هذا منبه روعه لخبرة انا الانسان بس ماعرف شنو الهدف الي يحققه :(

[جنزبيلا]

مرحبا بنات
بختصر عليكم لاني صج مشغوله وابي ردكم باسرع وقت اذا تكرمتوا

انا طالبه بجامعة الكويت وماخذه مادة تدريس في رياض الاطفال ومطلوب اقدم حلقه بالروضه واصور نفسي فيديو وتشوفني الدكتوره
المهم

انا بروح اقدم يوم الخميس وتكون خبره انا الانسان

عندي منبه شفته مره فبنت معاي بماده ثانيه وكان روووووعه وجذبنا حيل

المنبه
اول ماتدخل الابله تقول شريت لكم هديه ومعاها صندوق تبطله تلاقي داخل ورده ولعبه صغيره كتكوت
المهم تمسك الكتكوت وتطالعه وتحاجيه مرحبا وكيف حالك
وبعدين تقول للاطفال لماذ لا يرد الكتكوت ؟
بعدين تقول الكتوكوت حيوان وهل الحيونات تتكلم ؟
المهم يوصلون ان الانسان يتكلم
ونفس الشيء للورده النبات لايتكلم

بس بعدها مادري شلون اكمل نسيت البنت شنو قالت

شنو الهدف حق هالمنبه ؟

يصير اقول بماذا نتكلم؟ باللسان
واي يوجد اللسان؟
بالفم
وماذا نستفيد من الفم ؟
نتذوق
يصير جذي ابلات؟

ماعرف شن والاهداف


ياليت اللي تعرف تكتب لي اهداف وانا بروح يوم الخميس يعني الاطفال يكون عندهم شوي خلفيه عن الدروس



تكفون ناطرتكم ماخذه 6 مواد وكل ماده يبيلها مشروع وبحث ماعندي وقت

واللي بترد وتساعدني حلال عليها المنبه واللي بتقرا وتطلع مو مسامحتها ولا ابيحها << شسوي المنتدى صار جذي ياخذ ومايعطي
خصوصا هالقسم مادري ليش النحاسه



يلا ابلات ناطرتكم

 

[فتووم]

انا بنت عمليه والله ما اقدر افيدج بشي
بس المنبه قديم
يكون عندج 3 صنااااديق واحد زرع والثاني اي حيوان والثالث صورة انسان

 

[جنزبيلا]

رد : هذا منبه روعه لخبرة انا الانسان بس ماعرف شنو الهدف الي يحققه

صج المنبه قديم ؟

انزين شنو اقدر احط منبه

ابلات وينكم شدعوه

 

[الدقمة]

قوووه
أنا بعد تربية عملية ... ما أقدر أفيدج حيل بس ترا في موضوع متكامل عن هالخبرة و الله يفيــد جزاهم الله خير كل من ساهم فيه ..
و موفقه حبيبتي ...

 

[جنزبيلا]

رد : هذا منبه روعه لخبرة انا الانسان بس ماعرف شنو الهدف الي يحققه

اممممم ويقولون مانبي نحاسه
هذا وانا توني ماصرت ابله بدت النحاسه
فوق ال60 مشاهده وردين بس ومن بنات ميداني

 

[سراب فوفو]

رد : هذا منبه روعه لخبرة انا الانسان بس ماعرف شنو الهدف الي يحققه

وانا بعد ميداني انشالله البنات يفيدونج بروحي ضايعه مااعرف لووول
اب اب لعيونج

 

[om-HaSsoOon]

شووفي حبيبتي احنا الاهداف حاطينها وخالصه

يعني انتي بتروحين الخميس عدل

عارفه اي روضه واي مستوى بتدرسين ؟ روحي الروضه قبل الخميس عشان تشوفين دفتر الابله وتكون كاتبه الاهداف ليوم الخميس

بتكونين عارفه اهدافج وشراح تقدمين لهم الخميس ، وعلى هالاهداف بتحطين المنبه وتخططين لدرسج بحيث تحققين الاهداف كلها

بالنسبه لي انا اول مره اشرح هالخبره وهم حايسه مع المنبه بس اذا تبين شي امري

 

[جنزبيلا]

رد : هذا منبه روعه لخبرة انا الانسان بس ماعرف شنو الهدف الي يحققه

ام حسون اعرف اي روضه ومستوى ثاني مظبطه كل شيء

بس مو شرط امشي على دفتر الابلات انا متفقه معاهم انا اسوي درس بختياري وقالوا عادي :33_1185028183:

 

[المستغفرة 74]

رد : هذا منبه روعه لخبرة انا الانسان بس ماعرف شنو الهدف الي يحققه

هذا المنبة يصلح لهدف يتعرف على ذاتة .( ان الله سبحانة ميزو عن باقي المعلومات بالعقل والكلام )
نصيحة سوي درس عن كلمة احسن واسهل . ويكون منبهج بوربوينت يجذب الطفل لان هذا المنبة يطول ويخرب عليج .

 

[كاتبه حيرانه]

هههههههههههههههههههههههههههههه داشين رياض وماتبون نحاسه
الموجهه دخلت على اربع فصول والكل نفس المنبه ماخذينه من المنتدي نفسه
الله يعين

 

[جنزبيلا]

رد : هذا منبه روعه لخبرة انا الانسان بس ماعرف شنو الهدف الي يحققه

من صجج؟
والله عاد اللي ماخذته ومو كاتبه شيء ولا مساعدتني بذمتها
قهر


هذا ومربيات اجيال بعد

 

[المستغفرة 74]

رد : هذا منبه روعه لخبرة انا الانسان بس ماعرف شنو الهدف الي يحققه

من صجج؟
والله عاد اللي ماخذته ومو كاتبه شيء ولا مساعدتني بذمتها
قهر


هذا ومربيات اجيال بعد

??????????????????????????????????

 

[بنت الاجواد]

موفقه