هل الخليجي عينه زايغة ~ للنقاش

[الآنسة الشحرورة]

السلام عليكم ورحمة الله وبركاته

كويتيات هالسالفه من زمان تقرقع ببطني وخاطري اكتبها بس اخاف ندخل بمواضيع وسوالف وفتن واخاف يشملني حديث الرسول لعن موقض الفتنة (مايحضرني الحديث نصاً )وبربرة ماتخلص واعرفكن حريم نحب الثرثرة ههههههه

المهم شبابنا الخليجي فيه الخير ومخلصين لكن بعضهم وهم الاقليه صادفت منهم مواااقف لاتحسد
كنت رايحة لمكة وشفت هالشيء بعيني وكلهم خليجيين ماعدا ابراء للذمة مابعد طحت على بحريني

كنت في ساحة الحرم وواحد زوجته تصلي وتدعي ربها وهو يتقهوى ويطالع خالاتي ويضحك وعمره بالاربعين تقريباً وخالاتي يصدون عنه وهو يطاااااااااااالع وزوجته يممممه وتصلي

والموقف الثاني كنت رايحة لفندق واختي قدامي ويقابلنا خليجي زوجته قدامه ويطالع في اختي والاتجاه كان معاكسسس يعني شوي ويدخل في اختي وزوجته مسكينة مااشية بطريقها للحرم ولا يوزع ابتسامات عقب هاوشت اختي وقالت هو يطالعني وماانزل عيوني لحد ماينزل عيونه << اختي قاهرتنا بهالحركة

والموقف الثالث كان يكلم زوجته قدام باب الفندق ويطالع وحدة خلف زوجته وعينه شوي على زوجته وشوي على الحرمة قهههههههههر ودي قايلة لزوجته ششوفي الي خلفك

والموقف الرابع واحد زوجته بمحل تسجيلات وهو واقف خلفها ووحدة واقفه عند الباب تناظر المحل وهو قاعد يطالعها وناظرته وصدت وهو يطالعها

الموقف الخامس (حصل لي شخصيا بس مو بمكة ) كنت طالعه من المجمع وهو داخل وطوول ماقابلني وهو يناااظرني خير برغم اني لابسة عباية ع الراس ومتنقبة

بنات اتمنى نتناقش وتقولون المواقف بدون ذكر الجنسيات خليجي وبس عشان نبعد عن الفتن والطق
وليش الخليجي زايغه عينه وبرغم تحصلين لبناني سوري فلسطيني مستحيل يرفع عينه وخاصة اذا معه زوجته شوي وينحني لها
مخطوبة <~ وضربت فيوزها من هالموضوع

وبنات رجاء لاتسبون فيني وتقولون ماعندك سالفه
والي بتلعن خيري لاترد

 

[تنـــاســـانــي]

هل الخليجي عينه زايغه ..

من امه عينه زايغه ..

يسلموو خيتو ع الموضوع

 

[Whisper ~]

الرجال بشكل عام عيونهم زايغه مو بس الخليجيين
وهـ الشي بطبيعتهم .. تشدهم الانثى وخاصه الانثى اللي صعبه عليهم و مو حاصلتلهم
عشان جذي البعض تشوفينهم يتعبون يركضون ورا وحده لين يآخذونها بس من يآخذونها تبرد مشاعرهم اتجاهها ويروحون يطالعون في غيرها
بإختصار ايييييه عيونهم زايغه ههههه
الله يهديهم

 

[بدورة القمورة]

الحين الرجال عيونهم زيغه وما يملا عينهم شي لدرجة انهم ينزلوا مستواهم للخدم استغرب والله من هالرجال نفسه تجي على خدااااام و عندهم زوجات ملكات جمال... الله يكسر عيونهم قولوا آآآآآآآآآمين

 

[][ نسكآفيه ][]

.:.


آغلبيتهم عينهم زآيغه

 

[the white]

الرجل بصفه عامه عينه زايغه الا الي هاديهم ربي

وابشرك حبيبتي هالحين فيه بنات عيونهم زايغه الشكوى لله , وشفتهم بعيني

الله يهدي الجميع

 

[hend6363]

حبيبتي صح اني مو خليجية
بسسسس الي اعرف ان في خليجييييين و نعم الرجال
و في الي عينه زايغة
باختصاااااااااار كل بلد فيها الشين و الجيد