هل تؤيدون رقص العروس ليلة عرسها

[زهرة الجهرة]

مـــرحبــــــــــا


* رأيكم في رقص العروس ليلة عرسها *



كثيرا مانرى ونسمع تصادم في الآراء في مختلف الأمور الحياتيه من تأييد ومعارضه وما قد يُورث ذلك من إنتقاد البعض وإستهجانهم وإستنكارهم بحكم العادات والتقاليد التي تخلق العيب حتى لو لم يكن مُحرماً او مكروهاً ودفعها لأسباب واهيه أقرب إلى ضحالة التفكير والسُخف والتخلف والغباء ..

ومن هذا المنطلق وحرصاً على معرفة غالبية الآراء هُنا في موضوع (مع أو ضد رقص العروس في ليله عرسها) طرحت هذه المسأله وهو بين أيديكم الآن للنقاش الحُر مع التقيد بمبدأ الحوار ..​

 

[نفهمها صح]

صراحه
هي ماهي عيب
وعني انتقده بشده ..حلات العرووس فيها خجل
ودايم بلاعراس اسمعهم يضحكوون علي العرووس الي ترقص​

 

[ShaGRa NoiSya]

حلات العروس ثقيله
شلون بترقص اهي ونفنوفها شثقله زين منها بتمشي للكوشه

 

[النجلآء]

عني انا ترا ضد لكن اذا قوموها وكذا ممكن بس مو تصدق عمرها وتقوم تهابد

ذكرتيني بدكتورة مصرية الله يذكرها بالخير كانت تدرسني تقول انتوا كل شي عندكم عيب عيب عيب هالليلة لمين مو للعروس أماال ليه ماترؤوص ,

 

[الـزين و الجـود]

شصاير ترقص !!!!
حلاتة العروس بحياها مو جرائتها وهبالها ..

 

[حلاها كويتي]

هههه ما ادري احسن ان شكلها يكون غلط ترقص بعرسها نفنوف هههههههههههههه لا ما اضن

 

[Dr.Nouf]

مو شرط ترقص على اغنية نقازية ..


اانا خالتي ..

طول الوقت كانت قاعدة ..
بس لما دش ريلها وسلموا الريايل وطلعوا ..

حطوا اغنية رومانتك
وقامت اهي وريلها رقصوا عالخفيف!


بالنهاية حرية شخصية
عرسج .. وانتي حرة , سوي الي يعجبج ويريحج بغض النظر عن كلام الناس .. لانه مارح يخلص!


,

 

[مزن المزون]

لالالالالا فشللللللللله من امه
هههههههههههههه
اتخيل لا ومع المعرس نو وي
لا حلاتها خجووووووووله..تحلى زياااده
اتمنى تتقبلون وجهة نظري!

 

[ملآمح يوسفيه]

,
من ناحيتي
ما اآيييد

​

 

[تذكر خافقي رمحك]

لا مع ولا ضد
الي تبي ترقص خل ترقص
والي ماتبي لا ترقص
كيفها
ليلة عمرها واتسوي فيه الي تبي

 

[ReeM ^ Style]

ضد الصراحه
مو مسألة عادات وتقاليد
يعني كمنظرها بيكون حلو واهي ترقص ؟
شكلها بيكون غلط اكيد
وغير هذا فستانها بيكون ثقيل
وحتى لو ماكان ثقيل بيكون طويل وهم بعد الكعب
وهذا راح يسبب لها رقص غير مريح
وبالتالي شكلها بيطلع غلط
عشان جذي حلو العروس تدخل بذرابه وتطلع بذرابه
وبالنهايه الناس اذواق
وشكرا حبيبتي

 

[العين الكحيله]

من وجهة نظري

ضضضضضد <3

 

[baby qa6wa]

انا ضد انها تقوم ترقص بجراه
بس اذا اهوا رقصها ممكن ترقص بدلع وخجل يعني بس هز جتوف

 

[المرتاحة]

انا من وجهة نظري مع

بس تكون الاغنيه هاديه و مو سريعه و رقصها يكون دلع بدلع وحركات خفيفه

 

[ريآنة آلعود ~]

هههههههههههههه


آلصراحه كل واحد وكيفه


خلهآ ترقص هذي ليلة عمرهآ


شفيها رآقصه عند رجآجيل


وذا بنسمع قيل وقال محنآ خآلصين

من هالنآس اللي تحكي أوووف

 

[googoosh]

عادي ما فيها شي عرسها و كيفهااا .. و شحقه العروس لازم تكون مستحيه ترى متزوجه مو مسويه شي عيب عشاان تستحي لوووول ..

بس طبعاا مو رقص رقص .. حركات خفيفه او ترقص مع ريلها كلاسيك جذي يعني ..

 

[danaa]

nooooooooooooooooooooooooo

 

[طيش سكر]

مع والله ..

بعد ليلة عمرهااا


وانا ان شاءالله راح ارقص بعرسي واحررر العذال :eh_s(9):

 

[ام دليار]

مع أنها ترقص أحسن ماتضل قاعدة مثل الصنم لاحس ولاحركة
مش عيب ولاحرام

 

[Strawberry]

عادي خو العروس ماراح ترقص على اغنية ففتي سنت لوول !!

كا الاجانب بعد العرس يرقصون نقازي >> مو منصجهم

بس انا من رايي كل واحد حر ماكو قوانين معينه بالعرس دام عرس العروس ودافعه من فلوسها ختتهنه كيفها ​