

 

[ޢޢޢإيمانޢޢޢะۣۨ>]

بالعكس ليش الخجل

ولو كان عندي شخص قريب مني وفيه إعاقة راح أحاول أساعده كثر ما أقدر
وحالياً قاعدة أدور وظيفة بمركز يهتم بهالفئة

والله يشافي الجميع

ومشكوره على الموضوع ​

 

[سوسو حبيبتى]

بالعكس

افتخر ان صاحبه عمري عندها اعاقه

 

[قمر بيت أبوها]

بالعكس افتخر والاعاقه عمرها ماكنت تنقص من احد ابدآ
بس انااعرف ناس يستحون من اعاقات باسرتهم ووصل فيه الامر يدعون عليهم بالموت من شدة الغيظ تخيلوا

 

[بعـــيد الشــوح]

لا والله يشهد علي ربي ما راح انحرج ولا اتفشل هذي عطايا الله وما احد يقدر يعارضها .

 

[هاديه وايد]

الموضوع وايد عجيب صراحه

اشكرج عزيزتي على طرحج للموضوع والاراء جميله جدا ومفرحه للقلب

انا من فئه الصم وزوجي توني مالجه :$
من الصم والبكم اعاقته
عادي ما فيها مشاكل ترا والله والله احنه مثل الناس ونفرح لمن نكون صداقات من ناس طبيعين ماتدرين شكثر نطير من الفرح و خصوصا لمن يعاملونه على ان ناس اسوياء

وانا عندي رفيجات شكثر من ذوي الاحتياجات الخاصه سؤاء فئه الصم والبكم او اعاقه جسديه اصلا سوالفهم تونس وتريح القلب و الاحلى معاملتهم كأنهم ناس اسوياء

بقول موقف توه صار مع زوجي كنت طالعه معاه توهقنه بالمطعم شلون ريلي بيفهم يبي الحمام حشاكم وحشا السامعين قعدنه نشرح وضحكنه عادي ما حسينه ان ناقصين ما نسمع او ما نتكلم خذينها غشمره وضحك هههههههه

واسعد الله قلبك على هذا الموضوع الجميل غاليتي

واعتذر عالاطاله بكلامي :$

 

[أريد حلا]

اعرف وحده اخوها معاق اعاقته بسيطه وتبي تخطب له رفيجتها بس امها رافضته ماتبيه​

مو علشان معاق علشان تبي واحد احسن لبنتها ،،​

وانا عن نفسي احترمهم وما اشوف ان هالشيء يفشل لان هذا ابتلاء من رب العالمين​

ويحصل في احسن العوائل ممكن الاعاقه تجي بحادث انسان يمشي فجأه يفقد رجوله​

ولا بعملية يجي مو شرط الاعاقه تنولد مع الانسان​

طبعا اللي مولوده معهم تكون على مراحل بس هذي تعتبر حاله صحيه اهني الثقافه​

تلعب دور مو كل الناس محترمين ومتربين ومثقفين ويراعون مشاعر الناس في ناس وقحين​

ودفاشه ما يتعاملون بلطف مع غيرهم ويبون الله يوفقهم​

ما اقول الا حسبي الله ونعم الوكيل في اللي يظلم هالفئه​

وكذلك اللي يزور انه معاق​

وشكرا​

 

[amami al-kuwai]

اكييد مانخجل لكن تصير غصة بالقلب

انا اختي معاقه وكل ما اشوفها اتضايق على حالها لانها ماعاشت طفولتها مثل غيرها لانه اعاقتها بسبب خطأ طبي

وغير جذي نظرات الناس اللي تضايقها وماتخليها تاخذ راحتها بشي

ومن ناحية ثاني يهون الموضوع علي لان المعاقيين ما شالله مبدعين بكل المجالات

 

[nour el denya]

لا ماأخجل منهم بالعكس أحاول إني أساعده بكل شي يحتاجه و أطلع معاه عشان مايشعر بنقص

 

[عزة وكبرياء]

موضوعج جميل ومفيد انا مااستحي من ولدي الداون جدام الناس بالعكس اهو حلو ومحبوب ويفهم بس في غصة بقلبي عليه واحاتي لمن يكبر شلون بيكون وشلون بيتصرف وشلون بيتكلم ومابي احد يناظره ويعلق عليه لان مجتمعنا للاسف في ناس ماترحم ونظرتها للمعاق على انه مختلف وادنى منهم مايعرفون انه هذا المعاق ممكن يطلع منه ويسوي شي هم مايقدرون يسوونه اويوصلوله وربي يقدرني وما اقصر عليه بشي واقدر انمي فيه الثقة بالنفس بين هالناس اللي ماترحم
وأجري عند ربي الله كريم​

 

[*ريــان*]

لاااااااااااااااااااااااااا