هذي مشكلتي بالصلاه .. عفيه بنات شسوي ؟

[بياعة عيش]

السلام عليكم
شلونكم بنات شخباركم
بنات عفيه والله عندي مشكله لما اصلي
اول ما ابدي اصلي على طول انقمت وادوخ واحس اني ما اقدر اوقف ولما اخلص صلاة احس اني خلاص تنفست واخيرا
وما ارتاح الا لما اصلي على كرسي
احس اقدر اتنفس وما ادوخ
بس انا خايفه اتعود ع الكرسي وحتى مرات انحرج من خواتي يقولون انتي شحقه تصلين على كرسي
مع ان توني صغيره يعني 16 سنه يستغربون مني شلون ما اتحمل
بنات والله ما ادري شسوي
:bbbiu:

 

[حكآية ليل ~]

رد : هذي مشكلتي بالصلاه .. عفيه بنات شسوي ؟

حبيبتي انتي كثري استغفار قبل لاتقومين تصلين​

وحاولي قد ماتقدرين تعودين نفسج تصلين عدل ​

واذا ماقدرتي الله غفوراً رحيم لايحملنا مالا طاقة لنا به​

والله يرزقج على قد نيتج بس حااااولي حااااولي قد ماتقدرين وتغلبي على نفسج​

والله يوفقج​

 

[انا لحبيبي .]

رد : هذي مشكلتي بالصلاه .. عفيه بنات شسوي ؟

بنت خالتي كانت هيك وطلع عندها فقر دم ..

من غير شر عن عمرك بس روحي افحصي شوفي

كانت بس تسجد او تركع ادوخ ولون وجها يتغير .. الله يهدي بالك يارب​

 

[بياعة عيش]

رد : هذي مشكلتي بالصلاه .. عفيه بنات شسوي ؟

اي انا سويت تحليل طلع عندي فقر دم وعطوني حبوب حديد لكن وربي مانفعوني نفس الحاله اللهم صار مايغمى علي بس هذا اللي تغير ولا الدوخه هي هي

 

[انا لحبيبي .]

رد : هذي مشكلتي بالصلاه .. عفيه بنات شسوي ؟

طيب استمريتي على الحبوب؟ ورحتي للطبيب راجعتي؟

لازم تراجعي والموضوع مو شهر ولا شهرين بنت خالتي قعدت 8 شهور

بعدين لاتزعلي لانك بتصلي على كرسي انتي بظرف ما بعلم فيه الا ربنا والدين يسر وليس عسر

انتي مو بكيفك بتصلي ع الكرسي لانك بالفعل مو قادره تسجدي حبيبتي

بس ضلك على الحبوب والدوا وروحي راجعي الطبيب لا توقفي هالشي بضرك بالمستقبل ع كبر من غير شر

سلامتك حبيبتي ما تشوفي شر​

 

[بياعة عيش]

رد : هذي مشكلتي بالصلاه .. عفيه بنات شسوي ؟

انا رحت للطبيب الشهر اللي طاف وخذيت علبه حبوب حديد مدة شهر بس ماقالت لي رجعي بعدين
ع بالي انه التزم فيها وخلاص !
و انا بالسجود ارتاح بس الوقفه اهيا اللي ما اقدر والله اشوف الدنيا سوده مرات

 

[بالحييل أحبك } ..]

رد : هذي مشكلتي بالصلاه .. عفيه بنات شسوي ؟

حبيبتي استغفري بين الصلاه و الاقامه وادعي ان الله يخليك تأدين فرضج بصحتج وبعافيج
و بعدها صلي و أنتي مرتاحه و لا توترين نفسج .. ولازم تفحصين دم حبيبتي
والله يوفقج :eh_s(7):

 

[ســتارز]

كثري من اكل السلطات الخضرة والجرجير اي شي اخضر من الخضراوات مفيد

اشربي الشوربات وخاصة شوربة الخضار وشوربة العدس

ابتعدي عن المشروبات الغازية

واذا اخذتي علاج يروحه ما يفيد لازم معاه اكل صحي

 

