هل الزواج المشترك يسبب تاخر انجاب

[انثى استثناء]

بنات انا حابه اعرف من كل وحده ازوجت مع وحده معاها يعني بنفس اليوم يعني مع اخو زوجها

و هي للحين ما حملت ومرت اخو زوجها احملت ........................


لان انا اسمع كثير في نا س اتسميها جبسه و شغلات ما ادري وايد الي عندها بهشي تخبرنا


يعني وايد وحده تحمل و الثانيه لا .....

هل في سبب

 

[Amory]

والله اعرف ناس جذي سوو عرس ابنفس اليوم وما حملت وحده انا اعتقد انه من العين

المفروض ما يسوون حفله وحده ويتزوجون مره وحده لأ يخلون فتره بينهم افضل والناس مو مخليه احد ابحاله والله يكفينا من شر العين.

 

[انثى استثناء]

والله يمكن صحيح الي اتقولينه لان انا كلش ادهورت حياتي بايام الزواج

 

[Amory]

الله يعينج حبيبتي ارقي نفسج وعليج بسورة البقره.

 

[ريحة الحنه]

الله يكون بعونج ويرزقج بالذريه الصالحه المعافاه
اي والله ارقي نفسج وكثري من الاستغفار وقراءه القران

 

[شمرية لي الفخر]

لا عادي ناس واجد تزوجوا اعرفوا واحملوا وعيلوا بعد

لا تفكرين واجد


راجعي

اقري الاذكار تصدقي استغفري

 

[كويتيه87]

كل هذي بدع وكل بدعه ضلاله لان آنا قالولي ان بنت خالي مايصير اتيي عرسي تجبس عليي وآنا ليلحين ما حملت بس كلشي بإيد الله والله يرقني ويرزقج ويرزق كل محرومه

 

[توتة البسكوتة]

ما اعتقد بس انتي ارقي نفسج وشوفي دكتور شاطر والله يرزقج الذريه الصالحه يارب

 

[mosta7eel]

اقري على نفسج حبيبتي وان شاءالله ماكو الا العافيه
لاتفكرين بهالشغلات كل شي بايد الله

 

[&& النوري &&]

فعلا مثل ماقالوا البنات هذي بدعه ...


ولا تصدقينها وتشغلين نفسج فيها توكلي على الله واحصني نفسج بالاذكار لن يصيبنا الا ماكتبه الله لنا ..



هذا أمر الله قد يكون اختبار لصبرج وقوة ايمانج فاصبري ولج الاجر وان شاء الله هالشهر هذا تبشرينا بحمالج يارب ..



وعلى فكره انا عمتي انفاس وجت عرسي وقالولي كبسه او شي بس انا صج صارلي سنه وماحملت بس شايله من بالي هالفكره لاني فعلا ما ابي اشغل نفسي وكل شي بيد رب العالمين هو المانع وهو المعطي ...


والله يرزقنا جميع بالذريه الصالحه يارب ...

 

[tenten]

حبيبتى ارقي نفسج وعليج بسورة البقره يوميا


وخلي عنج هالبدع والكلام الفاضي ..؟؟ كل شي قسمة رب العالميين والارزاق بيد الله سبحانه مو بيد الناس