هل انتي مع او ضد _عطوني رايكم

[حياتي فيصل]

مرحبا بنات:eh_s(17):


هل انتي مــــــــــــــــــــــع او ضــــــــــــــد
:ggdw:



الاول:
الحمل بعد المولود الاول بسرعه بعد عدة اشهر مثلاً...بعد الشهر الخامس او بعده بعدة اشهر



الثاني:
او مـــــــــــــــــــــع الحمل بعد عدة سنين .......... سنتين ثلاث وهكذا


مع ذكر الاسباب وافضل مده من وجهة نظرك





بليزززززز ابي تفاعلكم وردودكم الطيبه فديتكم:eh_s(8):​

 

[احساس السعوديه]

الثاني:
او مـــــــــــــــــــــع الحمل بعد عدة سنين .......... سنتين ثلاث وهكذا

سنتين او 3 حلو
اول شي ارتاح من بعد الحمل والولاده اهم شي راحتي مو على طول
ثاني شي اخلي كل واحد ياخذ حقه من التربية والدلع



والله يرزقني الذرية

 

[حياتي فيصل]

هلا اختي احساس الله يرزقك الذريه الصالحه انشالله

الخيار الثاني هو خيار العقل
بــــــــــــس انا اختار الاول مع ان بنوتتي عمرها ثلاث شهور بس عقلي يقول لا ومادري اذا ايه اولا لاء محتاره اصلا ماستخدمت موانع الحمل غير المانع الطبيعي


البـــــــــــــــــــــــــــــاقي انتظر رأيكم

 

[c a t w o m a n]

كل واحد و حسب ظروفه و رغبته ..

في حريم ما عندهم وظيفة ربات بيت ييبون ورى بعض اشعندهم ..

في ربات بيوت ظروفهم المادية ما تسمح يأجلون الموضوع ..

في حريم غالين عيالهم على الخدم والخاله هم هالنوعية ييبون ورى بعض ما يهمهم ..

في ناس يبون ييبون ورى بعض يربون و يكبرون و يرتاحون بعدين .. بغض النظر موظفة أو ربة منزل

في ناس بالغربة صعبة تييب ورى بعض

في و في و في

أنا أشوف المسأله مسألة ظروف و رغبة

أهم شي بالإنجاب تعطين حق كل طفل حقة من الرعاية و الحنان

حريم قبل ييبون تسع يهال بطن ورى بطن ما يقصرون بحق ولا واحد منهم

وكل واحد عارف مقدرته وسعة باله

يعطيج العافية عالطرح

 

[حياتي فيصل]

الله يعافيج اختي ..كات ومن..وصج صدقتي المسأله مسألة ظروف و رغبة
انا مادري ليش رغبتي بمولود ثاني مع ان وراي دراسة جامعه بس ماقررت للحين

اوكي حبيباتي نبي بعد اصحاب التجربه نبي نشوف رايهم

 

[" ام حمود "]

كل واحد ع حسب ظروفه
يعني انا اختار الاجابه الاولى لانه كان عندي ولد عمره 11 شهر وصرت حامل بنتي حملت عالطوول وولدت ويبت بنوته

وبعدين وقفت سنه ونص ويبت ولد والحين عمره 7 اششهر والحين انا حامل بشهر رابع

بس بوقف صج لاني تعبت منهم ههههههههههههههه
الله يسهل علي ويسهل عليكم ياارب

 

[ليالى الحنين]

الثانيه عشان ارتاح شوى لنى اتعب من الحمل كثير

 

[سوسن1980]

الاولى عشان اجيب احد يسلي ولدي او بنتي

 

[روح مغليهاM]

الاول مع عشان اجيب احد يسلوون بعض لاني انا مجربه مااعندي خواااتي بكبري كلهم صغااااار بصراحه واااااااع ياحلو الاخوات اللي كبر بعض يددننون

 

[ام حمد 85]

انا طبقت الثانية بس لها وايد مساوىء بين ولدي وبنتي سنتين و5شهور تقريبا بس لاتشوفين الغيره يكرها مايبيني اشيلها وحسيت نفسي ظالمه ومقصره مع بنتي وحاليا مستبعده الحمال كلش عشان ارتاح وتكبر بنتي تدخل الروضه او اتكمل 3سنوات وذيك الساعه افكر بالحمل

