هذا شعور الكل ...و لا انا حالة استثناء ...بليز ساعدوني ..؟؟

[شعولة العسولة]

السلام عليكم و رحمة الله و بركاته ,,,,

خواتي آنا حابة استفسر كم عن شغلة ...أبي اسالكم عن شي شعور يرادوني من حين لحين مادري إذا الكل مثلي

أم أني حالة اشتثناء مثل ما جدتي تقول :080402ask_prv:....

ماحس بالسعادة ابد ...ماحسيت بالفرحة من زمان ....ماأحس...مادري شاقول و الله مادري :eh_s(11):

يعني أذكر أول كنت استاااااانس لا جا رمضان ألحين صار عادي ..يعني لا أني مستانسة ولا اني زعلانة ..

و كنت أفرح وايد لا يا العيد الحين عااااااااااااااااااااااااادي نفس الشعور....

أبي احس بالفرحة ..أبي ارد مثل ايام قبل لا ضحكت أضحك من كل قلبي ...مادري شاقول و الله مادري ....

لما اطالع البوماتي و انا ياهل كله اضحك كله مبتسمة حتى كانوا يقولون لي دعاية السجنال ....

ألحين أحيانا فرحان و أغلب الأوقات مطنجرة وكله عندي عادي و زي بعضه ...شاسوي ...

اشلون اتصرف ...

تكفووووووووووووووووووووووووووووووون دلوني ...:eh_s(11):

و هل في احد يحس مثلي ..؟؟؟

تحياتي لكم

مشاعل ....:hjy5jewf:

 

[iron women]

سمعي يشعولة العسولة حبوبه كلنا نمر بهالحالة انا اسميها حالة الماي يعني تحسين ان الحياة مثل الماي

لاطعم ولا لون ولا ريحة بس يفترض انها تكون مؤقته وتزول بس اذا كانت حالة ملازمه الشخص ومستمرة معاه

بكل احداث وتغيرات حياته انا بعتقادي هاذا شي راجع للملل والروتين بمعنى

ان ماعندج شي تضيفينه حق نفسج موقاعده تسوين اى انجاز يديد ولو بسيط من باب التغيير او حتى
من باب ارضاء وزيادة الثقة بالنفس

نصيحتي لج مارسي اى نشاط او هواية يديده كسري الروتين المهم شي تحبينه وتستمتعين فيه

تحياتي

 

[$نسيم الصباح$]

تقريبا مثل حالتي بس أنا أحس بسعاده لما إيمانياتي تزيد وطاعاتي أفرح لما أقدم صدقة أو خير لأحد وايد شعور مفرح , بس ساعات
تجيني حالتي الملل من الحياة ماأشعر الحياة فيها متعه مالها طعم ماصخه ,
وساعات أحس إن الدنيا ضيقه وضايقه فيني مادري الله يغير الحال .

 

[ام الدرر]

ياقلبي مافي حزن دايم ولا سعادة دايمه كل شي له وقت
السن يحكم الاطفال هم يستانسون باي شي لانه بالهم خالي لا مسؤوليات ولا مشاكل ولا هموم
لا يحاتون لا حاضر ولا مستقبل
بس هم ما يمنع الكبار لازم يستانسون
الفرح احنا اللي نصنعه مثل مايقولون
ليش ياقلبي ماتستانسين وايد بقدوم رمضان شهر عبادة والاعمال فيه مضاعفة واحب الشهور لله جل وعلا
والعيد ليش عادي تراه فرحه الصايم ..........
عيشي حياتج وتحكمي فيها لاتخلين الهم يتحكم فيج
الحمدلله مدام الصحه وراحة البال موجودة شالللي يمنع الفرح
ولنا في رسول الله -صلى الله عليه وسلم- القدوة حين قال « مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا ».
شفتي ياعمري الامن والصحة وقوت اليوم تملكنا الدنيا
عسى ربي يسعدج ويفرح قلبج ​

 

[ToOoTi]

ايام الطفولة نحس بالسعادة ونضحك على اي شي
حتى فرحة العيد غيييييييييير ننطره ما نقدر ننام
بس الحين كبرنا وكبرت الالتزامات ويانا
ما قمنا نحس نفس اول

 

[جفا الأصحاب]

انتي اول شي قنعي نفسج انج مستانسه لا تخلين الشيطان يقص عليج
وترى شي طبيعي اذا كنتي صغيره تحسين بالوناسه اكثر كلنا جذي... واهم بشي بهذا الشهر كثري من الطاعات وابتعدي عن المسلسلات ترى اهي اللي تييب ضيقة الخلق

 

[‏ڝڋٸ ٵڸڪٿہـآڻ]

كثري من الإستغفار .. وحاولي تكسرين الروتين

 

[نبض السعاده]

رد : هذا شعور الكل ...و لا انا حالة استثناء ...بليز ساعدوني ..؟؟

لا شعور وايد عادي
فرحتنا قبل وأحنا صغار غير
الحين المسؤوليه تنظيف وحطي وسوي جدام الناس أيام الطفوله ماكو مسؤاليه بس نبي نلعب ​

:ada:

 

[ارض الاجواد]

سبحان الله نفس الشعور

 

[وهج الحب]

