هديته لي شفتها وتوهقت

[طيبه قلبي]

السلام عليكم حبايبي
اليوم رفيج زوجي بالدوام هندي سافر ورجع للكويت
وجاب لي هديه لي ولزوجي سديري يهبل وساري الوانه
عجيبه البطانه لونين اخضر واصفر بس لونه هادئ
والثاني اخضر وقطعه شك بس توهقت مادري شسوي
في احد يخيط لي وشلون ااسوي الموديل زوجي يقول تغيير لبسي
ساري صج والله بناات ساعدوني برايكم

 

[غصون ق]

واو احب الساري تتهنين ب الهديه يقلبي

شوفي روحي حق خياط هندي وانه الحين بحطلج صور ان شاء الله تعجبج واي وحده تعجبج قوليله ابي هذا المديل

 

[غصون ق]

ان شاء الله اكون افدتج ب هذي الصور ومثل ما قلت لج روحي حق خياط هندي اذا ما تعرفين خياط هندي قوليلي انه عندي خياط بالاندلس

 

[ام عائشه وعمر]

لا لا مو جذي عاد

دخلي على العم قوقل

وكتبي ازياء ( نيبال ) وشوف موديلاتها

طويله وقصيره رووووووووووووووعه

 

[ALMooOooN]

حلو التغيير حبيبتي

و تتهنين ان شاء الله فيها

شوفي لج موديل عاجبج و روحي الخياط يضبطه لج

موفقه قلبي

 

[M!SS.LOBY]

بالعافية