هرمون الحليب

[*Lune*]

السلام عليكم ورحمة الله وبركاته

شلونكم صبايا ؟؟

اليوم كان عندي موعد في المستشفى مع دكتورة النساء

وكنت مسوية تحليل لهرمون الحليب الشهر اللي فات

طلع عندي الهرمون ضارب في العالي ,, الدكتورة سألتني اذا دورتي منتظمة او لا ؟

قلت لها : اي منتظمة بس تتاخر بعض الاحيان من 3 الى 5 ايام ,, قالت لي عادي

دام ان الدورة منتظمة الهرمون ما يمنع الحمل ..!!!!!!!!!!

انا ما ارتحت قلت شلون يعني ؟؟
قالت لي اهم شي انتظام الدورة اذا اوكي ما عليج من ارتفاع الهرمون

وماله داعي اصرف لج علاج ..!!!!!!!!!!!

قلت شلون ما تصرفين لي علاج انا صدري على طول مورم ويعورني ومعاي صداع

قالت خلاص دام معاج هالالم بعطيج علاج ,, وعطتني الدوستينيكس

وحولتني على قسم اطفال الانابيب وحطوا لي موعد بشهر 3 الجاي
---------------------------------------

الحين شرايكم بكلام الدكتورة ,, على فكرة انا رحت قبل حق عيادة خاصة و قالت لي الدكتورة بالعيادة الخاصة الهرمون يمنع الحمل حتى لو انتظمت الدورة قلت لها شلون ؟؟
قالت لان الهرمون يسوي مثل حاجز على البويضة يمنعها من التلقيح

يعني كلام الدكتورة بالعيادة الخاصة متناقض تماما مع كلام الدكتورة بالمستشفى

ابي رايكم بنات

 

[حرم_الغلا]

‏ ماأري والله‏!‏؟ بس اللي أعرفه يمنع الحمل غيري الدكتوره وأحسن لج تراجعين عند أستشاري أفضل والله يرزقك

 

[Break Time]

اللي اعرفه انه يمنع الحمل
لان سبحان الله الجسم يتعرف عالحليب ويحسب انه في بيبي و يرفض الاخصاب


اتمنى تراجعين اكثر من دكتوووووووووووور

وتمنياتي لج بالحمل القريب يا رب انك على كل شي قدير

 

[مربى و قيمر]

الله يرزقجً عاجلا غير آجلا يارب العالميين


الحبوب الى كتبتهم الدكتووه تنزل هرمون الحليب استمرى عليهم لان ارتفاع الهرمون يمنع الحمل هذا المعرووف

 

[~رحيل~]

لالالالا حبيبتي لازم تروحين دكتوره ثانيه .. لان ارتفاع هرمون الحليب مو زين عليج ..

وبعدين ما يصير حمل شالكلام صج بعض الدكاتره الصراحه مايعرفون شي ..

انا تعلجت عن هرمون الحليب مرتين وماكان عالي .. عطتني حبتين حق اسبوعين كل اسبوع اخذ حبه ..
بس نسيت اسم العلاج ..

 

[احساااااس انثى]

ألي اعرفه ارتفاع هرمون الحليب يمنع الحمل اختي كان فيها وتعالجت وللحين ماحملت ...
الله يرزقك بالحمل ان شاء الله هالشهر ....

 

[الزيـــــ^^ـــــن]

حبيبتي اختي سنه ونص يالله ماحملت لان فيها هرمون حليب

بس خذت الحبوب مده شهر والله حملت فأنتي اخذي الحبوب واستمري عليهم

يمكن علاجج الحبه اللي تكسرينها بالنص وكل اسبوع حبه عدل،،،؟!!

اذا هذا علاجج اخذيييه وان شاءالله يصير طبيعي

 

[*Lune*]

فديتكم والله على هالردود

المشكلة هالدكتورة اغلب اطباء العيادات الخاصه متفقين عليها انها دكتورة شاطرة

بس الله كريم ان شاءالله

الزين ,, الدواء اللي عندي حبه مرة بالاسبوع بس بدون ما اكسرها

 

[ابدا يالغالي مانساك]

معروووووف حبيبتي يمنع هرمون الحليب
انتي خوذي حبوب الهرمون اللي فيها بس حبتين وتقسمينهااا لمدة اسبوعين
صرفتهم لج
وداومي علي البردقوش زين لهرمون الحليب ورب يرزقج واذا مو مرتاااااااحه
غير الدكتوره

 

[اخت خالتهم]

انا كان مرتفع حيييل
سويت رجيم نزلت 3 كيلوات بس
جان احلل الا ناازل وايد
جربي تنزلين لو 3
انا جسمي كان زين بس نزلت وزني
والحمدلله حملت بس نزل البيبي الحمدلله على كل حال ادعي الله يعوضني
بس المهم اني حملت و كان نازل الهرمون بس مو طبيعي اعلى من الطبيعي بشوي

 

[الدميره ..]

الله يشفيج اشربي مردقوش

 

[| تفاصيل |]

الله يرزقج حبيبتي

 

[مشكاسه]

هرمون الحليب يمنع الحمل واستمري على حبوب( الدوستينيكس)والاتفكرين بالحمل لانه يرفعه بس الدكتوره ذي ماعنده ماعند جدتي اقري با نت عن القسط الهندي واشربي المرميه كثير لانه ينفع للهرمون الحليب لاتشربين بردقوش ابدا لان الحبوب ترتبها والبردقوش يخربطها واخير ان شلء الله الرابط هذا ينفعك ياااارب واخير ادعي لي بالذريه الصالحهhttp://forum.hawaaworld.com/showthread.php?t=2690524

 

[سوزي الشرقية]

احب اقول لش هالدكتورة ماعندها خبره الكافية في مجالها والدليل اني وياش على نفس السالفة يعني سنتين عندكتورة تقول لي اوك معدله طبيعي وتاليها دكتورة ثانية تقول الي 20مرتفع قليل عن المعدل الطبيعي اقل من 18عرفتي
واني الي عطوني وياه الدوااسمه دبروجين اخذه شهركامل
وكنت اقول اليها عندي الم بصدريــ وتقول طبيعي مؤكد
طيب كم معدل الهرمون عندش؟؟

 

[سعودية بالكويت]

الله يرزقج الذرية الصالحة السليمة ويشفيج عاجلا غير آجل

اللي أعرفه هرمون الحليب يمنع الحمل خاصة إذا كان عالي مرة

حتى لو الدورة منتظمة بالتاريخ ولا تتأخر مالها علاقة

شوفي غيرها وربج كريم إليه الملتجأ من قبل ومن بعد

الله يرزقج​