[ام البراء 2011]

رد : هذي مشكلتي بالصلاه .. عفيه بنات شسوي ؟

ذكرتيني بنفسي لما كنت بعمرج من اسجد واركع ادوخ طلع عندي هبوط وفقر دم قعدت سنتين اتعالج منه ..الله يشافيج ان شاء الله سوي فحوصات واذا طلعتي سليمه ..ارقي نفسج

 

[ام البراء 2011]

رد : هذي مشكلتي بالصلاه .. عفيه بنات شسوي ؟

ذكرتيني بنفسي لما كنت بعمرها من اسجد واركع ادوخ طلع عندي هبوط وفقر دم قعدت سنتين اتعالج منه ..الله يشافيها

 

[Om Fras]

رد : هذي مشكلتي بالصلاه .. عفيه بنات شسوي ؟

استغفري وايد و تعوذي من ابلييييييس

و سوي تحاليل

واذا بالسجود تتعبين ساعات يكون السبب من الاذن صح اهي ما تعورج بس يكون العيب بالاذن الداخلية او الوسطى

و ماتشوفين شر

 

[امولة الخليج]

رد : هذي مشكلتي بالصلاه .. عفيه بنات شسوي ؟

حبيبتي اللة يشفيك الدين يسر وان ماقدرتي تصلين واقفة صلي جالسة بس روحي واكشفي على نفسك لما تتشافين وتقدرين عالوقفة

 

[nora al]

رد : هذي مشكلتي بالصلاه .. عفيه بنات شسوي ؟

حبيبتي الصلاة اغلبها تمارين رياضيه سوويي فحووصات شاامله حق كل جسمج بهالعمر بالغالب يصير فيج هبووط وهذا شي طبيعي تراا



واقري العوذات قبل لاتقومين حق الصلاة واذا حسيتي بجذي لا تقعدين على كرسي حتى لو تعبتي كملي صلااتج غصب احسن لج

 

[الإسراء]

الله يكون بعونج حبيبتي ..
تعوذي من ابليس ولا تنسين الأدعية والأذكار ..

 

[مرسى الحزن]

رد : هذي مشكلتي بالصلاه .. عفيه بنات شسوي ؟

حياتووو اول شي اهتمي بنفسج وصحتج لان اللة لايكلف نفس الا وسعها واذا مو قادرة لالانج تعبانة اللة المستعان وربج انشاء اللة عارف الحال ويعذزج اما اذا كان وساويس فالشيطان شاطر استغفري ربج وكثري من الاستغفار طول الوقت وربي يشفيج

 

[wesh jaah]

رد : هذي مشكلتي بالصلاه .. عفيه بنات شسوي ؟

ماقصروا البنات وحطي بالج على نفسج

وكثري الاستغفار

وربي يهدينا ان شاء الله للصراط المستقيم

 

[eman12]

حبيبتى ماتشوفين شر
سوي تحاليل مره ثانيه وتاكدي

 

[حجيه هيونه]

رد : هذي مشكلتي بالصلاه .. عفيه بنات شسوي ؟

روحي الطبيب يسوي لج فحوصات يمكن فيج فقر دم او هبوط بالضغط

وان شاء الله مافيج الا العافيه

 

[هاديهـ&مطيعهـ]

رد : هذي مشكلتي بالصلاه .. عفيه بنات شسوي ؟

البنات ماقصروا بالردود بس ماشاءالله تبارك الرحمن لو وحده غيرج لقت لها عذر بالدوخة وأقطعت الصلاة الله يثبتج اكثر واكثر ويثبتج على طاعته

 

[ليت الماضي يرجع]

رد : هذي مشكلتي بالصلاه .. عفيه بنات شسوي ؟

هلا حياتي اذا الحبوب مانفعتك وتحليلك جيد الحل لازم تروحين تقرين عند المطوع سبحان الله يمكن مصابة بالعين الله لا يقولة




كلي فخر احب السعودية قلبي الرياض ياعمري الشرقية