هديه لزوجي بعد سلامته من العمليه

[غلايو]

مرحبااا

بنات

انا من اسبوع ريلي سوا عمليه
ونحن حالياً ف المانيا


و راح ارجع قبله لاني بدخل شهري الثامن وهو بيظل اسبوع و بيرجع

ف بسوي له عزيمه عشا فبيت اهله

بوفيه كامل

لكن ابي اهديه شي جدامهم لانه راح ينصدم لانه مومتوقع ابداً


انا ام الافكار بس لما يت المناسبه راح عني كل شي

و اصلاً زوجي الله يحفظه يمتلك من الاشياء احسنها

يعني تلفونات
عنده بورش دزاين وعنده ايفون5 ولا يبي غيرهم

ساعات
عنده كذا ماركه و الي بخاطره خذاهم
الي هي الروليكس والقوتشي

ملابس
يحب ماركات رياضيه
اديداس و بوما و نايك
و عنده احدث الموديلات لانه لاعب كوره
اي كولكشن ينزل ياخذ منهم

حتى لبس الكشخه يكون جنز على قميص نادي معين

ف مافي مجال انوع له بالملابس لاني جربت ومالبسهم


عطور
يستخدم عطوري

و الله احترت معاه
الله يحفظه ماعندي فرصه اخذ له شي يديد


فكرت ب شي خيري لكن بيكون بيني وبينه ماراح اعلن عنه فالعزيمه

ف انا ابي شي اهديه بعد العشا

فكرت بتذكرتين سفر للعمره له و لحد هو يختاره لاني حامل
بس ماينفع لان العمليه بريوله

لكن بتأكد من اخو زوجي بخليه يسال زوجي من باب المزاح

طبعاً انا بكلم زوجته لاني ما اتواصل مع حمياني


ف عطوني هديه تكون واو و فخمه


للعلم انا ما اشتغل يعني الميزانيه على قدي لكن اقدر ادبرها

بس ابي افكار يديده بليززز

 

[نونه المنكوشه]

حمدالله ع سلامته بس اذا سويتيله بوفيه حلو وراقي اظن يكفي وبعدها حجزي سويت بفندق حلووو ليلتين ودلعي عمرج ودلعيه لانه لاانتي ولااهوه يسمح وضعكم اتسافرون واهوه مشاءالله عنده تقريبا كل شي ف هذا افضل شي بنظري والله يتمم عليكم

 

[غآب نورك ~]

الحمدالله على سلامته ومايشوف شر ..

اهو اكبر هدية لج وانتي اكبر هديه له الله يخليكم لبعض


وانا افضل تخلين الهديه خيريه وتكون بينج وبينه فقط والعشا يكفي

 

[قروب وناسه]

لا تسوين غير العزيمه وجيبي له بوكي ورد
وعلبه شوكلا من باتشي صغيره بس
وبينك وبينه سوي كفاله يتيم بنيه تكون له
لها اجر كبير قال الرسول صلى الله عليه وسلم انا وكافل اليتيم كاهتين

وربي يحفظكم ويخليكم
لبعض
واذا ولدتي بسلامه وطلعتي من نفاسك روحي العمره انتي معاه
يوم ويوم ثاني سوي اللي تبين
نصحيه مني لك

 

[مفعمه بالحيويه]

الاجر عظيم جداً اذا زوجج مايدري عن العمل الخيري الي بتسوينه له ولا أي ومخلوق يدري

يكون فقط ( بينج و بين الله ) سبحانه ~

وبالنسبه لهديتج له .. حتى لو كل شي عنده ، عادي اهديه ساعه المهم يكون تغليفها يكون روعه ..
بيتاانس لأنها مفاجأه ماكان متوقعها

والله يسهل عليج الولاده والحمد لله على سلامته

 

[شندوخه]

بما انه زوجج عنده تلفونات وايد
في جنطه رجاليه يمسكونها الريايل بايدهم تكفي كل اغراضهم ووايد صايره موضه عندنا
تصير شكلها مثل المقلمه ولها مسكه صغيره
روحي ال في منزلها وايييد حلوه للريايل وستايلها رجالي حلو

 

[ظبية بوظبي]

بوك

 

[مناير ...!]

الحمدالله ع سلامته
ودامه مثل ماقلتي يعني مافيه هديه تناسبه غير مثلا يخت لوول
لذالك اكتفي بالعزيمه

 

[امـ خــزامـى]

الحمدالله على سلامته

فقدتك لي فترررررررره
وزين رجعتي فرحت فيك

انا مع البنات سوي له عزيمه وفكرة العمره جدا جمييييييييييله وعادي يدفووونه بعربيه
هناااااااااااك فييييييييه مارح يمشي على رجووله

وكفالة اليتيم سويها انت بنية الحمد والشكر وبنية ان ربي يحفظكم ويبارك لكم ويهون عليك ولادتك ويرزقك الطفل الكامل الصالح اللي يبر فيكم وكلللل شي ببالك انوويه


ماتتصورين كيف كفاله اليتيم على حياااتكم كيف بتكووووون تغيير للاحسن 100%

 

[um muhsen]

انه شريت تي شيرت حق زوجي و وديته الخياط و طرز عليه من ورا هل كلماتanyone can be a father but it takes a special person to be a daddy. او تقدرين اطرزين على التيشرت بو ( فلان) اسم بنتكم او ولدكم

 

[نـعـومـه]

اخذيه مداليه لسيارته



او بوك

 

[Gifts&Occaions]

حمدالله على سلامته

 

[M!SS.LOBY]

مايشوف شر

 

[Patcholli]

هاذي الوهقه الرياييل هداياهم محدوده
قلم بوك ساعه تلفون ://
وجهزيله الغرفه بطريقه حلوه ومريحه واذا فيج شده خليها ليلة مساج

 

[غلايو]

اشكركم خواتي


و انا خطرت فبالي فكره



راح اخذ حوض سمج دائري حجمه وسط

و بثبت من داخل مندوس صغيرر يكون مفتوح و بحط داخله لولو اونه كنز
و بحط ظرف

طبعاً الظرف بلفه بالنايلون مال الطبخ عشان لايتبلل

و بحط ماي و قولدن فش ٢ و سمجه صغيرونه وحده

و بزين الحوض من فوق بورد طبيعي

و بعطيه اياه

طبعاً الظرف فيه رساله كلام يضحك من بنته الي فبطني

يعني الشكل راقي والمضمون ممتع هههه و منها نكسر قاعده الهدايا

او يمكن ازيد و احط مع الرساله ورقه حجز منتجع



ردودكم اسعدتني

 

[ام بيان]

الحمدالله على سلامته