هل تحليل الحمل المنزلي مضمون ؟؟؟

[سلطانة روحه]

السلام عليكم بنات شلونكم

انا اخذت تحليل منزلي ماركة فورا
الصيدلاني يقول انه دقيق و يبين قبل موعد الدوره بايام

منو تعرف هالجهاز

اليوم موعد الدوره و سويت التحليل الصبح و طلعت بالشاشه no

يعني سلبي ماكو حمل

لا تقولون ليش مسويته مبجر

لاني هالشهر ماخذه ابره تفجيريه و تبويضي كان ممتاز

و اليوم موعدي اروح للعياده احلل دم

بس مابي احلل دم دام طلع سلبي بالمنزلي

ياكلون فلوسي عالفاضي

انطرها تنزل و اروح ارد اراجع مره ثانيه


...

منو سوت منزلي و طلع سلبي و كانت حامل؟؟؟

 

[زهريه95]

انا كله يضبط معاي تحليل منزلي

الله يرزقج يارب ..

 

[سلطانة روحه]

اجمعين

بس حاسه بتنزل اكيد

احس فيها من الافرازات تتغير معناته بتنزل

 

[سميره مملوحه]

حبيبتي انا خبره بالتحاليل هههههه
دامج مسويه علاج
حللي هرموني وافتكي
تحليل المنزلي ماااايبين حتى لو دقيق
انا سويت ومابين قبل الدوره
سويت دم وبين على طوووول

وعسى الله يرزقج ويرزق كل محروم

 

[سلطانة روحه]

سميره انا فبنتي بدون علاج بس بين بالمنزلي اما هذا يقولون دقيق

امس سحبت على موعدي و احس بتنزل الدوره احس بالامها

بنطر 3 ايام

اذا ما نزلت معناته حامل 100%

دورتي حدها 4 ايام تتأخر

 

[سلطانة روحه]

نسيت اقولكم نزلت نقطة بني فاتح شفتها على سروالي سوري عالكلمه

كان اليوم الصبح

بس ماعلي الدوره و تنزل افرازات طبيعيه

 

[سميره مملوحه]

حاسه فيج مريت بهالحاله
انتي ريحي نفسج ولا تتوترين
التفكير اهوا اللي ينزل الدوره ان شاءالله ماتنزل ولا تشوفينها الا بعد 9 شهور

وكله ارقو نفسكم ماتدرون يمكن فينا شي يمنع الحمل
عين تابعه
هذا كله وارد

 

[سلطانة روحه]

الله يكتبلنا اللي فيه الخير يا رب

اليوم هم نزلت مني مسحه بني فاتح

 

[Princess S]

حبيبتي فكي عمرج وروحي حللي هرموني.. هذي النقط والمسحات ممكن تدل عالحمل انتي لا تتعلقين وايد ولا تفكرين بالموضوع اذا ما تبين تحلليل خلال يومين ثلاث ببين معاج بس انتي لا تفكرين وايد

 

[سلطانة روحه]

مشكورين عالدعوه

نزلت الدوره

الله يرزقني الشهر هذا انا و المحرومات

 

[Princess S]

الله يرزقج ان شالله انتي وكل محرومة

 

[virgo88]

الله يرزقج بالذريه الصالحه

 

[كويتيه مذهله 87]

ان شالله الشهر الياي تبشرينا بالحمل السليم

 

[Nokia N95]

ان شاءالله تبشرينا بالحمل السليم

 

[سلطانة روحه]

امين يعطيكم العافيه