- إنضم
- 22 أغسطس 2011
- المشاركات
- 1,651
- مستوى التفاعل
- 0
- النقاط
- 0
مرحبا ... ان شاءالله تكونون بخير كلكم
انا بشرتي كانت تعبانه وباهته من السهر والنوم المتقطع وماكنت اشرب ماي الا نادر
اي شي يطري على بالكم مو حلو في البشره كان فيني وكانت حالة بشرتي جدا سيئه
وانا اكثر انسانه جربت كل الخلطات والكريمات وكلهم والله يابنات ما اثرو فيني شريت
بالهبل ومبالغ خياليه وكنت استغرب معقوله هالماراكات العالميه ماتفيد فيني وكنت اتوقع
انه بشرتي مستعصيه وراح اتم جذي طول العمر وطبعا وانا صغيره ماكانت بشرتي
جذي بس مع الوقت والانشغال اهملت نفسي انا كنت حابه انه وحد لها
خبره تعطيني حل جذري لمشكلتي بس الاغلب كانو يكتبون كريمات وخلطات وهي ماتفيد
البشره التعبانه لازم اول شي نعالج فتعبت عشان القى علاج مو ((عنايه)) يوميه
لين ولله الحمد عرفت العلاج السحري اللي اتمنى كل بنت تعاني تدخل وتقرا .
الكلام للي يعانون وايد واللي اهملت نفسها وماتفيدها الكريمات والخلطات ودي اذكرهم
بالاسم لانهم نزلو مواضيع وماحبيت ادخل واكرر اجابتي للسحر هذا فقلت افضل طريقه
انزل موضوع وان شاءالله كلهم يقرون
بنات اللي بشرتها انعدمت من تصبغات ومن هالات ومن اثار حبوب ومن شحوب وعدم
نظاره ماينفع حبيبتي فوق هالبشره المنتهيه تحطين كريمات وتنتظرين نتيجه لازم
تتخلصين منها والجلد الجديد تهتمين فيه
الحل السحري يابنات
التقشير باحماض الفواكه
وعقب اي شي تحطينه تشربه البشره شرب وبتشوفين نتيجه خيااااااااااااااليه
التقشير يكون 3 مرات ورا بعض ولازم تسوين هالتقشير بايام الدوره عزكم الله عشان
ويهج مايحووشه ماي ويتقشر على راحته
على فكره انا جربت التقشير الكيماوي مامنه فايده غير انه ايبس الويه اسبوع ومافي
نتيجه تذكر بس احماض الفواكه خيال يابنات بشرتي احين غير ماشاءالله عمري
ماتخيلت اتخلى عن الميك اب في حياتي اليوميه
قبل التقشير يابنات استخدمت الروكتان نشف الحبوب كلها
لاتنسوني من صالح دعائكم
:eh_s(17):
