هذه العمليه الثالثه لطفل الانابيب 24-9-2011

[حنو الحنينه]

السلام عليكم ورحمة الله

من 8سنوات وانا اتعالج بالمراكز لطفل الانابيب

3 مرات اللغو العلاج بسبب الجرعات ماناسبة لي

وبعدها اجريت اول طفل انابيب قبل 3سنوات نتجه حمل ضعيف

وبعدها سويتها ثانيه لكن جمدوهم بسبب تعبي وبعد 11شهر رجعوهم والنتيجه مافي حمل

وبعدها توني سويتها وانا اكتب لكم بحرقه والام واوجاع تو سقط الحمل بسبب حمل ضيف

آمنة بالله وبالقضاء خيره وشره والله يعلم اشلون حرقة اقلوبنا اذا راح منا شي نحلم فيه سنين

ولاعندي والي ولا احد من اهلي يقولي شسوي وشنو الشي اللي يرفع نسبة الحمل قلت اسولف

مع اللي عانوا مثلي لعل الله يطرح فيكم البركه وتنفسون عني كربه وحرقه ودموع ماتوقف

اللهم اجرني في مصيبتي واخلفني خيرا منها.​

 

[برونزية رشيقة]

يا بعد عمري عورتي قلبي .. بس تذكري هذي الآية ( وعسى أن تكرهوا شيئا وهو خير لكم) صدق الله العظيم .. وإنتي لج أجر عظيم على صبرج إن شاءالله .. وريحي نفسيتج لاتسوين بنفسج جذي خلج مؤمنة بقضاء الله .

 

[سعودية بالكويت]

يارب ياكريم يارحيم أرزقها ضعف ماتتمنى من الذرية​

فأنت أرحم بها من المستشفيات ومنا يارب يعوضك ويرزقك​

هالشهر بدون تدخل احد من خلقه فقط بقدرته التي قدر بها على خلقه​

بالحمل التام السليم تسعة أشهر من غير زيادة ولانقصان​

اللهم آآآآآآآآمـــيــــن​

شنو مشكلتك بتأخر الحمل ولجؤك لطفل الأنابيب ربي يشفيك ويرزقك عاجل غير​

آجل ....​

 

[ثنايا الورد]

ربي مايحرمج ولا يحرمنا كلنا نحتاج لرحمة الله وربج كريم ورحيم

 

[ايام وردية]

الله يساعدك حبوبة ماعندي غير الدعاء ان شاءللة تحملين طبيعي ولاتعب المتشفيات

 

[فتاة حالمة]

ربي يكون بعونك حبيبتي

و يجعل صبرك ومصابك في ميزان حسناتك

حبيبتي فعلا ما يحس بألمك إلا اللي عانى مثل حالتك

الحمد لله رب العالمين حمدا كثيرا

إن الله ليحبك غاليتي فهنيئا حب الله لك

فإن الله إذا أحب عبدا ابتلاه ولنا في الأنبياء أسوة حسنة

اجريت عملية طفل الانابيب لأنها كانت الحل المتاح بالنسبة لنا

زوجي يعاني من مشاكل بالخصوبة

وخلل في الكروموسومات الوراثية

مشكلة الخصوبة تهون أمام مشكلة خلل الكروموسومات

لأنو ممكن نمشي بخطوات علاج اطفال الانابيب لكن بآخر مرحلة وهي ترجيع الاجنة ممكن نتوقف

وما نكمل لانو بعد فحص الاجنة يتبين انها كلها مصابة بامراض وراثية

لكن يظل الحمد و الرضا و القناعه بالقضاء سبيلنا الوحيد

حنا ما نعرف الحكمة من وراء هذا الابتلاء

اللي قد يكون ظاهره بلاء وباطنه نعمة تخفى على عقولنا وبصائرنا القاصرة

أنا ربي أكرمني بحمل بعد ست سنوات

لكن ابني مات بأول أيام عمره نتيجة الامراض الوراثية

رضا برضاك يارب وحمدا لقضائك

و أكرمني بحمل ثاني لكنه كان كيميائي

و اكرمني بالحمل الثالث بعد 10 سنوات ببنت أعجز عن شكر ربي لوجودها بحياتي

و ربي ماراح ينساك بيعوض صبرك خير

تنفسي بعمق و انعمي بحب الله لك و تلذذي بالمناجاة ساعة السحر

فليس بينك و بين الله حجاب

أسأل الله لك حملا سليما و طفلا تام الخلق و الخلقة

 

[امواج الكويت]

عسى ربي يرزقج يا حياتي انا نفسج واعرف شعورج
انا فقدت ولدي باخر الشهر الخامس
عسى ربي يعوضنا يارب

 

[لينا]

السلام عليكم
الله يزقج ويرزقني يارب
توكلي علي الله والله هو اللي يثبته انا مثل حالتج صار لي ١٣ سنه ماحملت
وسويت طفل انبوب ٣ مرتين حملت بالعمليه ماقسم ربي
وحمل مره وانا اكل حبوب مانع سبحان الله
انا ماعندي الحل عند رب العالمين هو الرزاق
والله يشفيني ويشفي كل مريض
عليج بالدعا والصلاة
بالتوفيق

 

[احلاء المعانى]

يارب يا رحيم يرزقج ويرزقني بالشهر الكريم يقول ادعوني استجب لكم\\ وانا ارفع ايادي الي السماء وادعوه ان يرزقني ويرزق جميع المحروومات بالذريه الصالحه يا رزاق يا رحيم برحمتك يرحم عبادك الصالحين ان تستجيب ادعائ \\ ودمتى بود

 

[المشاعرالصامتة]

