هل تثق بمن تحدثهم على النت ???

[$حلاتي دمار$]

بسم الله الرحمن الرحيم





هل تثق بمن تحدثهم على النت ؟




عندي موضوع، وأتمنى من كل الأعضاء إبداء رأيهم بكل صراحة ومن غير مجاملات


او


الاهتمام برأي احد غيرهم وأرجو الا تكون الآراء لإرضاء أحد وانما رأي صريح


شجاع من كل شخص هنا ،،،




كثير منا يدخل الى شبكة الانترنت ، من خلال المنتديات والمواقع يلتقي كل


منا بعدد ليس بقليل من الناس .. ويحدث بينهم كلام ،،،




محادثة بين شاب وفتاة




محادثة شاب مع شاب




محادثة فتاة مع فتاة أخرى




ولكن السؤال ...


هل تثق بمن تحادثه على الانترنت ؟؟ هل تثق بأن من تحادثه


صادق ؟؟ هل تثق بأن من تحادثه لا يخدعك ؟؟




وسؤال يجر سؤال ....


هل من الممكن أن تصل هذه الثقة لإقامة صداقة أو علاقة


ايا كانت ؟؟ (( لا أقصد علاقة محرمة طبعا )) .... هل من الممكن ان تصل بك




الثقة لاخبار الشخص الاخر بأمور شخصية عنك ؟؟





هل تصل الثقة لان تقابل من


تحادثه دون خوف ؟؟





أرجو المشاركة في هذا النقاش ...​

 

[iron women]

شوفي اختي اصابعج موسوى انا بنظري اعتقد ان تعدينا مرحلة ان التعارف على النت شي مرعب وعالم وجهول

بمعنى ان بالوقت الحالي التطور والتكنلوجيا اللي وصلنا لها وسرعة الوقت خلت احتمال الخطر نفس احتمالات الامان

ممكن بالنت اتعرفين عالصالح والطالح وهم ممكن بالحيات العامة اتعرفين عالصالح والطالح عشان جذيه الحذر واجب

بكل العلاقات سواء بالنت او خارج النت بس عن نفسي ماشوف فرق بين النت والخارج وانا انصدمت من الاثنين

وتوفقت بصداقات هم عن طريق الحالتين النت وبرا النت

تحياتي لج

 

[shai5at al3arab]

لا ما اثق فيهم ابدا

 

[الحيـاء ~]

السلام عليكم

و الله انا اقول انه الصدآقه حلوه وحلو ان تثقين بأحد من النت و ترتاحين له ~!!
بس بصرآحه ماجربت هالشي كللللللش
أعرف وحده تعرفت على ( بنات و صبيآن ) من أحد المنتديآت
و حييييل تحبهم طبعاً علاقتهم ما تتعدى مسن و وصلت الى انه يعرفون حياة بعض الشخصيه !
و في بنآت كلمتهم بالفون و صارت معاهم حييل ميانه و جيي ..

فـ الحين اللي اشوفه ان النت صآر مثل الشآرع تشوفين فيه الزين و الشين < خوش تشبيه
و بالأغلب تعرفين منو الزينين من سوآلفهم و ( اسألتهم لج ) ..
فـ انا معاها

و انتي ما قلتيلنا راايج ؟


شكراا :*

 

[أميره الدوسري]

رد : هل تثق بمن تحدثهم على النت ???

أخوي مره قآلي لم أحد يقولك شي حطي ببآلك هالإحتمآلآت

احتمآل يكون صآدق واحتمآل كذآب واحتمآل انه ملعوب عليه وهو صدق واحتمآل انه رآسم بخيآله فكره ومتمسك فيهآ

الزبده أن كل إنسآن عنده عقل ولآزم يحركه وألآ مآ استفأد منه


تقبلي مروري^_^

 

[أهداب]

رد : هل تثق بمن تحدثهم على النت ???

انا طبعي شكاكه وموسوسه
فالاجابه لا مااثق باحد
موبس الموجودين علي الشبكه العنكبوتيه

 

[QT]

رد : هل تثق بمن تحدثهم على النت ???

صراحة ما اثق بالمرة

 

[sweet.sanfoora]

3adii bs omoor sha59iya ma agoolha

 

[الصعيريه]

رد : هل تثق بمن تحدثهم على النت ???

