يامرحبا ومسهلا فيكم يا احلى كويتيات
ااااااخ على الي صار يو فليت شعري
اول شي بالبدايه حبيبت اشكر العضوه ( زبدة كاكاو ) على موضوعها الي نسحر في ازواجنا
حيييييييل استفدت منه وتعلمت وطبقت واقولها جزاج الله خير ومشكوره يا بعد حيي
بس شوووووووفو وش صار يوم طبقت
بما اني متزوجه من سنتين بس ولامره سويت جو رومانصيي :friends:
فقلت ابي اتغير مع هالسنه الجديده شريت هالقميص الي استحيت من نفسي يومني البسه
وقصيت شعري مدرجات من جدام تغيرت شكلي حيل
وجهزت الزينه بغرفه النوم وهالاكل الطيب وجهزت نفسي يومني شفت نفسي بالمنظره
ماعرفتني
ودزيت مسج حق ابو الشباب من موضوع اختنا مي تبع المسجات الي خلا ابو الشباب يكيف ويستعجل بالجيه
ويومني ارتب واجهز بهالشموع واسبح نفسي بالعطر واللمعه اااخ على اللمعه لي حينه موجوده ماراحت
انطر الحبيب
وانطر الطيب
الحين يجي بعد شوي يجي
مليت وانا انطر وكل مابدق اتعوذ من بليس وواقول هو قالي الحين جاي
وانا كل شوي مضبطه الروج والعطور
ماسمع الا صوت مرت حماي تصرخ وتبكي
يالهوي شو صاير
وصوت خالتي تصايح يما جتني ام الركب ماعرفت شسوووي
قمت لبست عباتي وغطيت وجهي ونزلت اشوف شصاير
ولا طلع ولد حماي ضايع والدنيا كلها مختبه وانا قاعده وافكر بالشموع
االي شابتهم لايحرقون الغرفه علي ومستحيه اقوووم بيقولون اني ماعندي دم
خليتهم وقت الازمه
ياويل قلبي يومني سويت ليله رومانصيه ضاع ولد حماي
والدنيا كله تدور بفريجنا
واخر شي طلع الاخ مسير على ربعه بالشارع الي ورانا وهو قايل لامه اني بروح الفرع وارجع
وطول صاره فوق الثلاث ساعات والفرع سكر والولد مارجع بس ماقولكم شنو نطق المسكيييين على فعلته
يطلع ومايعلم اهله
وبعدها صلوح ملوح الي يدل بيته يروح كل من فينه رجع على شقته بعد ماتعبنا من الخرعه
يوم صعدت غرفتني والا الشموع صارت ماااي خربت علي رومانصيتي
والاكل صار بارد ومكياجي اخترب
وابو الشباب قعد يحكك بهالشعرتين ويتنحنح قتله خير قالي تعبان من كثر مادورنا :eh_s(14)::eh_s(14):
طبعا انا كان ودي اثور فيه :eh_s(13)::eh_s(13)::eh_s(13):
ياخرابي دي اول مره اسوي فيه ليله ويحرجني :eh_s(13):
المراد من موضوعي الطويل يابنات الي مثل حالاتي
يوم بغينا نتبخر احترقنا لاتفقدوا الامل والجايات اكثر بس ها ديرو بالكم طفو الشموع لاتصير ماي عليكم
واذا عندكم عيال حمويين تاكدو انهم موجودين بالبيت عشان لا يخربون ليلتكم
ولاتحطون لمعه واجد لاني دمرت الغنفه عند حمولتي تحت وفتشلت ثاني يوم يوم قالولي :wqedqw:
وعادي خلو روحكم رياضيه اذا قالكم ابو الشباب انه تعبان :23_asmilies-com::23_asmilies-com:
