هديه للأبلات

[الرياش]

السلام اشلونكم بنات
بنات ودي أعطي أبلات ولدي هديه غير الككاو يا ريت اتساعدوني شنو أنسب هديه ممكن أعطيها لهم ؟

 

[حلم الطفولة]

هلا // في وايد أفكار وان شالله أفيدج ,, ممكن أشياء بسيطه ورخيصه وحلوه وممكن شغله حلوه وغاليه وتبقى في الذاكره ..
ممكن عطورات صغيره
--- نوتبوك جلد ماركه وكشخه
-- بوكس بخور
-- سنتربوينت عنده شغلات للمكتب مثلا فازات أو شمعه في كاس حلو ومعاهم اكسسوار نفس النقشه ...

-- في محلات (أجمل ) والله يهبل بوكس بخور اسمه عود مبخر حلو حق تبخر البيت عقب لوجبات وايد حلو وزين حق هديه ..
... ممكن صوابين صغيره من محلات بالمهلب والافينيوز وبمحلات الشايع .. تطبعين لكل وحده باسمها شهادة شكر وتقدير كبر كف الإيد وتحطينها في برواز كشخه ,, يستانسون وايد عليها ويكون البرواز فخم .. تقدرين تضيفين معاه كاكاوه أو ربع تولة دهن عود ,,
-- فيه صواني صغيره ورخيصه بسنتر بوينت تستعمل لوضع العطور عليها .. حلوين وايد..

-- قلم فضي او ذهبي أو أسود من الماركات اللي سعرها معقول .. يدوم ويكشخون فيه ..
--- أكو محلات عندهم مجوهرات فضه وزركون سويسري ومطلي بالذهب وأسعارهم حلوه .. أذكر واحد فوق بمجمع البحر بحولي .. ومادري وين بعد .. ممكن تنقين اسوار ومايكلف وايد ..

-- لاتنسين بعد قسم المول في منتدانا ماشالله تاجراتنا عندهم شغلات وأفكار حلوه ..
وعموما الهديه تفرح لو كانت شي بسيط جدا ,, حتى لو ميداليه مرتبه ومكتوب عليها اسم المدرسه وإهداء من بنتج ..