الانترنت مثل مآفيه الشين فيه الزين
وبالنسبه لي تعرفت على بناات من المنتدى ماشالله عليهم ونعم البناات
وتعرفت على عضوه معانا وخذيت رقمها وشفنا بعض وقبل أمس كنت بعرس أخوهاا
والحمدالله ماندمت على معرفتهاا الا بالعكس تشرفت بمعرفتهااا

 

[الرشوف]

وانا بعد

بصراحة صارت فيني

ضفت وحدة بالماسن وكنت اسولف وياها يوميا
وقالتلي اهي من السعودية وكانت وياي بمنتدى
وتخيلوو قبل كم سنة ماكانا نعرف سوالف بوق الصورة
ومن الكلام هذا
المهم ودزتلي اغنية اذكرها والله تقوى الهجر خالد عبدالرحمن
وقالتلي سمعيها حلوة وقبلها ورتني صورتها
واقفة يم كبت ولابسة جنز مبطله شعرها وجهها بعيد مو مبين
تخيلو اخر شي طلع ولد
وبايق صورة بنت او ماخذها من النت مادري
وهكر جهازي حتى كان الكبير البي سي مو لا بتوب
ومن يووومها وانا تااااااااااااااااااااااااااااااايبة
ما استقبل من احد شي
ولا اضيف احد ولا قصوووور بالكل بس الواحد من
حقة يخاف

 

[soso.cute]

انا عن نفسي ..
اكلم البنات الي بالمنتدى واسولف معاهم وجنهم رفيجاتي
بس كل شي له حدوود ومو اي شي ينقال بالنت ..يعني مثل امور شخصيه وووو
انا مااثق بكل البنات ..
ومااضيف عالمسنجر ..اخاف يكون صبي او فايروس

 

[$حلاتي دمار$]

رد : هل تثق بمن تحدثهم على النت ???

يسلمووووووووووو فديتكم ع الردود الحلوة
وصح كلامكم مو اي احد نثق فيه

 

[الغدق]

بصراااااااااااااااااحة
أنا وحده ألقى رااااااااااااحتي بالنت فوووق ماتصورين
وأقوووول كل شي بخاااطري
بس مافكرت بيوم من الأيام أني اقابل شخص بالنت
أو ماصادفت أحد طرح علي هالفكرة وبالعكس أكو بنااات هني حيــــل حبيتهم
بس العلاااااقة أني أفيدهم بتحاربي ويفيدوني
وماعندي مبدأ أن اللي يكلمني يجذب لأن مابيني وبينه شي عشان يجذب

وأنا أكو شغلاااااااااات اشكثر مااقدر بالواااقع اقولها لأحد خصوصا
لما أكون متضايقه وأبي افضفض مالي إلا اصدقائي بالنت
لأني لما أكلمهم أحس أني أكلم نفسي لأن بيني وبينهم حاااجز ولا يمكن يوصلون لي
وبس بالنهاااية مااثق ثقة عمياااء لأن الحمدلله عندي صداقات وناااس مومخليني احتاج
أحد بيني وبينه شاشة وممكن يطلع مو زين

ويسلمووووووووووو عالموووضوع الرااائع

 

[nurseya]

رد : هل تثق بمن تحدثهم على النت ???

أنا البنات اللي معاي بالقروووب حدهم يهبلووووون
و بعضهم أعرفهم
اي والله أثق فيهم
بس أكيد ما أثق باي احد ما اعرفه بالنت
!!

 

[في غيبتك راحه]

صدمة شعوري في البشر مو غريبه بس الغريب ليش أنا ما تعلمت !!

آه مني ماكو فايده فيني :rgewrg: أنا يا مااااا عرفت نااس واايد من النت سواء من الخليج أو من الدول العربيه

سبحان الله ما أكشف كذبهم إلا بعد شهووووور يعني تخيلي وحده ترتاحين لها وتفضفضين لها عقب جم شهر تكتشفين إنه كل سوالفها كلها جذب حدددده قهر والله

وفوووق هذا ما تعلمت أي وحده علاقتي فيها تاخذ شهور أثق فيها سيده :rgewrg:

وكله من الطيبه الزااايده اللي فيني :rgewrg:

موضوعج حلوووو بس خليتيني احمق على نفسي لووووول​

 

[ام-اسماء]

رد : هل تثق بمن تحدثهم على النت ???

انا مستحييييييل اثق بالنت لان مادري على شنو ناوين لي ولا اعرف منو هذا الي ورا الشاشه ولا احب اطور علاقاتي بالنت ورا الشاشه والله لان مانعرف شنو ورا الشاشه

 

[جروح خالده]

رد : هل تثق بمن تحدثهم على النت ???

الحمدالله عندي صدقات وايد بالنت ودامت للحين 3 سنين و2 ونص

بس موكل شي اثق فيه واصدقه

 

[ام جسوم@@]

رد : هل تثق بمن تحدثهم على النت ???

الحمدلله عندي وايد صديقات من النت

 

[صمت الروح]

تسلميييييييين ياقلبي

 

[$$ داجـــه $$]

والله يختي لا تثقين من كان قريب لج هالدور اثق من ورا شاشه ونت لا يبه يطيري بجناحج ولا تثقين الا بامج وابوووووج حطي حلئ بودنك