هلا به كثر ماخلا بغيابه حالتي حاله
كثر ماشارعه يشكي وأنا تمتير رايح جاي
إذا كان الفرح يرسم على وجه الشقي حاله
علام الأرض ماتقوى تحمل مشيتي وخطاي
غشى بحر الفرح صدري وخذاني اليوم في جاله
وبديت احس مابالكون يسكن عاشقٍ شرواي
رجع لي خلي الغايب بعد ماحرم وصاله
وانا اللي طول هجرانه جرحني وأيّس برجواي
صحيح إنه رحل عني وترك قلبي على فاله
رحل واتلى العهد منه طلب انساه وقولة : باي
رجع لي وخابرٍ قلبي يحبه في كل احواله
رجع لي والسبب ادري صفا قلبي وطول دعاي
وزنت الناس في كفه ورجح في كفه لحاله
غلاته لابغيت اوصف مداها ترتبك اعضاي
احبه حب لو احلف فـ ( ليلى ) قيس ماشاله
احبه موت ياعالم وانا ادري بكبر بلواااي
:yaaaaaarb:
