>> هذا طبعي واسلوبي <<

[shy rose]

السلام عليكم ورحمه الله وبركاته..
حبيباتي اخواتي في منتدى كويتيات ..
لدي مشكله ومعاناة مازالت مستمرة الى الان والله يصبرني ويعيني على باقي حياااتي..
انا اعاني من كثرت المشاكل مع زوجي وحبيت اطرح هذة المشكله لعلى وعسى اطلع بنتيجه ..
اول سته اشهر >> كان مدلعني وكل شيي يجيبه لي ..:rerrerek:
السنه الاولى >> عرفت اطباعه وعرف اطباعي .. طبعه تغير عن الطبع الاول وبدا يعصب ويتنرفز من كل شي .. وبدا المعاير اللي هو طبعه يعني مثلا لبسك مو حلو .. بشرتك كلها حب شباب ..طبخك مو حلو:eh_s(2): << كلام قسم بالله يقهر ..:eh_s(11): وبرمضان اشكل له السفره الوان واشكال ومع ذلك مافيه تسلم ايديك يشرب قفشه شوربه ويعصب علي بعدين يقولي انتي ماتعرفين تطبخين ..:eh_s(16):
قلت يمكن عشان مابينا اولاد >> فكرت اجيب ولد او بنت يمكن تتغير حياتنا..
مرت سنتين وجبت بنت .. قلت يمكن يتغير اسلوبه وطبعه .. لكن ماشفت شي ..:eh_s(11):
طبعن انا موظفه وبنتي تنام معي .. الرجال صار ينام لحاله بحجه البنت تزعجه بالليل وبحجه اني اصحى قبلة عشان دوامي قبل دوامه بنص ساعه اولع الليت اتشخص يعني الليت ياذيه ..
جبت ولد بعد بنتي والاسلوب ماتغير.. والمزاج معكر .. والله يابنات انه يجلس لحاله بالمجلس اكثر من انه يجلس معنا يعني الصباح دواااام يرجع 3 العصر ينام ساعتين يصحى يشرب شاي قبل اذان العشا يروح للشباب ومايرجع الا 9.30 وياكل عشا خفيف معنا ويرجع للمجلس يتابع الاخبار والنت الساعه 12 او 1 ينام طبعا في المجلس..
بعدين لو اقوله جيب هذا او ابي اغراض من المكتبه يقول نطري اخر الاسبوع << قهر:eh_s(11):
بصراحه بنات انا خلاص صرت ماطيقه واحس انه زوج وجوده مثل عدمه ..
وانا صارلي معه 7 سنوات وعندي بنت وولد
واللي فيه مزعجني يحب يجلسه بروحه ع النت او يشوف التلفزيون ويضايق من صراخ الاولاد..
واذا تناقشت معة في طريقه معاملته يقولي >>هذا طبعي واسلوبي<<

زبدة القصه لذوات التجارب وش تشورون علي بحياتي معه ..
عن جد احس اني اعيش عشان عيالي مو عشانه والله :eh_s(11):

 

[الأميرة الحزينة]

الله يعينج عليه صراحه يبط الجبد

 

[واصله]

الله يهديه يارب
وكل شي بالتفاهم
كلميه وقوليله عن اسلوبه

 

[حلا&حلا]

ياالله الله يعينك شوفي حبيبتي انا عندي صديقه كانت تعاني من مشكلتك شي واحد متشابه وهو زوجها يحب يجلس لحاله
وكانت تتضايق كثير ورحت وشتكتله من إسلوبها إنت ماتعبرني ولا تقعد عندي كثير وصير زعل بينهم هههههه
بس مره قرت موضع إن رجل تجيهم دوره شهريه وهو بعض راجل يحبو يقعدو لحالهم وميحبو احد عندهم ويفكر بمور حياتهم
وسموه دوره رجل الي تجي بعد كل فتره
وفكرت قالت إمكن زوجي من هذا النوع وصارت اتخليه ع راحته يجلس لحاله ويرتح وكتشافت إن زوجه من هذي نوعيه وصار يناديه ويشتاق له اكثر منقبل وهم الحين زي العسل
حبيبتي لاتعبي نفسك وحولي تكشفي إيش يعجبه ويش مايعجبه وتصارحيه بسلوب حلوو

