هرمون الحليب مرتفع دشو و اقرو سالفتي

[miss.lol]

السلام عليكم

شلونكم بنات عساكم بخير


انا بنت لي الحين مو متزوجة لما زاد وزني تلخبطت هرموناتي و قررت اسوي رجيم


سويت تحليل الهرمونات و قالولي ان هرمون الحليب عندي مرتفع و الدكتور مارضا يعطيني علاج لاني مو متزوجة


الحين شسوي ابي اعدل هرموني ابي اعشاب و لا اشياء تنزل هالهرمون عشان شعري ما يطيح تعبت نفسيا منه و اهوا يطيح


و الله قاعده اكتب لكم و انا حدي ببجي قولولي بنات شسوي


ابي شي ينقص الهرمون و اخاف اخذ حبوب الهرمون و تطيح شعري اكثر شسوي

 

[miss-winter]

والله ماعندي فكره بس روحي لاكثر من دكتور يعالجج ان شاءالله

 

["GloRia"]

مآعندي فكره انشآءالله البنآت يفيدونج ومآتشوفين شر حبيبتي ~

 

[miss.lol]

بعد عمري ماقصرتو

 

[_Pure_]

و انا بنت صارتلي لخبطة مو طبيعيه
و رحت حق الدكتوره لطيفة الدويسان و عطتني علاج هرمون الحليب و الذكوره و صرت زينه عادي
و بعدها تزوجت و حملت بسرعه الحمدلله

لازم تاخذين علاج

و لازم تسوين رجيم و رياضه لان له دور كبير

 

[مناوووي]

ياااااااااااااااااااارب يتعدل عندج

 

[الأمل الأبيض]

اختي عليج بالبردقوش

اغلي ماي و حطي ملعقة من البردقوش 10 دقايق وحطي غطى عليه

و بعدها اشربيه مرتين الى 3 مرات و هو ينزل الهرمون على طول

دعواتج لي

 

[دلع حياتي]

نفس الاخت الامل والبردقوش يعدل الهرمون والله يساعدك

 

[احساس كلمة]

حبيبتي شربي مرمية وايد زينة حق هرمون الحليب :icon30:
نقعيها بماي حار و شربيها طعمها حلو أو حطيها مع الشاي و شربيها:eshrab:
الله يشفيج حبيبتي و ماتشوفين شر:hjy5jewf:

 

[أم حمودي**MALL**]

اشلون ما عطاج علاج لانج مو متزوجه؟
صج غريبه!
حبيبتي روحي لدكتور هرمونات عشان يعطيج علاج اهي نص حبه اسبوعيا لما تتعدل نسبة الهرمون
وراح اتشوفين اشياء وايد تتحسن منها الوزن-الشعر-النفسيه
انصحج بدكتور يوسف بوعباس ممتاز

 

[miss.lol]

مشكورين حبيباتي ما قصرتو

انا ان شاء الله بقزرها الحين بالرقدوش و قال لي الطبيب ان المتن و الضعف و زيادة الوزن و نقصانه بسرعه تأثر ع الهرمون

و عقب ما اتوظف (( دعواتكم لي )) راح اروح حق طبيبه اعالج عندها

يعطيكم العافيه

 

[ملكه الحطب]

الله يشافيج ان شاء الله يااارب

وروحي حق دكتور ثاني

 

[miss.lol]

مشكورة حيببتي

اب اب اب