هديــة عيــدميــلاد غريـبــه,,,

[عاشقة روحها]

السلااااام عليكم..

شلونكم بنااات..

صراحه وااايد محتاااره عندي عيدميلاد رفيجتي اللي اهي توأمي و اختي وكل شي من سنين معاها وابي اشتريلها هديه بس ما بي لا عطر ولا جنطه ولا ساعه ولا نظاره ولا مكيااج لأن كل شي سويته من قبل ابي شي غريب غير هالاشياء وحلوو..

وثانكيووو حبايبي ناطره ردودكم..:eh_s(7)::eh_s(7):

 

[frasha.q8]

اممممممم انا جذي مثلج احتار شنو اييب هديه انشالله البنات افيدونا

 

[بكيزة هانم]

وانا ابي اعرف بعد

 

[فراشة كويتيات]

حبيبتي يبي لها mug ( كوب ) وأي شي ثاني مجموعة عطر او ميدالية ماركة وغلفيها تغليف حلو وتكون خووش هديه اتمنى اني فدتج

 

[دلوعة الحلوين]

حجزيله وحده تسويله مساج

 

[صفاءء]

حبيبتي اول شي تقدرين تعطينها اكسسوار غريب انا يايبه اكسسورات روعه شوفيهم

المهم بعد هذا ممكن تعطيني صورتها احطها لج علىالكاكاو نفس هالرابط شوفيه

http://www.q8yat.com/t628995.html

 

[Bero777]

راقبيها وشوفي الي نفسها فيه وماتقر تجيبه
موفقه

 

[ga6wa90]

حجزيلها سبا

 

[روان المطيري]

آب ..

 

[oooooo]

اخذيلها اي باد 3 او كاميرا بروفشينال

 

[@ كويتيه @]

معــآآي الفكـره وان شاء الله تعجبـكم

جيبيلهآ مرآيـه كبيره مبطنه وشكلها حلووو وعلى لون غرفتها

وكتبي مع المرآيآ .. اغلى هديه تشوفين وجه اغلى نآسي ( اسم صاحبه الهديه )


......


سسويتهآ وعجبت رفيجتي .. وماكلفتني وطبعآ لا تستغنين عن الورد

وكل عام واهي بخيـر يارب.~

 

[كريزية]

وديلها بجامة بس تكون كشششخة حيل من المحلات الغالية
ممكن تحطين مجموعة ككاوات لندن بووكس وتغلفينه اذا تحب الككاو

 

[amami al-kuwai]

اختاري شي على ذوقج

يعني مثلا ميدالية مفاتيح

رسمي لها رسمة مع رساله تكون شغلج او اشتري لوحه

 

[تبولةتبولي]

اشتري لها طقم كفر وشراشف واكياس المخدة معاه طبعا وبعدين طبعي صورتها عليه واشتري لها شموع من سنتر بوينت المتان وطبعي صورتها عالشمع بسترز شفاف يلزق عالشمع طبعا تقدرين تسوين هالشغلات كلها في خدمة الطالب للطباعة او اي مكان للطباعة

 

[فجوري الجوري89]

اذا ميزانيتج تسمح اخذي لها فون اذا كان تلفونها من زمان عندها
او اخذيلها عطور الجزيره تجنن واحد احلى من الثاني
وعشيها بمطعم
والله يخليكم لبعض