السلام:
حبيبتي ما شئ تغير فيج الدنيا هي اللي تغيرت وما يفرحك وانت صغيرة صار عادي اذا كبرت الروتين مثل ما قالت (ايرن وومن ) ..حبيبتي اذا انت كانوا يسمونك سينجال انا كانوا يسموني كركر كان اخوي الله يرحمة يقولي الا اوقف هذه الضحكة المزعجة يا انا ياهي وما درة الله يرحمة ان بروحتة بتوقف بروحها ..اختي جات فترة من حياتي عشت مثل ما قلتي ..لكن تلاحقت نفسي لاني حسيت اني باوصل لشفة الكأبة ..اتجهت الى الله ان ياخذ بيدي ويعيني على نفسي ولاني صادقة مع الله اجابني والحمدلله ..ورجعت مثل الاول بس مش كرر لا معجون اسنان سيجنال ..
اختي با قولج نصيحة اتجه لله وتضرعي ان يعينك على نفسك ..وبعدين سوي كل شئ تحبينة ويجيب لك الفرحة لازم فيه شئ شوفي هنية هناك ..لا تقولين مالي صديقات انت صديقة نفسك العزيزة روحي كوفي شوب لو بروحك اجلسي جلسة ملكة ..حبي نفسك وايد وايد واحترميها وقدريها ..
تصدقي عطي الفقارى ...انظري للحياة انها حلوة بتشوفينها حلوة ..ابتسمي غصب طيب ابتسمي ..
اقري وايد القرأة متعة ما بعدها متعة ..
ترا حبيبتي اذا شفت الحياة من ثقب اسود بتمين دايما تنظرين من هالخرم وكل ما جا شئ يسعدك وقعدي يوم يومين بتملين منه وبيصير عادي ..
الله يوفقك ويفرح ويعينك على ما انتي فيه يارب العالمين دعوة من القلب بهذا الشهر الفضيل واتمنى ان تجاب لك يارب

 

[Un-6be3iya]

وآي يا حلو ايام الطفولة
تشوفينا 24 ساعة نضحك لان لا هموم لا تفكير ولا شي ..
ياليتها ترد

 

[قطوطه حلوه]

رد : هذا شعور الكل ...و لا انا حالة استثناء ...بليز ساعدوني ..؟؟

انااا نفسج بالضببببببببببببط شالحل

 

[تنـــاســـانــي]

انا نفس حالتج بالزبط

 

[عيش و مرق]

اول امى كللله اسمعها تقول هلمثل ..... ليت قلبى قلب طفل .........ماكنت اعرف شمعناته وله شفى قلب الطفل

الحين فهمت ان الطفل اكبر همه لعبته ومايحاتى شي ثانى

 

[سمبتيكا ~]

الإنسان كل مايكبر يكبر همه وياه

​

 

[MoonDiamond]

والله انا مرات مثلج بس اظن ليش كبرنا وكثرت المسؤوليات
بس مرات نفلها ونكسر الروتين

كسري الروتين واستانسي

 

[واقعية حـلـم !]

انا امرررر بهالحالة دايما


سببها الملل


حطي لنفسج اهداف على المدى القصير يعني لليوم و استانسي اذا انجزتيهاااااااا

مثلا قولي اليوم بقرى البقرة

هالشهر بختم القرآن

اليوم بهتم بجسمي

اليوم بروح الصالون اسوي حمام زيت او بدكيررر

اليوم برتب غرفتي و اشتري لها اكسسوار جديد

اليوم برتب كبتي و اقسمه عدل و بحط كل شي بمكانه


الشهر الجاي بجدد عطوري


بسوي نيوك لوك لبداية السنه الجاية ان شاء الله يعني تبدين من الحين الى شهر واحد تكونين غيرررر


المقصد من كلامي


حطي لنفسج أهداف و بتفرحين اذا انجزتيهاااا



صديقاتج الي من زمان عنهم واصليهم بتسولفون و بتذكرون سوالف قديمةة و بتستانسين


اقري مواضيع ناعمة الهاشمي سوي سيرج بقوقل عنها ان شاء الله تفيدج


اقري سورة الشرح


احمدي الله دايماااااا على كل حال


استغفري


تعاملي مع حياتك بحب


و الله يوفقك و يملى أيامك سعادة

 

[بنت الواوان]

رد : هذا شعور الكل ...و لا انا حالة استثناء ...بليز ساعدوني ..؟؟

عادي شعور الناس كلهم جذي يوم كنا صغار كان همنا لعبتنا ويوم كبرنا كبرت همومنا يريت نرجع يهال

 

[> Miss M6ereiah <]

انا بعد نفسج كثرت الهموم وزادت المسؤلية

 

[كرز حالي.]

رد : هذا شعور الكل ...و لا انا حالة استثناء ...بليز ساعدوني ..؟؟

يمكن التفكير السلبي او الخوف من باجر او المحاتاة او انشغالج بالتفكير بحياتج
بس انتي تعوذي من ابليس وخلي باجر مكتوب عند ربج وبالعكس رافجي بنات حبوبات ودايم يضحكون وينكتون واذا لقيتي اهلج يسولفون دخلي معاهم بالجو وسولفي واستانسي
والله يوفقج