 

[:: Diva ::]

انا مطبقه الخيار الثاني
و ولدي الحين وحيد و كله يمل و يعصب و يضيق خلقه
يلعب بروحه و يكلم ظله

 

[سيلينا]

يعتمد على كل وحده وظروفها

انا جربت الخيار الاول لسبب اني كنت بطاليه بهذيج الفتره وكان ولدي يسليني فحملت بعد 9 شهور ولما ولدت كان الفرق بين بنتي وولدي سنه ونص صرااحه الحين عقب ماكبرو وصارت اعمارهم 4 سنين ونص و3 سنين حيييل متعلقين ببعض الموضوع ما يخلى انها تنكفخ ساعات بس يحبها

ماحسيت اني مقصره مع احد منهم بالعكس كل واحد فيهم ماخذ حقه

يعتمد عليج انتي بالاول وبالاخير

 

[غرور الريم]

ع حسب اذا انتي مو تدرسين والحاله الماديه اوكي مع الاول

 

[Judy . abbot]

انا مع الخيار الثاني
لازم كل واحد ياخذ حقه بالدلع ومو بس اهوه يدلع حتى انا ابي ادلع بهتم بنفسي بشوف نفسي وابي اهتم بريلي اذا يبتي يهال وري بعض
الريال متي تجابلينه متي تطلعون ولا تقعدون مع بعض
وفتره التدريس افضل الفرق عشان تاسسين كل ياهل علي راحتج

بس الخيال الاول حق حالتين
الي الحمال عندها صعب بعد يعني علاج وتعب والي تتزوج كبيره

 

[نـعـومـه]

لاااااا الاول مومعاه كلش

جسمي يكون تعبان من الولاده وتربيه ورضيع جذي ماراح اعطي كل واحد حقه اذا بسرعه حملت وحتى ماديا صعبه ورا بعض

انا رايي عقب الاول حلو اريح سنتين الا

سنتين عقبها احمل

اما الياهل الثالث هنيه اقل شي ٤ سنين اريح *

 

[شكو 77]

انا مع الثاني رغم إني خلفت الكبير وبعدها بسنتين ولدت الثاني
بس نساتي قشرة وبس عايشة بعالم آخر مادري بالدنيا والله اخاف من الحمال بسبة المرض
والوحام
يعني اذا ماتحسين بالنساة وصحتج زينة وفي من يعينج ليش لا؟؟

أنااقول الاول حلو بس مع الظروف الحلوة بعد والله يصلح ذرياتنا آمين ويبارك فيهم

 

[asOola_21]

انا مع الخيار الثاني لأن الام لازم ترتاح وتاخذ حقها والياهل نفس الشي لازم تعطينه اهتمام .. يعني انا الحين حامل وبنتي اسم الله عليها توها مكملة 3 سنوات

 

[تبطي عظم!]

الخيار الثاني

لان الطفل مو احمل واجيب واقط يبيله تربيه ودلع ومقابل وهم نفسي وجسمي لهم حق يرتاحون من الحمال !

زوجي له حق علي مو كل سنه حامل وتعب ومالج خلق له بعد حرام له حق فيج!

بعد سنتين احمل بالبيبي الثاني ااما الثالث بعد 4 او 3 سنين

هذا رايي الشخصي صراحه صحتي غاليه علي الحمل مو شي سهل بنات نقص فيتامينات ةكالسيوم وحديد الاالام مفاصل وتعب يبيلج اقل شي سنتين

ترميم لووووووول

 

[Zaina-al-zaina]

كل وحده وظروفهاااااا

انا حملت بعد سنه وجم شهر من زواجي

وبعد ماولدت مااخذت حبوب لاني خفت يأثرون علي واطول مااحمل

والحين انا توني حامل والله يعيييين ...

 

[كــوب كــرك]

انا مع الخيار الثاني عند ولد عمره ٣ سنين وانا الحين حامل بالشهر السادس
لانه الحمال والتربيه مو شي سهل ، واذا جبتهم ورا بعض ما اعتقد بقدر اهتم بنفسي او بزوجي وحتى عيالي راح اقصر فيهم وهذا كله يعتمد على ظروف الوحده وزوجها فيه ريايل يبون جهال ورا بعض وفيه مايبون مالهم خلقهم..