الله كريم ياأختي ربي يفرجها عليج وعلينا جميعا المثبت رب العالمين الله يرزقج الذريه الصالحه ويوفقج ادعولي خواتي عندي حقن مجهري بعد كم يوووم والنفسيه مو شي

 

[نف نف22]

اللهم يااارحمن ياارحيم ترزقها وترزقنا وترزق كل محرومه اللهم امين

 

[إباء الروح]

ياحبيبتي
انا بقولك السر..
1- الثقه بالله سبحانه.
2- قراءة القران ليلياا ...انا كنت اقرأ تبارك ...وكنت اقرأ التوحيد 4 مرات لانهم يعادون القران كامل ليليلا واهديهم لافضل الخلق صلى الله عليه وآله وسلم ..واحط ايدي فوق رحمي ...وادعوا واهم شيء النيه وهمن اصلي عليه سلام الله عليه عدد من المرات ليلياا ..تراها حدها زينة.
3- كثرة الاستغفار في اي وقت وبعد كل فرض 70 او 100 مرة بنية الحمل والتوفيق ...انا احب صيغة ( استغفر الله ربي واتوب اليه ) لفظ ربي فيه حنان والطاف عجيبه ..
4 كرري الاية ..(رب هب لي من لدنك ذرية طيبة انك سميع الدعاء)
اي وقت انتي فاضيه فيه حتى وانتي تغسلين المواعين مثلا يعني خلي لسانك على طول مشغول بالاذكار ..
5- الصلاة بالليل لو ركعتين وبالذات اذا كنت حدك متضايقه وتعبانه.
6- النذر لله.
7- ولا تنسين الصدقة والصراحة بحبحيها على حسب مقدرتك..لقوله تعالى (لن تنالوا البر حتى تنفقوا مما تحبون)
انا لي فترة طويلة وماحملت واخرها قالوا لنا ان زوجي عنده ضعف بالعدد والحر كة ...وانا ضعف تبويض ...
في نفس الاسبوع اللي حلل فيه زوجي سبحان ربي الكريم حملت...
والصراحة مداومة على الاذكار يمكن 3 شهور وان شاء الله ماانقطع.
وان شاء الله ربي يفرح قلبك وتفرحينا .

 

[زينة الهيلا]

يابعد قلبي عليج بالاستغفار والبقره
وعسي الله يعجل لنا بالفرج

 

[حنو الحنينه]

السلام عليكم

الله يوفقكم دنيا واخره اللي ردوا علي واللي دعو لي الله لايحرمكم الاجر

المشكله ضعف بالزوج واجمعوا كل الاطباء مافي حل لنا الا عن طريق طفل الانابيب حمل طبيعي مستحيل بعد ارادة الله

السؤال ليش يصير حمل ضعيف ايش اللي ضعفه والدكتور مليت ادق عليه ابي يرد ماحصلته​

الله يوفق اللي تعرف وتريح بالي ناوين نعيدها وتنعاد حرقة الاعصاب معاها والانتضار والترقب يالله لاتخلينه من رحمتك ​

__________________

​

 

[غلا عيوني]

الله يرزقج ان شالله ماعليج من كلام الدكاتره اذا ربي كاتبلج الذريه ان شالله تشوفينها انتي اسعى وعالجي وخلي الباقي لله عزوجل

 

[دآنة آلرشآيده]

الله يرزقج بالذريهـ الصالحه ويفرح قلبج يارب
اختي كثري استغفار بنيه الحمل واقري سوره البقره
والله كريم وان شاء الله تحملين بدون شي وطبيعي ​

 

[7googya]

حبيبتي وعسى ان تكرهو شيء وهو خير لكم .. ان شالله خيره وكله بأجره ... وعسى ربي يرزقج بالذريه الصالحه المعافاه ويطمن بالج ويسر خاطرج يارب ..انا صارلي 8 سنين متزوجه وما الله كتبلي الحمال الحمدالله على كل حال ..قبل جم يوم وصلني مسج عن التوكل على الله وفضل التوكل على الله وشلون ناس كانت عندهم مشاكل وامور معلقه بفضل التوكل على الله ربج يسرها لهم لازم تيقنين بالله ان اهوا الرازق والعاطي والدكاتره وسيله فقط لاغير ومن ضمن المسج في واحد يسأل الشيخ مشاري الخراز يقوله شلون الي فيه عقم له علاج قاله اي بالصدقه والاستغفار والدعاء في ساعات الاستجابه .. "واهي1) في السجود اقرب مايكون العبد عند ربه ..2)وفي الثلث الاخير من الليل صلي ركعتين وادعاي ربج بالوتر..3) وبين الاذان والاقامه ..4) و في اخر ساعه من يوم الجمعه قبل اذان المغرب بساعه ادعاي ربج " .. توكلي على الله بأمورج كلها وحطاي بالج رزقج بييج ان شالله

وعسى الله يرزقني وياج وكل محروم بالذريه الصالحه المعافاه الي تقر عينا فيهم ويكونو سندنا بالدنيا ...

 

[حنو الحنينه]

الله يوفقكم ويبارك فيكم وفعلا التوكل باليقين له اموره المحموده

اشرايكم ارجع اسويها المره الرابعه​

 

[زين ودلال]

الله يرزقج يااارب

حبيبتي سويها مره رابعه وخامسه لاتيأسين وان شاء الله ربي بيرزقج

 

[الريشة]

إذا تبين تسوين الرابعة لا تعلمين أحد كلش.
لأن الرسول عليه السلام قال:
اقضوا أموركم بالكتمان ، فكل ذي نعمة محسود.
و قبل لا تسوينها دفعي صدقة مبلغها وايد حق ناس محتاجين عشان يدعون لك و انويها صدقة عنك عشان الله يغفر لك و يرزقك الذرية.