هذا اللي صار في مدرسه ( بالرقه ) ابتدائيه للبنات* تم تعديل العنوان بواسطة مشرفة القسم

[SARA_912]

في يوم الثلاثاء 5\5 نظمت ادارة المدرسه رحله لكويت مجيك ورافقت الطالبات مدرستين
وقامت المدرستين بترك الطالبات والذهاب للتسوق تاركين اطفالنا عرضه للخطر
لو تم اختطاف احدى الطالبات ؟
لو تحرش احد بالطالبات ؟
لواصيبت احدى الطالبات ؟
اللي يحر القلب ان البنات كانوا يبكون خايفين ووحده من البنات تقول لامها يمه ابلاتنا كذابات يقوولون بنروح نصلي وراحوا يتسوقون راجعين معاهم اكياس واجد
تصرف المدرسات هذا لايمكن ينسكت عليه وانا حبيت انبه الامهات اللي مادروا خل يسالون بناتهم عن الرحله

 

[شووكولاته]

رد: هذا اللي صار في مدرسه بالرقه ابتدائيه للبنات

والله مهزله من صجج معقوله هالتسيب يعني ما معاهم ولا ابله

شلون هادين البنات بروحهم؟؟؟؟؟؟؟؟؟؟؟؟؟؟؟؟؟؟

 

[..حدي كلاسي..]

رد: هذا اللي صار في مدرسه بالرقة ابتدائيه للبنات

ذنـب البنــــــات بـالمـدرسـتيـن إللي ويــاااهـم .. وإلا رايـحـه اتسـوقيـن ومـخـليـه البنـات إللي أمـانـة بـرقبـتـج !!

لاحقـه لاحقـه على السـوق والتسـوق وكـلش مو وقتـه اتسـوقيـن وأنـت بـرحلـة مع البنـات .. يـاويـلهـا من ربـهـا لو صـاير شي للبنـات لاسمـح اللـــة ..

الـتـربيـــــــة صـــارت خــرطـي !!​

 

[قهوة برية]

رد: هذا اللي صار في مدرسه بالرقه ابتدائيه للبنات

لاحول ولاقوة إلا باالله العلي العظيم

اذا السالفة صحيحة ماينسكت عليها ابد

ولابد من تقديم شكوي للمديرة

حتى المهمل ياخذ جزاءه

والله المستعان

 

[بتبوتااا]

رد: هذا اللي صار في مدرسه بالرقه ابتدائيه للبنات

شكثر اروح الصبح اشوف يهال روضه ولا مدارس رحلات بس بصراحه اشوف اهتمام واما هالمدرسات الي تقولين عنهم اذا صار شي بالبنات اهم الي بيتحاسبون

 

[Chevy]

رد: هذا اللي صار في مدرسه بالرقة ابتدائيه للبنات

والله ذكرتيني بسالفه صارتلنا قبل سنه كان عندنا بريك و رحنا ماكدونالد نتريق ولا في مدرسة أبتدائي صبيان يايبينهم رحله

شوي ولا المدرسين اللي مسؤلين عنهم يحطون الصبيان بالباص و اييون يلحقونا لين السيارة و يتحرشووووون !!!

صج ما فيهم خير هادين اليهال بالباص و تغازلون !!

يعني صج هالوقت المدرسين و المدرسات صايرين لا تعليق !!
أول ما كنا نسمع بالهالسوالف كلش ..ماكو إحساس بالمسؤوليه !!

يعطيج العافيه

 

[دريم ويب]

رد: هذا اللي صار في مدرسه بالرقة ابتدائيه للبنات

لا حول ولا قووة الا بالله

ضيعوا الامااااااااااااااانه

 

[Ocean]

رد: هذا اللي صار في مدرسه بالرقة ابتدائيه للبنات

حسبي الله عليهم يعني ماكو وقت يتسوقون فيه الا بالرحله .....؟؟؟؟؟؟؟؟؟ شسالفه والله لو انا وليه الامر جان لي تصرف ثاني ما اسكت عن هالمهزله كافي ان الزمن متسبب ويخوف والله حرقتي دمي ..... شنو ماكو مسؤوليه وين الامااااانه هذيله يهال.... باجر انشوفهم معقدين و امراض نفسي من اللي نسمعه ...... مااقول غير الله لا يوفقهم من ابلات اللي اهملوا البنااات

 

[yassoo]

رد: هذا اللي صار في مدرة الرقة ابتدائيه للبنات

بصراحة منتهى الاهمال والتسيب

 

[krkosha]

رد: هذا اللي صار في مدرسه بالرقة ابتدائيه للبنات

بالابتدائي!!!! احنا رايحين مع دكتورنا المحكمه ولا خلانا بروحنا وكل وحده مره اطول منه !! شهالبشر مايخافون ربهم

 

[..مفاهيم الغرور..]

رد: هذا اللي صار في مدرسه بالرقه ابتدائيه للبنات

اصلا سالفة انهم يودون رحلة لمجمع تسوق مالها داعي


شبشوفون هناك

وين الفايده

لو مودينهم المركز العلمي احسن

 

[وجدان الكويت]

رد: هذا اللي صار في مدرسه بالرقه ابتدائيه للبنات

استغفرالله حراام عليهم

واصلا من الاساس شكو رحلة لكويت ماجيك !!!!

 

[انصاريه قمره]

رد: هذا اللي صار في مدرسه بالرقه ابتدائيه للبنات

عادي مودينهم يلعبون

 

[النملة نواري]

رد: هذا اللي صار في مدرسه بالرقه ابتدائيه للبنات

ما شاء الله عليهم خوش ابلات
و الله حيييييل ملتزمات و لا كان البنات امانة بارقابهم
و الله قبل جم سنة صارلنا انا و رفيجاتي موقف مشابه
و ياليته كان بكويت ماجيك كان بارض المعارض و المعرض متروس اصبيان من المدارس الثانية
و المكان كله دواعيس و الابلات مهيتينا و رايحين معرض العطور
ما جنهم لاحقين على السوق

 

[الكويت غالية]

رد: هذا اللي صار في مدرسه بالرقه ابتدائيه للبنات

حسبي الله عليهم عسى الله لايقولها لو صار شي على وحدة من البنات

اطمرت الوزيرة وقالت اي السبة على اهلها ليش يوافقون ان بنتهم تروح للرحلة

بس لا تسكتون عن هالسالفة والله ماينسكت عنها العنو خير الابلاااااااات اللي خلووو البنيات وراحو يدورون الدوجه

 

[jolie_q8]

رد: هذا اللي صار في مدرسه بالرقه ابتدائيه للبنات

تم نقله للقسم المناسب

عزيزتي انتي متأكده من هالشي .. يعني شفتي الموقف بعيونج؟

اذا تأكدتي لازم تقدمين شكوى لإدارة المدرسة أو للمنطقة التعليمية

علشان هالشي ما ينسكت عنه

وشكرا

 

[! بنت العاشره !]

رد: هذا اللي صار في مدرسه بالرقه ابتدائيه للبنات

امااااااانه اي مدرسه ليكون مدرسه بنتي


وبعدين يمال اللي لاحقات على السوق قلبهم ميت

 

[كويتية صغيرة]

رد: هذا اللي صار في مدرسه بالرقة ابتدائيه للبنات

قدمى شكوى لإدارة المدرسة

علشان الأبلات يتحاسبون

لأن هذا الموضوع لايسكت عنه

 

[SARA_912]

رد: هذا اللي صار في مدرسه بالرقة ابتدائيه للبنات

انا تاكدت من صديقات بنتي وانا على اتصال مع وليات امرهم المدرسات رايحين يتسوقون وتاركين الاطفال في عهدة الفراشه انا ما اعتمد على خدامتي
وانا عندي اسماء المدرسات وبكره راح اقدم شكوى رسميه بس كنت ابي انبه باقي الامهات عشان اللي صار مايصير مره ثانيه
احنا كل يوم نسمع عن الجرايم
حسبي الله عليهم لو صاير شي للبنات اقسم بالله ..............

 

[القرآن ربيع قلبي]

رد: هذا اللي صار في مدرسة بالرقه ابتدائيه للبنات

قواج الله ولا تسكتين الله حفظهم هالمرة البنات وموكل مرة تسلم الجرة
انعدم الضمير والاحساس بالامانه والمسؤؤليه مادري شلون تحلل معاشها