هــديـــة الدكتور..أسامة عبدالرحيم

[أم الغزلان]

اشلونكم ياحلوين؟

انا الاسبوع الماضي خذيت الدرجه الكاملة بالاختبار...

وعطاني الدكتور اسامة كتاب هدية..لأني الوحيدة خذيت الدرجه الكاملة..

والكل ماقال شي لأنهم يدرون اني متميزة

لكن المشكلة

وحده معاي بالقاعه

من عقب الهدية واهي حاطه دوبها دوبي...وتقول اصلاً الدكتور حطلج هالدرجه عشان يميّزج عنا ويعطيج الكتاب..

انا معطيتها طاف وتقول مادري شنو غلطتي وحط لي هالدرجه وناقشته وقالي مادري شنو خطئج...

انا حيييل ماخذتها على قد عقلها

بس ليش تحقد علي وانا ماسويت لها شلت لهل شي,,هذا مجهودي..ومن حقه الدكتور يفرح يشوف تعبه..

والمشكله ذيك المرة اكتب التكليف اللي عطانا كتبته قبل المحاضرة والا تقول:::بعض الناس يكتبون الواجب متأخر بقول للدكتور ياخذ منج الكتاب

تدرون اش قلت ...قلت تبين الكتاب ((طبعا بطنازة))

قولوا اش اسوي فيها...والمشكلة تقول بنسوي جدولنا للكورس الجاي نفس الشي..ماجاوبتها
انا ماهمتني بس ليش اهي جذي

والـــمــــشـــكـــله...اني شايفه فيها رؤيا وماكنت مهتمة..وبعد سالفة الكتاب..تذكرت المنام وفسرته عند شيخ امس وقال::انتي راح تتميزيين بالمادة وراح تغار منج...وقعت الرؤيا..

ابي افتك منها اشلون؟؟؟؟؟

والدكتور والله ياناس حيييل محترم

 

[رتيل الحب]

اول شئ الف مبروووووووووووووك التفوق ومنها للأعلى إن شاء الله ~
هاذي غيره بنات مو شئ جديد مالج إلا تعطينها طاف وبس سمعي مني وطلعي من الجهه الثانيه أفضل حل
ولا تحاتين الجدول مستحيل إتسويه مثلش بالضبط يمكن يصدف معاش بماده او 2بس كل المواد مستحيل

 

[0(مـــســـ(مطير)ــــــك)0]

في اختراع حلو .. اسمه سكب .. انصحج تستخدمينه !!!!

 

[المـــــها]

ما شاء الله عليج حبيبتي إن شاء الله دوم التميز و التفوق و الله يحرسج يا قلبي من عيون الحاسدين بسم الله عليج الناس ما يعطون خير

ما عليج منها لا تعطينها أكبر من حجمها ،،،

 

[الخاطر المكسور]

طااااااف هذا الشي الوحيد الي تسوينه


انا معاي وحده يوم الامتحاان ادق علي لي الفير تخيلو

وانا كنت نايمه والعصر بالسوق ومادرست عدل

ويوم الامتحان قعدت يمي وامتحانه كان مقالي

تخيلوو شقالت ؟ تقووول بنشوووف على هالكتابه جم تييبين وهذا وانتي مو دارسه !!

يعني عادي راح تصادفين حالات من جذي وايد اهم شي طنشي

 

[cute.usa]

اول شي احب اقول لج الف مبـروووووووك التفوق و منها للاعلى ياااا رب
و ثاني شي ما عليج من هالبنت ترى بكل مكان في ناس قلوبها بيضه و ناس لا
( لا ترمي الا الشجرة المثمرة ) ما عليج منهم و دايما اقري الاذكار و حافظي على الرقيه و الله معااااااج

 

[الغدق]

ياحليه دكتورج هذا وين يعطي ؟؟
احب الدكتور اللي جذي يشجع
بس أنتي طنشيها وحاولي ماتدشين الكلاس
الا مع الدكتور عشان تحاشينها
واذا على الجدول قولي ماكو مواد
والا قوليلها سجلتي بمواد انتي
مو مسجلتهم واذا صادفتيها بعدين
قولي ايه غيرت المواد ولا اتقولينلها
درجاتج واذا اسالتج قولي مادري نسيت
وحصني عمرج