 

[ام شووووق]

اقري سورة البقرة واستغفري وادعيله الله يسخره لج

 

[ســيـsimaـــما]

حاولي تسوين له جو يعني ترتبن وقتك وتنومين العيال بدري وتقعدين معاه بالمجلس الي يقعد فيه وتفتحين معاه الموضوع بس بتفاهم قوليله ايش الي مزعجك ليش متغير علي وحاولي ماتفتحين معاه الموضوع وهو مو رايق شوفي الوقت المناسب يمكن يتعدل ويغير من اسلوبه في رجاجييل مايحبوون الازعاج وصراخ الاطفال فحاولي تلبين الي يبيه وراح تشوفينه تغير
والله يسخر لك زوجك ويهديه

 

[بحرينيه كوول21]

الله يهدبيه لج

 

[** محبوبه**]

الله يهديه ويصلحه ويسخر لج

 

[رهف76]

الله يهديه لك

 

[وجدان الحلا]

طنشيه طناااااش تام يمكن يحس

الله يهديه ينرررررررفز

 

[amoona89]

حاولي تسوين له جو يعني ترتبن وقتك وتنومين العيال بدري وتقعدين معاه بالمجلس الي يقعد فيه وتفتحين معاه الموضوع بس بتفاهم قوليله ايش الي مزعجك ليش متغير علي وحاولي ماتفتحين معاه الموضوع وهو مو رايق شوفي الوقت المناسب يمكن يتعدل ويغير من اسلوبه في رجاجييل مايحبوون الازعاج وصراخ الاطفال فحاولي تلبين الي يبيه وراح تشوفينه تغير
والله يسخر لك زوجك ويهديه

+1
معاهاا حق
عسى ربي يهديكم ويسخر زوجج لج ياااااارب:yaaaaaarb:​

 

[محاميه كويتيه]

شوفي حبيبتي الريال ما يحب المره الي تحن عليه وتطلب منه يقعد معاها ويسولف معاها فأنتي خليه على راحته ولا تطلبين منه شي وصدقيني هو راح يستغرب وراح يشتاقلج ويناديج وهم بعد حاولي تخلين عيالج يوم بالاسبوع عند حمولتج او اهلج وخلي البيت هادي وهيئيله الجو عشان يقعد ويسولف
واقري البقرة كل يوم وشوفي اشلون حياتج بتتغير

 

[قاهره عذالي]

الله يلوع جبودهم
لا من نفس حلوه
لا من كلمه طيبه
ابد مايبين بعينهم
مال تحقرينه حقران ويموت

 

[عهد..]

شوفي حبيبتي حاولي تنومين الاولاد بدري بعد العشاء على طول
يعني خليهم صاحين من الصبح
وتكشخي والبسي احلا قمصان نومك وهو بيجي عندك وفض فضي له
قولي ماصرت احسك مثل زمان وووو,,,,,,,,,,,
وقت النوم حاولي تطلعين اغرضك الي تحتاجينها للدوم قبل تنامين
بالغررفه الثانيه طلعي لبسك وروجك وكحلك وكل شي وتجهزي برا الغرفه
عشان لاتزعجينه جهزي فطوره وكتبي ورقه حلوه له على الطاوله قبل تطلعين
وحاولي اوقات الوجبات تاكلين اولادك قبل وتخلصين منهم
وحطيهم عند التلفزيون وانتو اكلو مع بعض
ووقت القهوه اي وقت تكونو انتي وزوجك مع بعض
المهم اولادك نادر يكونو معكم وهما صغار
لان زوجك من النوع الي مايحب الازعاج من الاطفال
بالنسبه للاولاد اذا هم صاحين من الصبح
ونامو العشاء والله مايتحكون ولايصحو الا الصبح اليوم الثاني لا تشيلين همهم
واكتبي له راساله جوال طلعي كل الي بقلبك له والله يهديه لك ان شاء الله..​

 

[Vaniela]

الله يهديه ان شاء الله في ريايل ما يحبون اليهال يكونون حولهم ينزعجون ,,
بس ينام بروحه لا مب حلوه ليش متزوج !!
جيبيه ينام عندج والبنات ما قصروا سوي الي يقولون لج عليه

 

[خالف تعرف]

الحل انج ماتحطين فبالج هالشي
شي طبيعي 7 اسنين لازم تحوشكم فتره فتور
ولازم انتي تستقلينها
يعني مثلا تسوين جو رمنسي
وقبلها تنومين الجاهال
وقعدي معاه بوسيه على خده حبيبي انا ودي يتعدل وضعنه
احنه حبايب ليش وصلنه لهاذي المرحله
حبيبي ميخالف انته اظغط على نفسك وانا اظغط على نفسي عشان نمشي الامور
غير هذا قعدي معاه وحظنيه وقوليله انته ماراح اتنام بالصاله بتنام عندي
العيال ينامون بغرفتهم واحنه بغرفتنه
وعيالج اذا ماينامون امبجر لاتنومينهم العصر لههيهم حتى لو صغار
عرفتي وطبقي الي اقوله ان شالله تتعدل اوظاعج
ايه تعالي نسيت اقولج شي
كل ماتبين تشوفين زوجج يعني مثلا موعد جيته من الدوام استغفري استغفر الله استغفر الله وكثر ماتقدرين
راح تشوفين انه هادي ومتجنب المشاكل وطاخ
هذا الشي احسن من السحر
الاستغفار له مفعول جدا قوي جربي
واذا ظبط معاج هالشي ادعيلي بظهر غيب ان الله يهدي زوجي

 

[am haron]

الله ايكون بعونك حبيبتى والله انه معطم الرياييل متل ريلك
قليل ماتسمع منهم كلمة طيبة مو حلوة والاجر النا في الاخرة
وزى ماقلتى حياتك علشان عيالك مو علشانه

 

[FANTASYA]

شوفي حبيبتي حاولي تنومين الاولاد بدري بعد العشاء على طول
يعني خليهم صاحين من الصبح
وتكشخي والبسي احلا قمصان نومك وهو بيجي عندك وفض فضي له
قولي ماصرت احسك مثل زمان وووو,,,,,,,,,,,
وقت النوم حاولي تطلعين اغرضك الي تحتاجينها للدوم قبل تنامين
بالغررفه الثانيه طلعي لبسك وروجك وكحلك وكل شي وتجهزي برا الغرفه
عشان لاتزعجينه جهزي فطوره وكتبي ورقه حلوه له على الطاوله قبل تطلعين
وحاولي اوقات الوجبات تاكلين اولادك قبل وتخلصين منهم
وحطيهم عند التلفزيون وانتو اكلو مع بعض
ووقت القهوه اي وقت تكونو انتي وزوجك مع بعض
المهم اولادك نادر يكونو معكم وهما صغار
لان زوجك من النوع الي مايحب الازعاج من الاطفال
بالنسبه للاولاد اذا هم صاحين من الصبح
ونامو العشاء والله مايتحكون ولايصحو الا الصبح اليوم الثاني لا تشيلين همهم
واكتبي له راساله جوال طلعي كل الي بقلبك له والله يهديه لك ان شاء الله..​

هذا الكلام الصح

 

[أم توتو]

الله يهديه لج ويسخره اكيد في شي مخليه جذيه يمكن الملل كل يوم نفس الروتين دوري على اللي مضايقه

 

[M!Ss Smart]

اقري سوره البقره وكلميه وتفاهمي معاه