هل بالفعل إحنا ......... ؟

[( مي )]

شلونكم بنات


















بنات توه الحين طرى فجأة على بالي هالسؤال
احنا دوم نكتب مشاكلنا هني بالمنتدى ،، او أي شي يضايقنا
او نكتب اللي يضايقنا حتى لو عن طريق رد على موضوع عن الزوج أو الحمولة

سؤالي
على اعتبار ان نكتب اللي فينا بس ،، أو نقرا مشاكل غيرنا وما ندري شنو وجهة نظر الطرف الثاني سواء الزوج أو الحمولة ،،
هل إحنا بالفعل .. دووم مظلومين ابهالصورة اللي نقراها هني ؟؟
هل بالقعل إحنا دوم مساكين ؟؟

ما يطري على بالكم أن ممكن ما تكون في مشكلة أصلا وإحنا مسوينها مشكلة ؟؟
والله ساعات اقول يمكن إحنا الدعلة ههههههههههه وإحنا الغلطانين بس ما ندري عن روحنا !!
ومثل ما اهم يغلطون ومو شايفين نفسهم غلط ،، إحنا بعد يمكن غاثينهم وما ندري ان إحنا جذي !!
مثل ما إحنا تعبانين منهم أحيانا ،، يمكن يكونون أهم بعد تعبانين منا !!

يمكن إحنا اللي نتحرش بالزوج أو نقل كلمة على حمولتنا وإحنا مو حاسين !!

يمكن مثل ما إحنا نشوف الزوج غلط وإحنا الصح ،، أكيد اهو شايف ان زوجته راكبها الغلط وأنه أهو الصح !!



بنات
تتوقعون ،، هل صج إحنا دوم مظلومين ؟؟
ومتأكدين أن مو ظالمين بدون لا ندري ؟​

 

[ام زاكي]

والله نفس تفكيري دايما اقول سبحان بني ادم يشوف روحه ولا كامل الا وجه سبحانه

 

[Gourges]

خخخخ ياحلوج وايد تتسالين بحياتج .. الاحظج وايد تسالين ..

ممممممم بخصوص الموضوع

انا ادري وعلى يقين ان وايد مواضيع وردود افعال يكتبونها البنات عن ازواجهم وحمولتهم فيها حلقات ناقصه مو الكل البعض وساعات يكتبون موقف مظلومين فيه بس موضوع صاير قبل كانوا ظالمين ويمكن الي سووه حمولتهم نفس بيردون لهم الحركه او ساعات ايكون الزوج غلط عليها بهلسالفه بس في سوالف اهيا ماكتبتها اهيا غلطانه فيها ..

فا طبعا احنا قاعدين نسمع الموضيع من طرف واحد فا شي اكيد بنحس انه معاه حق

 

[*مناوى*]

رد : هل بالفعل إحنا ......... ؟

أهلين الحمد لله بخير ...

والله ما ندري يا مي وين المشكله ومنو المظلوم صج احنا ولا اهم ؟؟

بس بقول انا احنا رومانسيات زياده عن اللزوم وما يعجبنا شي ودايم نبي حياتنا رومانسيه في رومانسيه بس يصير موقف واحد خلاص

نتضايق وتصك فينا الدنيا ودايما نقارن بين حياتنا وحياه غيرنا مو نحسدهم والله بس ودنا انصير انفسهم من رومانسيه ومن كل شي

يعجبنا و بس ما ادري هذا اللي يطري بالي الحين يمكن عشان انا حاليا معصبه ومالي خلق مو تقولين ليش راده اذا انتي معصبه ؟؟

اقولج أحب مواضيعج

 

[om MaRyooM]

هلا ميووون



انا مع جورجيوس كلامها عدل والله

 

[( مي )]

أم زاكي
حياج الله حبي

قورقيس
مواضيع المنتدى كلها عبارة عن تساؤلات حتى لو مشكلة مطروحة اكيد بالنهاية تسأل شالحل ؟؟ عموما ،، انا طبعي من صغري وايد أتأمل بالأشياء كنت وايد افكر ليش سموا التفاحة تفاحة والطاولة طاولة والقلم قلم وشلون اطلعت المسميات ومنوا ثبتها على هالأسم هههههههه ،، وهالتساؤلات تيي بروحها براسي

مناوي
الحال من بعضه انا بعض متناجرة بس يالله الحمدالله احسن من غيرنا اللي عايشين فبلاوي الله يعينهم ،، وحياج الله حبيبتي

أم مريوم
حياج الله حبي ​

 

[Gourges]

مي

لوووووووووول توقعت شخصيتج جذي والله وانا اكتب قلت اكيد واهيا صغيره تسال اكثر من جذي لوول

ترى مو قاعده انتقدج والله .. بالعكس احبج واحب مواضيعج بس قاعده اقول شي يميزج ...

btw: انا كنت اسال وانا صغيره عن المسميات وكنت بعرف منو مألف المسميات @@

 

[( مي )]

مي

لوووووووووول توقعت شخصيتج جذي والله وانا اكتب قلت اكيد واهيا صغيره تسال اكثر من جذي لوول

ترى مو قاعده انتقدج والله .. بالعكس احبج واحب مواضيعج بس قاعده اقول شي يميزج ...

btw: انا كنت اسال وانا صغيره عن المسميات وكنت بعرف منو مألف المسميات @@

حبتج العافية حياتي
بس اقولج شي ؟؟؟ مافيني فضول بالناس ،، بمعنى ما اسأل وين رحتي ووين ييتي وولد منو ماخذه ،، حامل ولا مو حامل ،، هالأشياء اعتبرها خاصة صاحبتها تسولف فيها بدون لا اتدخل وأسألها
فضولي كله بالأغراض ومسار حياتنا وتصرفاتنا اللي اشوفها وافكر فيها ,, أفكر بنظرات الناس تعابيرهم شنو ممكن يكون بقلبهم ونواياهم ،، تييلي أفكار اقولها لزوجي يقولي انتي شلون تطري هالأشياء على بالج هههههههه اقوله والله بروحها ،، من آخر الأفكار اللي فكرت فيها قبل فترة عارفين أحنا نواقض الوضوء ونرد عقبها نتيدد مع انها اشياء مو حلوة ووصخة مثل تكرمين دخول الحمام ،، والدورة الشهرية فيها نوعا ما وصاخة ونتسبح عقبها ونتطهر

العلاقة الجنسية ،، ليش لازم نتسبح عقبها وما نتيدد او نتوضى بشكل عادي إذا على قولة فوزيوه الدريع تقول العلاقة الجنسية شي سامي بعيد عن الوصاخة والقذارة !! مع إني اعتبر دخول الحمام يمكن أوصخ منها

وأسئلة وايد احسها على قولة زوجي تكفرين انتي لما تسئلينها


وقرقت على راسج وايد بس حبيت السوالف معاج :eh_s(15):​

 

[Gourges]

مي

ابيييييه والله انا جذي اتسال اساله ساعات اهلي يقولون موو زين استغفري ترى تكفرين ..

يعني ساعات اسال نفسي هل انا عشت من قبل بحياة ثانيه وجربت اني اعيش واموت ولا هذي اول مره !!!!!! << هلسؤال امس قاعده اتساله ...

وقبل وانا صغيره يعني كانوا مودينا حق ملوت الفلك عرفتيهم؟ ما اذكر شنووو اسم مكانهم بس سوولنا عرض عن الكواكب وجذي والي عنده اي سؤال يرفع ايده ويسال .. اذكر اني سالت بس محد عطاني جواب شافي ونفس السؤال سالته اهلي وهم ماعطوني جواب يقنعني .. بسالج ياه يمكن فكرتي فيه

صح احنا عايشين بكوكب؟ .. والكوكب بالمجره ؟ لمن نطلع بره المجره شنو موجود؟ فضااء صح؟
اذا نزلنا تحت .. ووخرنا عن الكواكب ونزلنا تحت .. ووخرنا عن النجوم ونزلنا تحت ... شنو فيه ؟؟؟
انا عبالي ان نوصل حق الشيطان خخخخخخخخخخ

بس الجواب الي الحين عندي .. ان محد يدري شنو في تحت حييل ... !!!!


هذي من ظمن اسالتي الكثير خخخخخخخخخ

عادي حبوبه خنسولف خو شورانا

 

[ام الدرر]

امي الله يرحمها دايم كانت تقول
((كلن عنده من روحه جيسه وخريطة ))
يعني كل انسان يشوف نفسه كامل والناس هي اللي فيها العيوب
ولاتنسين حديث الرسول صلى الله عليه وسلم (( يَا مَعْشَرَ النِّسَاءِ ، تَصَدَّقْنَ ، وَأَكْثِرْنَ الاِسْتِغْفَارَ ؛ فَإِنِّي رَأَيْتُكُنَّ أَكْثَرَ أَهْلِ النَّارِ . فَقَالَتِ امْرَأَةٌ مِنْهُنَّ جَزْلَةٌ : وَمَا لَنَا - يَا رَسُولَ اللهِ - أَكْثَرَ أَهْلِ النَّارِ ؟ قَالَ : تُكْثِرْنَ اللَّعْنَ ، وَتَكْفُرْنَ الْعَشِيرَ ))

يعني اذا احنا راضين عنهم نوصلهم السما واذا غلط ولا زل لسانه نسيتي كل شي وتذكرتي عيوووووووووووووووووووووووووبه من اول ماتزوجتي
عسى الله يهدي الجميع
وشكرا مي



​

 

[صمــت_ALsHfaaH]

ام الدرر كلامج درر اتفق وياج

 

[BiiShOoO]

مو دايم احنه المظلومين يمكن انكون احنه الغلط و اهم الصح بس كل واحد يشوف نفسه من وجهة نظره انه ماغلط و ان الناس اهمه الي غلط

 

[بتبوتااا]

تصدقين اني دايما اقول هالسؤال يعني
اذا وحده حطت موضوع تقول فيه انه ريلها مزعلها
وانه صارت هوشه بينهم والسبب اهو بس اكيد اهو بعد له نظره غير الي اهي تشووفهاا !

فأحنا بنظرنا انه اهو الغلطان واهو بنظره انه اهيا الغلطانه !

وتم المشكله معلقه ولي تصارحو يقول انتي واهي تقول انته :/

بالنسبه لي اذا صارت مشكله بيني وبين ريلي اول شي من وجهه نظري اشوف انه اهو الغلطان بس اسكت اخليه

يتحلطم او يهاوش ولمن يخلص اسكت عنه وبعدين الاقيه من نفسه يكلمني واهني اصارحه بس مو دايماا اصارحه يعني اطوف

وامشي المركب , بس اذا لقيت روحي جد مظلومه اكلمه وافهمه واشوف وجهه نظره ودايما اكون المظلومه لوووول

ملخص كلامي انه الوحده الي تفهم زوجها عدل راح تتجنب وايد مشاكل بحياتهاا لانه اكثر المشاكل سببها سوء فهم او

سالفه سخيفه ,, اذا اهو شد انتي ارخي لانه لو شديتي واهو شاد او عاندتي واهو عاند مارح توصلون لحل غير انكم تكبرون المشكله

:/

 

[يكفيني حنانك..]

تتوقعون ،، هل صج إحنا دوم مظلومين ؟؟
امممم شوفي دايم لما تصير مشكلهاحط اللوم على الطرف الثاني وبعد ما تهداء الامور وافهم اكتشف انو علي نسبة كبيره من الغلط لان بوقت المشكله الشيطان يكبرها واعوذ بالله نخلي الطرف الثاني مجرم
ومتأكدين أن مو ظالمين بدون لا ندري ؟

بعد ما تنحل المشكله اعرف انا ظالمه ولا لا ههههه

 

[ليان]

محد كامل الا الله سبحانه

على اتفه الاسباب نحب نتدلع على الزوج

يمكن الزوج يكون غلط يمكن احنا الغلط

بس بالاخير ما نطلب الا الستر في الدنيا والاخره والتوفيق

مافيها شئ اذا تدلعنا >>>>>>>>

 

[ريمـا]

اشوف رفيجتي
كله خناق ويا ريلها
تعاااانده بشكل مو طبيعي واهو عصبي
وتشكى من وضعها

طيب انتي بالاول خلي عنج المعاند عشان
اهو مايعصب عليج ويقط كلام قوووي !!

 

[ba6bo6a1]

والله صاجة مي يعني مرات في مواضيع بس نقرا وجهة نظر اللي كاتبتها ومايندرى اذا صج و الا مبالغة و الا جذب السالفة كلها .. مرات حتى فهم الوحدة للامور يختلف عن غيرها وممكن تكون فاهمة كلمة او مفسرة تصرف غلط عكس ماكان صاحبه يقصد ... يعني عشان جذي مرات استغرب من انفعال بعض البنات بردودهم على مشاكل العضوات هني بالمنتدى اقول يا ربي شدراكم انها مظلومة يمكن هي منكدة عيشة الريال ؟؟.... بس احنا البشر شنو ماكان صعب نعترف باغلاطنا

 

[annosa]

والله العظيم يا مي إني دخلت المنتدى و أنا قاعده أقول بـ قلبي " هذي تشكي من ريلها إنّ مو رومنسي و ذيك تقول ريلها يتحّكك و يتلزّق بـ وقت مو مناسب و غيره من الشكاوي " .. معقوله كل الحريم مضطهدات !!!

بس هم قلت بـ نفس الوقت الوحده تشتكي بالمنتدى لمّن تكون متضايقه و ماراح تتحلطم إذا كانت الأمور زينه

بشكل عام .. أكيد في بينّا حريم يكون الغلط منهم ^_^

 

[( مي )]

مشكورين بنات على ردودكم

قورقيس
اذا انا وياج بنضل نجاوب بعض ونسأل أنا متأكدة 1000% ماراح نخلص هههههه ،، ​

 

[ام شووووق]

رد : رد: هل بالفعل إحنا ......... ؟

مي

ابيييييه والله انا جذي اتسال اساله ساعات اهلي يقولون موو زين استغفري ترى تكفرين ..

يعني ساعات اسال نفسي هل انا عشت من قبل بحياة ثانيه وجربت اني اعيش واموت ولا هذي اول مره !!!!!! << هلسؤال امس قاعده اتساله ...

وقبل وانا صغيره يعني كانوا مودينا حق ملوت الفلك عرفتيهم؟ ما اذكر شنووو اسم مكانهم بس سوولنا عرض عن الكواكب وجذي والي عنده اي سؤال يرفع ايده ويسال .. اذكر اني سالت بس محد عطاني جواب شافي ونفس السؤال سالته اهلي وهم ماعطوني جواب يقنعني .. بسالج ياه يمكن فكرتي فيه

صح احنا عايشين بكوكب؟ .. والكوكب بالمجره ؟ لمن نطلع بره المجره شنو موجود؟ فضااء صح؟
اذا نزلنا تحت .. ووخرنا عن الكواكب ونزلنا تحت .. ووخرنا عن النجوم ونزلنا تحت ... شنو فيه ؟؟؟
انا عبالي ان نوصل حق الشيطان خخخخخخخخخخ

بس الجواب الي الحين عندي .. ان محد يدري شنو في تحت حييل ... !!!!


هذي من ظمن اسالتي الكثير خخخخخخخخخ

عادي حبوبه خنسولف خو شورانا

لووووووووووووول وقسم نفس سؤالي

عقب عرفت انه كله فضاء بفضاء