نبض الخواطر
New member
- إنضم
- 10 فبراير 2009
- المشاركات
- 3,357
- مستوى التفاعل
- 0
- النقاط
- 0
ليت الزمان يلف ويـدور ويعـود
ويردنـا للشـارع اللـي جمعنـا
يوم اجتمعنا فيه من غير موعـود
وفيه اتفق زايـد ولعـك وولعنـا
ثم اجتمعنا فيه مـن غيـر منقـود
وعن الردى والشين ربـي رفعنـا
ياشارع النزهه هل الحب موجـود
هل باقيٍ للحـب كلمـه ومعنـى؟
والا سرابٍ صار للعيـن ممـدود
نقرب ويبعد ليـن تهنـا وضعنـا
وان كان صار الحب ضايع ومفقود
واحـلام نبنيهـا وفيهـا وقعـنـا
قله تراي امـوت فعيونـه السـود
والله هو اللي فـي هواهـا دفعنـا
وقله عساه الياسمع قولـي يعـود
وقله ترانـا مـن فراقـه شبعنـا
اصارع التيـار والحيـل مهـدود
واللي حصل من نور عيني فجعنا
ثم ذكـره مافـات قـدّام لايجـود
كيف الهوا يومـن دعانـا سمعنـا
كيف الخطاوي تسبق الوقت بحدود
توافقـت قلبيـن وحـنـا قنعـنـا
ياما رسمنا الدرب بزهور وورود
واليوم ذبلـت وردةٍ قـد زرعنـا
ياشارع النزهه ترى الوقت محدود
قربـه دوانـا والمفـارق وجعنـا
