هل تأثر تربية الأهل في نفوس أبناءهم ؟؟

[سندس 90]

السلام عليكم 


عندي موضووع ومن زماااان حاطه ببالي إني أناقشه معاكم

ألحين أتوقع صار عاااااااااااااادي عندكم تسمعوون إن فلانه تكلم شباب أو تطلع معاهم يعني صرتو ماتستنكرووونه فهمتو ماصار عندكم الإستغراب اللي كنتو تستغربونه أول ؛؛؛ لــــــــــــــــــــــــــــكـــــــــــــــــــــــــن


المصيبه إن الأم والأب محترمييين مطاوعه تكااانه سمعة طيبه مثل المسك إنزين ؛ ألحين وبهالحاله بالذات وين راحت التربيه هل راحت سدى

أنا عن نفسي أعطي تأثير التربيه 45٪


وحطو ببالكم مع كثرت التقنيات اللي تهدم أكثر من إنها تبني يعني الحين البنت تقدر تتعرف على أكثر من 100 شخص من غير الأم والأب يعرفون سواء بالإيميل والمسن والفيس والتويتر والبارلينقو وووووو......... إلخ


مع القنوات المنحطه والفضائحيه اللي تساعد على هالتفكير


ألحين شنو رايچ بتأثير التربيه على الفرد ومع ذكر النسبه المتوقعه ؟؟
وشنو الأساليب اللي يتبعونها الآباء والأمهات لتعزيز الأخلاق في نفوسهم ؟؟
وهل إنتي مع الثقه والحريه للأبناء ؟؟


أحبكم في الله 

 

[سندس 90]

وينكم بنوتات 

 

[نــggر]

اكيد التربيه لها تأثير على الفرد وكبيييير كمان خصوصا لو إن زرعنا حب الدين والخوف من الله في قلوبهم من صغرهم

وصحيح كلامك في هذا الوقت الفضائيات المنحطه تساعد لكن المفروض من البدايه
ما نترك لهم المجال في مشاهدة الفضائيات المنحطه ضروري نزرع الخوف من الله في قلوبهم

واما بخصوص اعطائهم الحريه طبعا ضد خصوصا اذا كانت مفرطه وبوجهة نظري ضروري مراقبة الوالدين لابنائهم وعدم اهمالهم

وايضا ضرووووووووووري الام والاب يكونون قريبين من ابنائهم واحتوائهم وإعطائهم الحب والحنان حتى لا يلتجؤن للطريق الخطأ بحثا عن الحب والحنان

وفي الاخير لاننسى الاقتداء بإخلاق خير الامه الرسول صلى الله عليه وسلم في تربية ابنائنا

وجهة نظري البسيطه اتمنى تقبليها
أختك : نـggر

 

[sarah11]

طبعا التربية لها دوررر كبير

ثم الصداقة لها أثر عظيم في تكوين شخصية الأبناء فيجب ع كل أم وأب
معرفة مدى إيمان وأخلاق أصدقاء أبناؤهم

تحياتي سارة 11

 

[sarah11]

أما عن الحرية تكوووون بحدود لا للثقة العمياء

 

[سندس 90]

صح كلامكم كلكم لكن وين راحت التربيه في الناس الصايعين يعني انا الاحظ بنات والله شكثثثر أهلهم يكسرون الخاطر راعين صلاة وصيام وين رااااحت التربيه ليييييش ماأثرررت فيهم ؟؟؟؟؟؟؟ *

 

[PuPa^^SWeeT]

انا ما اقووول الاهل منهم الخطأ


بس همن هالبنات و الشباب لمن يكلمون و يواعدون و يغازلون


مو حراام انه اهلهم هاملينهم و لا مراقبينهم


ولا اتقولون انه الاهل مو ذنبهم


بسن المراهقة ما ينعطى الطفل كامل الحرية و الثقة


لاا لاازم يكون فيه حدوود

لأنه لما ينضج مايصير يتفاجأ بالحدوود اللي راسمتها الدولة و الوظيفة و المدراء و الزملاء




فا يعني ماينحط عند المراهق

كافة الاجهزة من غير ما اراقب


مايصير اقط بنتي اببيت وحدة انا ماعرفها ولا اعرف اهلها ولا اعرف اخلاقها

مجرد زميلة زميلة


الحرص عالاطفال غالبا يكون بمحله



الموبايلات ماتنعطى لهم واهم توهم بالابتدائي ؟؟؟

 

[Angel-Lady]

اذا بنتكلم عن التربية و مشاكلها، خل نبلش من البداية

شنو نظرتكم للتربية بشكل عام؟ و من وين تاخذون ثقافتكم في تربية الابناء؟

يعني لا تروحون تفتون في اشياء و اتصيرون علامة زمانكم و انتو ما تعرفون شي بالموضوع

لو اتروحين تسالين اي وحده سواء وحده ملتزمه و لا وحده محافظه و لا وحده الي طول حياتها ماركات و صالون و سوق

شنو اخر كتاب قريتوه و لا اخر شريط او دي في دي او شي سمعتوه لدكتور او دكتوره تربيه الابناء... شنو جوابهم :] .. طبعا الا من رحم ربي جوابهم ما عندهم وقت

اشلون تربون عيالكم؟

علبركه ... الي اهي اشلون كانت امي تربينا انا بسوي مثلها بس ما راح اسوي الاشياء الغلط الي كانت تعلمنا !!

اوكي و اشلون تعرفون ان هذي الاشياء غلط من الاساس ؟ الجواب انا ادري و حسيت بهذا الشي !!

يعني في النهاية تربية الابناء عند مجتمعنا يمشي عل هوى الام و الاب و ليس من ثقافة تربى فيها ابناء

و اذا تبون تعرفون المستوى روحو شوفو منتدى المشكلات الاجتماعية، اغلبها اذا مو كلها تبين تربية سواء لكاتبة الموضوع او حلالين المشاكل!

و المشكله ان حلالين اامشاكل عليهم حلول تودي بداهيه اكثر من مساعده للاسف... فعلا شي غريب

من النصايح الي تقرينها بالمواضيع

" لا تقولين لامج نصيحه" بغض النظر عن علاقة الام و بنتها، هل يعقل ان احد يقول لا تصاحبين امج؟ الام الي لازم اتكون اول صديقه لابنائها تبين تكونين حواجز بينهم... و اتقولون ليش ما يحسون فيكم و لا يبرونكم لما يكبرون، افهم اشلون اذا ما تبيون حوار و تفاهم و كلام بينهم

" خلي ابوج برا الموضوع" حلاته اتقول هذي النصيحه جدام اطفالها عشان تزرع فكرة الريال برا الموضوع في التربيه و عل المرا اهي بس تربي.... ليش تهميش دور الاب في التربيه؟ عرفتو من وين الاساس ؟ حتى لو حسبتوها شي بسيط لكنها تركز بذهن الطفل، ان التربيه و العطف و الحنان و السؤال و الرعاية من وظائف الام و الاب يصرف او يطق فقط

" لو انا من ابوج اطقج طق سنه بساعه و اخليج بالغرفه...." و اذا رديتي بعقل اتقول " مايجوووووز حراااااام" فتطلع لنا مشكلة اتخاذ الدين و احكامه عذر للضرب المبرح.... انزين قصة الزانية الي راحت للرسول عليه السلام و طلبت منه ان يطهرها، اقام عليها الحد مباشره و لا طقها سنه بساعه؟ اهو تصدد عنها و لما اصرت قال لها ان تولد و الخ من القصه المعروفه
الناس تحكم و تفتي و لا تدري عن شنو تتكلم و في النهاية الابناء شي عادي جدا يطلعون يكرهون الدين و الصلاة و الحريم يتشكون بعدين عيالهم لا يصلون او ما يصومون او يدخنون او يرتكبون المعاصي....

"انا صراحه ما اثق بكلام الدكاتره اثق بكلام الحريم" يا كبرها-.- الحين واحد يدرس ما ادري جم سنه و يصير دكتور و استشاري و يظل ليلحين يدرس عشان يطلع لج بشي يفيدج و يفيد غيرج و تثقين بكلتم حريم اول الي يمكن ما تعرف تقرا و تكتب... تخلف فكري كبير

اذكر مره قبل ما اتزوج وحده من صديقاتي كامت دايما تسولف لي عن واحد من عيالها انه شيطان اكثر من عيالها الباجين و وايد امؤذيها و انا عرفتها عدل فما حبيت اعلق عن طريقتها لان لو بكمل معاها في النهاية بتنهي النقاش انتي ما عندج عيال و ما راح تفهمين فكنت اسمع فقط، في يوم من الايام كنت متضايقه و انا حامل فانصحتني ان مو زين اضايق نفسي و هذا ياثر عل البيبي و اهي متاكده ان ولدها هذا صار جذي لان لما كانت حامل فيه صار لها موضوع و منه تاثر البيبي.... طبعاهذي وحده من العادات عند الحريم ان ما اتقول انا غلطانه و لا اتدور عل حل او اياس مشكلتها لازم الغلط عل شي و لا احد غيري... المهم، رديت عليها حزتها، تعرفين سوبر ناني ابي كانو يحطونه قبل ؟ تذكرين اشلون كانو عيال الناس شياطين و اهي اتعلمهم اشلون يتعاملون معاهم ؟ شوفي احسن تسالين دكتور و لا تقرين كتاب عن مشكلتج عشان تنحل و لا راح ولدج يظل جذي*

اذا ربيتو عيالكم عل اسس تربويه اسلاميه صحيحه لو شنو اتحطون جدامه من اشياء غلط اهو من نفسه راح يوخر عنها و حتى لو غلط راح يعرف يطلع نفسه و يتوب

تربية الابناء علم ... تعلمو و تثقفو بهذا العلم و ما راح تحتاجون تتوقعون نسبة مئوية لنجاح تربيتكم لهم

مشكوره عل الموضوع :]

 

[sun_light]

من وجهة نظري
ان التربية لها لها دور كبير وأثر واضح على الأبناء , كل أم وأب يعتقد انه يربي ابنه على أحسن وجه ولكن الحقيقة التي لا يقر بها أغلب الآباء ان تربيتهم كانت مادية فقط !!
فكثير من الآباء لم يعلم ابنه معنى الأمانة أو معنى الدق وغيرها من القيم
صحيح أن الآباء ملتزمون بأخلاقهم ودينهم ولكم لم يكلفو نفسهم العناء لتعليم أبنائهم هذه الأمور
وهذه الأمور هي ما تؤثر بالفرد وليست الأمور المادية هي ما يؤثر
لو كل أب وكل أم اتبع تعاليم القرآن والسنة في تربية الأبناء لرأينا مجتمعا رائعا

 

[نهى الأحمد]

هلا حبيبتي

طبعا الخوات ماقصرتوا بالردود

اكيد تربية الأهل لهم تأثير كبير في نفوس ابنائهم

وهالشي يعتمد على الأسلوب المعتمد من الوالدين في تربية أبنائهم

 

[manoooram]

طبعا تربية الأم والأبو لها دور كبير ورئيسي بنفوس أبناءهم وبتكوين شخصيتهم من وهم صغار
لمن الأم والأبو يحتوون أبناءهم بمحبتهم وبخوفهم عليهم ويتحاورن مع أبناءهم ويسمعونهم ويغرسون القيم الحميده فيهم
اعطاءهم الحرية والثقة بحدود مع ضرووورة وجود الرقابة الأسرية عالأبناء
تقوية الوازع الديني بطاعة الله والخوف من عصيانه
هني نجحوا بنسبة كبيره على تأسيسهم صح
نيي للمحيط الخارجي اللي اهو المدرسة والأصحاب لها تأثير ثانوي على الأبناء
معروف ان (( الصاحب ساحب ))
اذا كان الابن/الابنه متأسسين صح خلقيا ودينيا ووراهم من يتابعهم من الأهل من الصعب يتأثرون باللي حواليهم ويمكن في منهم يتأثر بشكل سلبي بالصحبه السيئه.
لكن النسبة الأكبر اللي متعرضين لضغوط من أهلهم بالترهيب الزايد والقسوه والاهمال أو الدلع المترف والتحرر اللا محدود هذول معرضين للضياع وخسارة نفسهم

 

[سندس 90]

مشكوووورين حبايبي


حبايبي لا تلوموني لأني قاعده أشوف بنات مو هامهم احد والله مساااكين هالاهل اقول يمكن لان الام مسكينه وشخصيته ضعيفه وهذا اكببببببر غللللللط والابو دايما مشغول وماعليه من احد