 

[حجيه هيونه]

خل تذكر ربها شفيها هذي
حبيبتي اقري على نفسج لا تصكج عين حرام والله

وطنشييييييييييها هذي ميته غيره وحره

 

[^توجان^]

مبروك التفوق.. صج أسلوبه حلو هالدكتور.. وبالنسبة للبنت راح تصادفين منها وايد.. حصني نفسج واتبعي نصائح الغدق كفت ووفت

 

[غـــــلاM]

مبرووووووووووووووك ياقلبي ويحق لج التميز والله يحفظج

البنت طنشيها
انتي : لاتفكرين فيها كل وقتج ترا موزين لج ... ولا اهي مادرت عنج ...انتي اللي قاعده تحترقين بسبتها ..
الله يهديها ويفكج من شرها


دكتور اسامه من احسن الدكاتره اللي اخذت عندهم .. مشاءالله عليه وجزاه الله خير
وموفقه يارب

 

[كلن له الله]

الف مبروووووك حبيبتي تستاهلين ماجبتيه الا بتعبج
وترا عادي يااااااااااااااما بتمر عليج هالاشكال حقريهم لان بحقرانج ينقهرون
ويقولج عش رجبا ترى عجبا
وبقول آخر عيش كتير تشوف كتير ههههههههه

 

[طهر الغيم]

أول شي ،، مبرووك حبيبتي التفووق ومنها للأعلى إن شاء الله

هههههههه استغفر الله هذي حقوده وعقلهاا صغير !!

بس شنوو تقول بعلم الدكتور ياخذ منج الكتاب :krkrkr: حركااات جهال !!

عطيهاا طاف ولاا تعطينها أكبر من حجمهاا ،،

 

[أم حمد =)]

عاد ذاك اليوم دكتورنا لما وزع اوراق الامتحان قال ماراح اقولكم منو البنات الي يابوا درجات كامله لان انتو البنات تحسدون وتغارون من بعض ..:dddds:


عطيها طاف

 

[eva beach]

استغفر الله اكرررررررررررره هالنوووووووعيه من البنات

خو ذكرووا الله شبيصير فيكم يعني !!! وفرحوا حق البنات عشان ربي يعطيكم على قد نيتكم !! بس لاحياة لمن تنادي

ترى هالنوعيه موجودين بكل مكان .. ومهنتهم الغيره والحسد والحقد واللعب بنفسيه البنات عشان يخربون عليهم

شووفي انتي عطيها طاااف بس اذا ماتسنعت قطي عليها نغزاااااااااااااات يمكن تحس شوي على دمها

يعني اذا قالت اي شي .. قوليلها ذكري الله ترى العين حق

والا اذا مصختها زيااااااااده بيعيها معاها .. وعطيها جم كلمه على الطاير حتى لو بطريق غير مباشر

كمثال : قوليلها استغفر الله مادري شفيهم البنات يانين وقاعدين خو انا مو اول وحده اييب فل مارك والدكتور يهديني !! امبيييييييي شنو هالحقد

والحسد الي فيهم .. خو درسوا وشدوا حيلكم وبتاخذون قريدات حلوة

والا تقدين تطقينها بويها .. قوليلها شفييييييييج ؟؟ عسى ماشر ؟؟ شلي تعانين منه ؟؟ لوووووووووووووووووووووول >> لا قوووويه

قاعده اتغشمر مو تسوينها

المهم انا قرقت وااااااااااااايد بس عشان بوضح لج الصورة واتوقع انها وصلت

موووفقه حبيبتي ومو تنسين تحصنين نفسج بالاذكار

 

[eva beach]

اي توني تذكرت شغله مهمه

ترى يمكن البنت تكون عضوة معانه بالمنتدى وانتي ماتدرين عنها يعني في احتمال انها قرت كلامج

عاد اذا صج هالشي .. خلاااااااااااااااااااااص راح تفتكين منها للابد لووووووووووووووول